علم الاشعة والمناسب منها لإكتشاف سرطان الثدي

[راجيه الرضا]

معلومة سريعة عن علم الاشعة

غدد الثدى بتظهر بيضاء اللون فى الماموجرافى وكمان سرطان الثدى بيظهر باللون الابيض وكمان السليكون بيظهر باللون الابيض . هم الثلاثة بيظهروا باللون الابيض لو اتعملت اشعة ماموجرافى .

عشان كدة الستات اللى سنهم صغير ولسة فى سن الحمل والانجاب بيكون الثدى عندهم مليان غدد لبنية Glandular Tissues وده بيظهر ابيض فى الماموجرام وبيكون صعب تحديد وجود اى بؤر سرطانية لا قدر الله وعشان كدة الافضل يتعمل لهم Ultrasonography بينما الست اللى وصلت مينوبوز وانقطعت عليها الدورة بيكون الثدى عندها اغلبه دهون Fatty Tissue ودى بتظهر باللون الاسود فى الماموجرام بينما السرطان بيظهر باللون الابيض وعشان كدة يبقى الماموجرام افضل حاجة للكشف عن سرطان الثدى فى الستات بعد انقطاع الطمث .

طيب لو ست عاملة تكبير ثدى او تجميل ثدى بالسليكون وحابة تعمل اشعة تتطمن ان مفيش اورام فى صدرها فساعتها مش هاينفع تعمل ماموجرام لان السليكون بيظهر ابيض زى السرطان بالضبط . ساعتها الحل الوحيد انها تتابع نفسها بالرنين MRI لانه بيقدر يفرق بسهولة بين السرطان والسليكون .

يبقى الخلاصة لو ست لسة بتحمل وتخلف يبقى الافضل لها هو السونار
لو ست انقطعت عليها الدورة يبقى الافضل هو الماموجرام
لو ست مركبة ثدى سليكون يبقى الافضل لها هو الرنين المغناطيسى

صباحكم علم اشعة

صفخة أ.Nermeen Sabry