عمليتي يوم الاحد

[عنوده123]

السلام عليكم حبايبي ودي اقولكم شغله انا وزني كان مضايقني والحمد لله قدرت خلال اشهر اني انزل من وزني كثير بس بقت مشكله البطن الي مو راضي يخف رغم اني امشي كثير وطبعا انا خوافه بس قلت بحط اخر الاحتمالات عمليه شفط الدهون ببنج موضعي المهم ياخواتي اعلنت الحرب على الكرشه الي مضاقتني مو كبيره هي مره بس الشحم مو راضي يتزحزح جسمي صار مشدود وحلو من المشي والرجيم البلى الكروووشه الي مو راضيه تروح واستخرت ورحت اكثر من عياده وكلهم نفس الشي اللهم كل واحد له سعر خاص رحت اول عياده الي هي الدكتوره فاطمه الشهري وعطتني سعر بغيت انهبل قلت لها يادكتوره انا بطني الحمد لله مافيه تشققات ولامترهل بس قالت عارفه بس الجهاز ومش عارفه ايش قالت تحتاجي شفط من البطن ونحت خصر توقعون كم 26الف قلت ان شاااااااءلله يكون خير وتوكلت علي ورحت عياده ثانيه وكشفت المهم طلع دكتور سوري من تعامله بصراحه مريح وقالي انا بقولك تحتاجين هنا وهنا شفط الي هي منطقه البطن والخصر وقالي تكلفه العمليه 18الف قلت علي بركه الله انا قلت بتوكل علي ربي وبسويها ياليت يابنات اذا وحده عندها خلفيه عن عمليه شفط البطن بنج موضعي تقولي وغير كذا انا كل شي جربت وفعلا انحف بس بطني تخف شوي وترجع حتى ابر الميزو ثرابي جربتها بس وقتيه يارب الي تجاوبني ماتذوق حر النار الله يجزيكم بالخير وانا راح اقولكم كل شي يصير معي بعد العمليه لان عمليتي يوم الاحد تكفون ابي دعواتكم لي وانا ورب الكعبه راح اقولكم كل شي حتى لو النتيجه مو كويسه راح اقولكم

 

[الساندريلا دانه]

الله ييسر امرك ويحقق لك كل اللي تتمنين يارب من غير شر ... ووالله ياعسل ماعندي اي خلفيه لكن ان شاء الله البنات يفيدونك ...

 

[الزين القصيمي]

عنووده حبيبتي .. سمعت في دكتوور مره شآآطر يسوي هالعمليآآت بس هو يسوي تخزيم المعده اسمه عايض القحطاني استشاري سمنه ومناظير ياليت تروحين عنده يمكن يشخصلك شيئ افضل من الي انتي رحتي عنده وللمعلوميه انا شفته بس من خلال اليوتيوب يعني ماعرف عنه شيئ ... بس ابهرتني عملياته بارك ربي وتعامله مع المررضى طبعآآ كله في النت بس

واستخيري وربي معك

 

[عنوده123]

تسلمين ياسندرلا وانتي يا اختي الزين القصيمي ادعولي ان ربي يتمم عمليتي وانا راح اخبركم بكل شي يصير معي بس دعواتكم لي الله يجزاكم بالخير

 

[وردة الحنون]

ربي يتمم عليك
ويسهل لك
بالتوفيق

 

[اسيره همومها]

تبين نصيحتي لاتسوين والله قريت عن واحده بمنتدى سوتها ودفعت الوف وتقول بالاخير ماشفت نتيجه حاولي تسوين رياضه بطن واشفطيه على طول وخذي كريمات وان شاء الله تشوفي نتيجه انا معاك ان البطن مايروح لي كم سنه وانا معاي كرشه بسيطه وعيت لاتروح بس لاني ماستمر على الشي بس جارتي كان بطنها كبير وسوت رجيم 3شهور وماشاء الله خفت بنسبه 75 بالميه
واذا مره مصممه استخيري بعد كل فرض الين موعدها عشان ماتندمي

 

[قلبي مفقود]

عنوده حبيبتي ليش ماتسوين تكسير شحوم مافيه بنج ولا هم انا سمعت صديقتي تقول لقت جهاز تكسير الشحوم ب650 ريال ابحثي عنه بالنت مررره رهيب وانا قلتلها اذا جاب معك نتيجه قوليلي اشريييه احس انو احسن لك ياعمري من شفط الدهون لان فيه بنج وحنا يالحريم اجسامنا موناقصه والله يوفقك

 

[ورود جورية]

الله يكتب لك الي فيه الخير وييسر لك العمليه وتفرحين بالنتيجه ولا تنسين تطمنينا عليك

 

[قلبي مفقود]

عنوده ويينك طمنيناا عنك والله افكر فيييك الله يمتعك بصحتك ياارب