عمليتي بكره ردوا عليا الان

[يارب ارحمنا]

السلام عليكم
تكفون خواتي ردوا عليا ضروري
انا اخذت ابر منشطه وكلوميد وعددالابر 11ابره منشطه وابره تفجيريه وبكره عمليتي للتلقيح
بس بعد هالعذاب ماطلعت الابويضه وحده بس والحمدلله
وانا من قبل مااقبل ع التلقيح وانا استخير بس امس صارت مشكله بيني وبين زوجي واليوم زعلان وبكره عمليتي ياترى هذا الاستخاره وانها ماراح تنجح وصارت هالمشكله
تكفووووووووووون ريحوني اروح والا لا

 

[سمااوية]

حاولي تتراضون ..

و ربك كريم .. و شوفي نفسك ترتاح لأيش ؟ تروحي أو لا ..

الله يسهل أمورك

 

[لموسي4]

توكلي على الله وكملي المشوار انتي مستخيره وربي ماراح يخيبك الله يرزقنا بالشهر الفضيل يارب العالمين

 

[القمر الوحيد]

ياقلبي روحي ماتدرين يمكن هالبويضة الوحده ربي كاتب انها تتكون جنين
واكثري من الاستغفار والصدقة والدعااااااء
وحتى لو ماصار حمل لا تزعلين كوني راااضية فالله جل جلاله أعلم منك
بالخيرة في أمورك كلها ..
​

 

[يارب ارحمنا]

الله يستر دعواتكم لي

 

[ريحانة الشمال]

يارب ترزقك الذريه عاجلآ انتي واختي
مادام انك ماستخيره توكلي ع الله وماخاب من استخار
اختي مثلك سوت عمليه وربي ماكتب لها حمل الله يرزقك وتهون عليك عمليتك
طمنينا عن اخر اخبارك ياعسل

 

[~ام زيآد~]

توكلي على الله وسويها..
والله يرزقك ان شاء الله ويرزق كل محرومة..
ربي قادر على كل شي
​

 

[صلة بين الشعوب]

طيبي خاطرك وتحلي بالصبر الصبر مفتاح الفرج لا تزعلي من زوجك كلميه وراضيه كانه ما فى شىء كي تحسي براحة وتوكلي على الله واستغفري الله كثيرا

 

[أحلامي كوابيس]

الله يرزقك ان شاء الله

 

[جناح فراشة]

ربي يسهل أمرك ويكفيك كل شر وأذى ويرزقك من واسع رزقه ويعوض صبرك خير يارب

 

[فداك الجرح]

لاتخافين ولاتحاتين دام انج استخرتي فوضي نفسج للرحمن وراضي زوجج وتعوذي من ابليس وخلي هالوساوس وسوي العمليه وكرري ربي لاتذرني فردا وانت خير الوارثين لين تتبنجين