عندما يكذب الزوج

[راجيه الرضا]

جوزى بيكذب عليا.. ومش عارفة أعمل ايه فى المشكلة دى !! ?
====================
طيب سؤال: بيكذب عشان بيعمل حاجة غلط فعايز يخبى عليكى؟
- لأ، ده بيكذب فى حاجات عادية خااالص.. خارج مع صحابه، هيجيب هدية لحد، هيعمل مشوار لحد من أهله.... حاجات عادية مش غلط
- شوفى يا ستى، لو كان بيكذب عشان بيعمل حاجة غلط فده طبيعى ومتوقع، وعلاجه مش عندى، لأن مش أنا اللى هاقدر أمنعه يتوقف عن الغلط. وغالبا علاجه مش عندك انتى كمان، لأن انتى ملكيش ذنب فى أنه بيتصرف غلط..
لكن لما يكون بيكذب فى حاجات بسيطة وعادية كده يبقى كده لنا وقفة بقى..
ده معناه حاجة خطيرة جدا
معناه أنه بيخاف يقول لك
خايف من رد فعلك
قلقان من اللى هيحصل لو عرفتى
فبيشترى دماغه ويريح نفسه ويقفل باب المشاكل
بصراحة كده.. بيتّقى شرك ?
لأنه عارف ان هيبقى فيه خناقة أو مواجهة مش لطيفة أو تأنيب له
وهو عايز يتجنب كل الدوشة ووجع الدماغ ده
كأى طفل خايف من مامته!!
بس خدى بالك.. ده جوزك مش ابنك!
ماينفعش يبقى شايفك فى الصورة دى.. صورة أبلة الناظرة اللى بيخاف منها
أو ماما المرعبة اللى بتزعق وتتخانق على كل كبيرة وصغيرة
وكمان بتتحكم فى كل تصرفاته، يروح فيه ويقابل مين ويصرف فلوسه ازاى..!!!!!
وبالمناسبة حتى لو ابنك مفيش داعى للطريقة دى لأن للأسف نتائجها عكسية
انتى علاقتك بجوزك علاقة مشاركة للحياة... علاقة ود وتراحم وسكن..
مش علاقة استعلاء وتوجيه ووصاية ..
وتأنيب وعقاب لو غلط!!!
طول ما هو قلقان من رد فعلك وشايفك أبلة الناظرة .. هيفضل يكذب عليكى
الحل فى ايدك انتى
...........................................................................
( طبعا فيه نوع تانى من الأزواج مش بيقبل الوضع ده أصلا، وبيرفض أن حد يبقى وصى على تصرفاته،
وفى الحالة دى بيواجه وبقوة...
والنتيجة حسب درجة مرونة وذكاء الزوجة..
يا إما تفهم حدودها وتتعامل على هذا الأساس
يا إما تفضل شايفة انه هو اللى غلط وهى اللى صح وتكمل فى أسلوبها.. وتستمر المشاكل والحرائق للأبد ? )

منقول د. إيمان صلاح

 

[دانسميز]

لاأؤيد هذا الكلام.. ممكن في بعض الحالات....
وممكن عادة عنده...أخذها من احد والديه... ليس للزوجة علاقة بالأمر..

 

[راجيه الرضا]

وغالبا علاجه مش عندك انتى كمان، لأن انتى ملكيش ذنب فى أنه بيتصرف غلط..



مرحبا حبيبتي ???? هذا الكلام من داخل المقال وان لم يكن بنص كلامك ولكنه يحمل معني شبيها به فالخطا منه الكذب..واضافه من عندي اصلا هناك خلل في مراقبته لربه تعالي فليس ذنب الزوجه اذن اتفق معك ان هناك مواقف لا ذنب للزوجه فيها

 

[راجيه الرضا]

@دانسميز