عندما دنا الأجل من حماتها التي ظلمتها ..عبرة

[راجيه الرضا]

صاحبتنا بعد ربع قرن زواج و سوء معاملة من حماتها ضاعت فيهم زهرة شبابها و نفسيتها تدمرت
أخيرا أذن الله لها تتنفس و تعيش بدون الأذى ده و حماتها ماتت
لما حماتها حست بقرب الأجل رغم إننا كلنا المفروض نعمل لآخرتنا وكأننا سنموت غدا
استسمحت زوجة ابنها و طلبت المغفرة لكل الافترا و السب و المعايرة و غيره
كتير مننا مش هيلوم على صاحبتنا إنها -و لو كان ظاهريا - قالت للست كلمة تريح ضميرها اللي هو أصلا ميت من قبل ربع قرن
ده لو كان فيه أصلا من قبل كده

و الحما دي إيه أحسب إن فيها خير
لأن الله يسر لها -تحس- بدنو الأجل و تطلب المسامحة
غيرها كتير افتروا و اتقلبوا ماتوا واللعنات بتشيعهم
و غيرها اترفض طلبه لأن الأذى كان فوق الوصف والافترا كان فوق الاحتمال

كام زوجة بيننا منتظرة فرج الله؟!!

نصيحة اللي يشوف حد من والديه أو اخوانه بيظلم يرده عن ظلمه
و يذكره بالآخرة
و بحقوق العباد اللي ما بتتغفرش إلا لو صاحب الحق سامح

و لو زوج خايف من غضب أمه لو دافع عن زوجته يبعدهم و يفصلهم عن بعض
و إلا يبقى مشارك في ظلم زوجته
اتقوا الله
الظلم ظلمات

هو ليه كتير من الناس ما بتتعظش إلا بعد فوات الأوان؟؟؟
السعيد من وُعِظَ بغيره

و لا حول ولا قوة الا بالله
إنا لله و إنا إليه راجعون

#تحديث

البنات اللي المنشور أثار أحزانهم
و قالوا مش هيسامحوهم
سامحوا يا بنات
مش عشان ربنا ما يعذبهمش و لا يحرقهم في نار جهنم جزاء لقتل الروح عمدا مع سبق الاصرار و الترصد لبنت الناس و هي عايشة
ابدا
نهائي
أساسا ده ذنب فيه حقين حق لك
وحق لله

سامحوا عشانكم انتم
عشان تنسوا و قلبكم يبقى سليم
عشان الله يغفر لكم
و ده أهم مطلوب في دار الابتلاء و الكرب دي
( وَلْيَعْفُوا وَلْيَصْفَحُوا ۗ
أَلَا تُحِبُّونَ أَن يَغْفِرَ اللَّهُ لَكُمْ ۗ
وَاللَّهُ غَفُورٌ رَّحِيمٌ )

سامحوا يا بنات
أَلَا تُحِبُّونَ أَن يَغْفِرَ اللَّهُ لَكُمْ ۗ
ۗ أَلَا تُحِبُّونَ أَن يَغْفِرَ اللَّهُ لَكُمْ ۗ
ۗ أَلَا تُحِبُّونَ أَن يَغْفِرَ اللَّهُ لَكُمْ ۗ

#دشيمامشرف