على درب الطلاق..تمشي خطواتي

[هديـــل]

السلام عليكم ورحمة الله وبركاته
انا شرقيه جنوبيه
هوا غربي جنوبي
اريد الطلاق
طبعا بعد مسيرة عذاب طوووووويله
لكن السؤال
ماهي اشد الاساليب ايلاما بالنسبه لرجل بمواصفاته؟؟
اريد ان احطم غروره كما حطم احلى مافيني
وهتك اجمل احاسيسي
فنفسي تابى الطلاق هكذا
بكل اريحيه وانسيابيه
ممكن انو الطلاق ياثر عليه
بس ابغى حاجه تهزه
ابغى حاااجه تذبحه وهو حي
مع العلم انه يموت فيني بس للاسف
حبه غبي زيه
يحبني ويكلم مليون وحدا غيري
المهم
كيف انتقم لنفسي
لان نفسي قد ضاقت
واريد شيئا يرد كرامتي
خصوصا اني في منزل اهلي
وهو هناك في منزلنا
يتوقع انها ككل مرا ستنتهي المساله ببضع كلمات
واسف ومعرف ايش
بعدما ضربني
واهانني
وجرحني
وانا حااامل!!
وجرجرني وراءه في رحلة عذاب دامت 5 سنوات
اريد شيئا يعيد لي كرامتي
قبل ان انفصل عنه
شاورتكم خوفا من نفسي الجريحه!!!!!
المستشارات
اصحاب الخبره
ابغى حل​

 

[نفحات]

ليش الطلاق عزيزتي..................شوفي حلول الأستاذة الناعمة في قسم الحكايات وشوفي اللي يناسبك ....الصبر غاليتي وحاولي استخدام أساليب ردع لزوجك ولماذا الانتقام ؟لا تنسي انه أبو أولادك؟

 

[روزاليندا]

حبيبتي استهدي بالله الطلاق كسر المرءة وليس الرجل من رايي استعيدي زوجك وخليه يتعلق فيكي هذي قمة عذابه لمن يحس انه مو قادر يسيبك شوفي نصائح الاستاذة وتجارب البنات وكلنا ماشين بهالدرب والله يخرجنا من الدنيا على خير

 

[هديـــل]

شاكره لك حسن اخلاقك وطيبتك يالغلا
لكن صدقيني انا قرات في هذا المنتدى الكثير الكثير
واستفدت منه
لكن بالنسبه لي مقتنعه اقتناع تام بالطلاق
وغير كذا نقدر نقول(طاح من عيني) ما احس انه يستاهل احاول معاه اكثر
لان كل محاولاتي السابقه باءت بالفشل
وصدقيني اكثر شي تفيدووني فيه انكم تعلموني على شيء اقابل فيه
ضربه
اهاناته
تجريحه
خياناته
اللي على مدار 5 سنوات متحملتها وعايشه معاها
ابي شي يهزه
خاصه انو مب متوقع اني اطلب الطلاق ابداااااا
على باله اموت عليه
وانا وربي كرهته كره لدرجة اني اخاف من نفسي احيان

 

[زمان الصمت]

السلام عليكم والرحمه اختي هديل

برد الله علي قلبك بماء الثلج والبرد
الانتقام لن يشفي غليلك ويبرد على نار حقدك لهذا الرجل
تدرين وش بيقهره اكثر شي التفاتك لنفسك وحبك لها اكثر ونسيانه اخرجيه من دائرتك عزيزتي

فمن منا لم يذق الم الخيانه شوفي مشاكل لاخوات اكثرها خيانه ومع ذلك صابرات لان الدنيا دار ممر وليست دار مستقر

حبيبتي

مدام عندك اطفال التفتي لهم وربيهم اعلم انك ذقتي مه الاهانه واستشعر شعورك لاني مريت بنفس تجربتك ولكن لا يستحق صدقيني ان تفكري فيه حتى تفكير

التفتي لنفسك حبيها ضمي نفسك ..

والظالم سياخذ عقوبته عند الباري عز وجل وسيرى نتيجه تصرفاته طال الزمن او قصر

اللهم فرج عن كربتي وكربه اختي هديل يارب العالمين

 

[ms-reem]

شاكره لك حسن اخلاقك وطيبتك يالغلا
لكن صدقيني انا قرات في هذا المنتدى الكثير الكثير
واستفدت منه
لكن بالنسبه لي مقتنعه اقتناع تام بالطلاق
وغير كذا نقدر نقول(طاح من عيني) ما احس انه يستاهل احاول معاه اكثر
لان كل محاولاتي السابقه باءت بالفشل
وصدقيني اكثر شي تفيدووني فيه انكم تعلموني على شيء اقابل فيه
ضربه
اهاناته
تجريحه
خياناته
اللي على مدار 5 سنوات متحملتها وعايشه معاها
ابي شي يهزه
خاصه انو مب متوقع اني اطلب الطلاق ابداااااا
على باله اموت عليه
وانا وربي كرهته كره لدرجة اني اخاف من نفسي احيان[/quot

لا انصحك بالطلاق وانما قولي له انا طابت نفسي منك (قولا وعملا ) يعني عيشي حياتك واتركيه لمن يرجع
دلعي نفسك واسعديها وكانه غير موجود بها (وشوفي اذا استطعت العيش للابد بدونه وستتحملين وحدك ابنائك )
وقتها استخيري قبل
انا ما انصح بالطلاق وانما يحتاج لردة فعل قويه تهزه من الاعماااااااااااااااااااااااااااااااااااااااااااااااااااااااااااق
ويرتدع بعدها والطلاق مو كافي لانك انتي المضررة اكثر منه ولا هو حل
اردعيه وبيني له انه رخيص عندك حتى يرجع وان رجع اشترطي جميع شروطك وبشهود ليطبقها
وكوني قويه يعني بيني له انك مو فارقه معك وجوده وعدمه واحد حتى ما يذلك ويحس بقيمتك
نظرا لانك عملتي جميع السبل ولم يتبقى سوا القوة
الله يفرج همك

 

[هديـــل]

زمان الصمت حبيبتي
الف شكر لك ولكلامك اللي من جد خلاني احس انك كاخت لي لم تلدها امي
وكذلك انتي اختي بنوتة دلع
وان شاء الله يكون فميزان حسناتكم
بس القضيه هنا...مب قضية اصبر عشان نفسي او غيرها من اولاد او شي
لا اخفيكم سرا ان ابنائي الاثنين يسوون نور عيووني
لكن مارايته من تجارب من هم حولي
انو الاولاد يروحوا فحال سبيلهم
وانتي مكانك سر
قناعتي تقول اني في بداية شبابي 26 سنه فقط
واطمح لاكمال حياتي التي سلبها مني الزواج
ابي اكمل دراساتي العليا
واحقق نجاحي
واهتم فحالي
واطفالي عندي بحكم اني مابغى اكرر عملية الزواج
وخاصة فالفتره الحاليه
اتمنى احد فيكم حاس باللي امر فيه
..
يعني حتى لو صبرت وجلست عنده لابد يكون عندي نوع من انواع الرضا
لانو بالاول والاخير بيطالب بحقوقه الشرعيه
من خدمته وطاعته وتنفيذ اوامره والسماح او عدم السماح لي من حاجات كثيره
اللي تقول عيشي واهتمي بنفسك
فالسعوديه للاسف وخاصه لدى بعض الفئات
مايعطون الحقوق كامله للنساء
بالعكس ينكدون عليك لحد ماتري غصب عنك
وغير كل ماااااااااااااذكر
معرف لو كان احد معاي فالكلام اللي بقوله
بس اللي كان مصبرني عليه حبي له
والا كرامتي ماتسمح لي ابدا اجلس مع رجل اعرف انو يخوني
وانا ماتربطني فيه اي احاسيس
بالعكس
اكره عمري
...
اتمنى منكم رد متفهم لحالتي
اللي فاهمتني وفاهمه اش اللي اقوله
اتمنى انها ترد علي
وتبرد قلبي
ابغى شي قبل اتركه يرد كرامتي
وشكرا لكم

 

[nonoura]

هالرجال مابيجى من وراهم غير الزعل والنكد والدموع الله يصبرنا عليهم

 

[ورد ابيض]

لا حول ولا قوة الا بالله ,عزيزتي قلبي معاك والله يكون في عونك انتي عارفة انه ابغض الحلال هو الطلاق ,حاولي معه محاولة اخيرة انتي بتقولي انه مو متوقع انك تطلبي الطلاق يعني ممكن لما يعرف انك بدك الطلاق يصحى ويحس انه بيخسرك ويبذل مجهود لاصلاح نفسه واصلاح الوضع بينكم الله يهدي بالك وييسر لك امرك .

 

[نـــدى]

حبيبتـــــــــــــي

الطلاق ماهـــو حـــل...

خصوصا انج حااااااامل و بينكم 5 سنوات صدقيني الموضوع محتاااااااج بس هـــزه قــوية وخليه يشوووف اهتمااااااامج بننفسج و بيتج وبشكلج وبحياااتج ولازم تعرفين كيف ترجعين زوجج لج هذي حياااتج وانتي اولى وبشر بزوجج
لازم تحاربين وتسوين المستحيل عشان زوجج وحياتج واللي في بطنج

كبري عقلج وان شاء الله يساااعدونج البنات والاستااااذه ناعمه والدكتورة نبضه وذوي الخبرة

الله يبرد قلبج ويسعدج دووووووم ويهدّي ســّرج انتي ويااه

الله يوفقج

 

[كوكيز17]

حبيتي
عليك بالدعاء وقيام الليل واكثري من صلاة الاستخارة
(قال تعالى ) ( وعزتي وجلالي لانصرنك ولو بعد حين )

 

[المحترمه]

حبيبتي والللللللللللللللللللللللللللللله الدنيا هذي مافيها راحه مااقولج اصبري علىالمضوع كبيييييييييير خيانه الله يهديه ويره لك ولاطفاله ردا جميلا يارب لاكن لازم يكون لك وقفه بوجهه ويتادب لاكن طلااااااق جدا صعبخ بما انك عندك اولاد منه
حبيبتي انتي هدديه انج فعلا انتي تبين الطلااااااااااق وماراح ترجعين له واقعدي عند اهلك 3شهور وشوفي وش راح يستجد وخلال هالفتره بلذات اكثري الاستغفار وربي صدقيني بيفرجها والله انا اعرف وحده من اهلنا في السعوديه خيانات زوجها شي موطبيعي يمكن 10سنين وفي الاخيييير هو الان من الدعاة بفضل صبرها على زوجها
اولا حبيبتي استهدي بالله وانسيه تماما ادري انك مجروحه وكارهته لاكن لازم تنسين وتوكلين امرك لله
ثانيا اقعدي فتره طويله استجمي فيها وسافري وانبسطي وانسي الهموم واذا حسيتي ان نفسيتك تحسنت ابدي فكري بالموضوع واستخيري واستشيري
والله كريم يقدرلك الخير انشاءلله ولي عوده والله اني مشغوله جدا بس ماقدرت اتجاهل كلامك حسيت فيك الله يصبرج ويعوضك خيييييييير حبيبتي لي عوده انشاءالله

 

[نبرة حزن]

الله يعينج حبيبتي أنا أرد أقول فكري مره ثانيه قبل لا تطلبين الطلاق فكري في عيالج وجوفي نفسج من وين التقصير لان الريال مابيجوف برع الا اذا حاس بنقص في البيت والسموحه

 

[دونيا123]

حبيبتي استهدي بالله الطلاق لايصلح بل يفسد
وخصوصا وانتي حامل
ربنايقومك بالسلامه عليكي بالدعاء في جوف الليل فهو سره خطير واجابه اكيده لما ضاق به صدرك
والله يصلحلك الحال

 

[سمر ليل]

قبل الطلاق حاولي تعيشين لنفسك وأولادك ولاتفكرين في الأنتقام خذي لنفسك استراحة لمدة سنة او اكثر وحققي طموحاتك واذا حاول يصالحك لاتردين عليه في الوقت الحالي صدقيني اذا حس انك انجزتي وانت بعيدة عنه راح يشعر بالغيره والقهر وبعد تلقينه درس بتطنيشك له وعدم مبالاتك راح يركض وراك بعد كذا ضعي شروطك اللي تبينها إذا وافق عليها استمري معه وإذا لا اتركيه ولكل حادثة حديث الله يبرد حرتك ويصلح حالك ....

 

[فارسة التاريخ]

حبيبتي انا معك في كل كلمة كتبتيها

اصعب شئ على الزوجه ان زوجها يخونها ويضربها .. والله شئ جداااا صعب

انا حاسه فيك مع اني ماجربت الضرب ولا الخيانه من زوجي والحمدلله ..
حبيبتي لاتفكري في الطلاق لان انتي لازمك احد يوقف بوجهه ابوك مثلااا او اخوك ويعلمونه قدرك وقيمتك وانك انتي اكبر من كل بنات الحرام اللي يكلمهم..
نصيحتي لك اتركيه ولا تفكري فيه لا اتصال ولا حتى سؤال.. لو بعد شهور .. لحد اهو مايجيك ويعتذر ..
انسي امر الطلاق حبيبتي لانه شئ صعب واذا مافكرتي بنفسك فكري بأولادك وشتاتهم بين الاب والام.

 

[ظلال غريبة]

الله يعينج ويفرج همك

 

[هديـــل]

مدري اش اقووول
احرجتوني بردودكم وامنيااتكم خواتي
تمنيت اني كاتبه بذا المنتدى قبل سنه ع الاقل
اكيد كانت بتفيدني كثيررررر نصائحكم
....
انا تقريبا لي سنه فبيت اهلي
والسبب انو يختلق الاعذار عشان يروح يداوم هناك لوحده
لاننا في مدينتين مختلفه
فمسالة انو اجلس عند اهلي
ذا شي من دواعي سروره ومب فاقدني ابدا
...
ابنائي قرة عيني انا من كنت اهتم بهم طوال المده
وليتها وقفت على ذلك لا وربي
كل يومين داق يقول ارسلي عيالي لامي ولعمامهم بتشوفهم
وهما ساكنين معانا فنفس مدينة اهلي
وارسلهم لهم على مضض
مدري كيف ناموا وكيف تعشوا...وكيف احوالهم
بعد يومين يردون لي
خرجات روحات جيات
لابد من موافقته
ولا اقدر اسافر لاني لسه متزوجه
ويقدر يمنعني من السفر
اشوف اش ناقصه؟؟؟حاولت ملااااييين المرات
وطنشت
واتبعت اسلوب الزوجه الحنونه..مانفع
الزوجه الامباليه..مانفع
الزوجه اللي تثيره باهتمامها فحالها..مانفع
الزوجه اللي تطيعه طاعه عمياء..مااانفع برضوا
كل الاساليب مانفعت
...
هو يبغى زوجه تصرف على روحها(انا لست موظفه ولكن اهلي يعطوني المال)
وعلى اطفاله
ولا تطالبه باي مسؤوليات
لو احس حاله مشتاق (تفهمون قصدي)
جاء عندي
وجلس يومين وسوى اللي يبغى ورجع تعذر انو لازم يسافر لوحده لان مامعاه فلوس والكلام اللي ملينا منه
ويرووح...
مدري لو احد منكم حاس فيني...
بالنسبه لي...
جاءتني كل الامراض لصبري عليه
اصبت بنوبات قلب حاده
وانهيارات عصبيه كثيره
وفي كل مره اعود لعدم مقدرتي على الطلاق
...
والان الحمد لله الذي سلب من قلبي حبه يارب لك الحمد
لاني وربي اخواتي كدت ان اموووووت
وهو في كل يوم عن السابق يزيد سوءا
.....
ع العموم
اجد حرج من سرد كل اللي حدث لي
لانو بجد شي يشيب له الراس....
وزوجي للاسف عنده عقدة نقص كبيره في نفسه
يحاول اكمالها باهاناتي ظنا منه ان ذلك الحل
وكثيرا مايردد
انتي شايفه حالك
انتي ترا مب شي
انتي واهلك تحت جزمــــــــــ؟؟
تخيلوا
والكثير الكثير من الكلام اللي يقهر
لانو حاس بعقدة نقص رهيبه
مع العلم ان مكانته الوظيفيه ممتازه جدا
....
عارفه محد بيوافقني ان كان لايمانه بان الزواج يستحق ان نهدر انفسنا من اجله
او لانكن لم تجربن زوج مثل زوجي
او حتى ايضا لانكن مااااااااااااااااااااااشاء الله تبارك الله
عندكن روح التضحيه
لكن ...لم اعد استطيع صبرا
لذلك اخواتي
انا اعجبني كثير وصف الشخصيات فالمنتدى
وكلامهم عنه
واحب اعرف اكثر عن زوجي(الغربي الجنوبي)
حتى اعرف كيف اتعامل معه بعد الطلاق وحتى الان وانا اطالب به
لان الذي لاحظته
اني اصبحت اجهله
اجهللللللللله
واللذي نفسي بيده انه ليس نفس الشخص الذي تزوجت به
بل اخاف منه
وترتعد مفاصلي
واخاف من الامراض
التي ممكن ان ينقلها لي من غانياته
ووووو
مدري اش اقول
من جد معرف
بس ابغى يا بنات الله يجزاكم خير
اي شي يفيدني عشان اواجه الامر
بكل قوه

 

[إطلالة]

أوجعتي قلبي ياغاليه
الله ييسرلك أمورك

 

[روعة روح]

حسبي الله ونعم الوكيل

تقريبا مشكلتي نفسك .... ماقدرت اصبر اكثر واتطلقت

لان بصراحه هالشي صار مثل المرض واذا اوصلت ضرب خلاص