عندما حرم الله الاختلاط ..من أرض الواقع نتأمل

[راجيه الرضا]

الاسلام لما وضع حدود بين الستات والرجالة ف الكلام مكنش عشان حفظ الفروج بس إنما حفظ النفوس بردو..

تبقى ف الشغل مع زميلتك 8 ساعات ترغي ف كل كلام الدنيا فترجع البيت صامت مش طايق من حد كلمة ..

لما تتخيلي إن محمودزميلك لو كان جوزك كان زرعلك الشقة ورد تبقي هبلة .. تفتكري ما زرعش ليه لمراته ؟! هل لأنهم زارعينها جزر مثلا !!
لما إيمان تقولك : لو كنت جوزي كنت عملتلك فطار خمس مرات ، وهي أصلا جوزها طلع شغله من غير فطار و معلقين له محلول جفاف من الجوع ..

لما يقولك شايف حزن في عنيكي .. وعنين مراته وارمة من آخر علقه خدتها ..
وهي بتحللك مشاكلك مع مراتك وتقولك : إزاي ؟! الست لازم تحتوي جوزها ، وهي وجوزها كل أسبوع في محكمة الأسرة

يا جماعه دي فتنة .. والله فتنة
كل طرف بيظهر للتاني أحسن ما فيه فينكد عليه ويغضب ع رزقه وشريك حياته ، الإنسان خلق ضعيفاً وطبيعي الشخص اللي بتقضي معاه يومك كله برا لو مكنتش محافظ ع نفسك وقلبك ممكن تقع ..
" خيركم خيركم لأهله " لأهل بيته الي بيشوفو منه كل جوانبه السيئة وصابرين عليه بس بنحاول نغيره للأفضل..
قبس احمد زيدان
#كن_ذا_أثر_طيب​