علموني كيف اثقل ع الشمالي

  • بادئ الموضوع بادئ الموضوع أحلاام
  • تاريخ البدء تاريخ البدء
أ

أحلاام

New member
إنضم
2013/02/15
المشاركات
55
مساء الخير

تعبت من الشمالي الشرقي مافي راحه عايشه بحرب اذا عطيته الحب كله تهرب مني...واذا انشغلت عنه يرمي كلمات تذبح
هو بمدينه ثانيه واخر مشكله قبل شهرين قال مابيك وراح ننفصل...تركته اسبوع بعدها صرت اكلمه رسمي ..طبعا مايتصصصل ابد واتس فقط وهذا الي قاهرني وصرت اقوله معزومه طالعه يقول الله يهنيك هذي حياتك خلاص وانتي حره...
استمريت فتره كذا لين موعد رجعته جهزت هديه وكشخت ولبست ....جا وكانت ليله حلوه..
وقال توحشيني بس اكره زنك ..
كان مبسوط مراااا ويضحك ويسولف وكل شي
بس انا مامسكت روحي وراح الثقل انجنيت عليه لصقت فيه
ابيه دايم معي واكلمه كل شوي
سافر لاهله عشان يسلم عليهم ومسافر برا المملكه
كلمني واتس قال شوي ونطلع الطياره قلت له بتصل بودعك
قال لا حاوووولت فيه عصب قال لاتزنين لا يعني لا


انقهرت وربي ليش كذا يعاملني انا كنت فرحانه انه لما رجع كان مبسووووط يروح يقلب علي الحين ؟
كان طاير وحسيته منجن علي
علموني ايش اسووي ابيه هو يترجااااني
 
اذا زوجك يشتغل بمدينه ثانيه تتصلين تسألين عنه مرتين بالاسبوع واذا انك تكلمينه برسميه اكيييد بيزعل لان يحس انك واحد من الشباب وليس زوجته كلميه برومانسيه ولا تطولين المكالمه
احس انك فاهمه التطنيش غلط
ثانيا انك تلصقين فيه وتبقين يكون دايم معاك ويتصل عليك طول الوقت اكيييد بيمل منك
 
اختي اثقلي مب صعبة

دآم قالج ﻻتتصلين ﻻتتصلين خلي عندج كبريآء شوي

ولو تحذفين الواتس يكون زين

جربي اسبؤع بس ﻻتتصلين وﻻتسآلين خير شر

وشؤفي كيف ، انا شماليه شرقيه تبين تجيبين راسي طنشيني

ولكن ﻻتهمليني يعني لؤ كلمج كلميه باسلؤب حلو ودلع وغزل بس ﻻتتصلين انتي

وحآولي تختصرين المكالمه وارد اقؤلج احذفي الوآتس

لو مالقى طريقه يؤصلج فيها اﻻ مايتصل
 
نور بالعكس لما كلمته عادي تغير للاحسن اول كنت ناشبه له كلام حب وغزل
 
صغيره

لنا فتره طويله مايتصل واذا اتصلت مايرد
تواصلنا واتسسس بس

لكن قبل يسافر لما كان عندي كان طاير فيني
بس مايبيني اتصلللل وقهر

الحين ودي انها هو يتصل
هو يصير ملهوووف
برايك اطنشه ؟
هو حاليا مسافر برا المملكه
تطمنت عليه لما وصل ع الواتس طبعا
وقلت له انتبه ع نفسك
اتركه الحين ؟ ولا اتطمن عليه كل يومين
 
حبيبتي الله يعينك ويعينا انا كمان خطيبي شمالي شرقي وتعبانه معه بس المنتدى مليان مواضيع عن كيفية التعامل معه في كل الحالات عم اتعلم من تجارب البنات شوفي هذا الحكي من تجربة احداهن
.. عيشي لنفسك ... نعم اخرجيه من بالك ... فهو يعيش هكذا لنفسه ... فقط ... تعلمي كيف تبتعدين عنه لتقربيه ... وتعلمي كيف تكونين موجوده عندما يحتاج فقط ... وفي غير حاجتة .. تواري عنه ... سيظل دائماً يبحث عنك في كل مكان ...

.. التطنيششششششششش هذه هي الصفه التي تجعل منه انسان اخر صدقيني .. فهو يصبح عدواني جداً اذا تم تهميشه وتطنيشه ... هل تعلمين ان هذا النمط ... يحب المدح ويحب ان تكونين متعلق به الى الابد ويحب ان يراك هكذا طوال اليوم مهما قال لك ذلك فهو يكذب ... والدليل فان اول رادار يحسسه بانك قد تتركينه فانه يرجع ... لذلك تعاملي مع هذا الموضوع بحكمه ...

هو لايتقبل ان تتركه هذه السيدة .. لانه يحبها .. ويعلم انها معجبه به وتراه ولاترى اي شخص بمستواه في عينيها ... كما انها تدلله دائماً .. وتبحث عن مايرضيه ... فكيف تعتقدين انه سوف يترك شيء مريح هكذا ...

دعواتكن لي الله يشفي خطيبي
 
انا ما قلت لك ان المكالمه تكون كلها كلام غزل وحب الاعتدال في كل شي مطلوب لاني لاحظت ما عندك وسط اما انك تبعدين مره وحده او تلصقين مره وحده هذا شي غلط ومو كل مكالمه تكون غزل وحب وشوق
 
كلام صغيره يا هم مضبوط ميه بالميه ان التطنيش لا يعني الاهمال ولا يعني انك تبادرين كل مره بالسؤال
بما ان الان بالخارج ورسلتي له مره خلاص لا ترسلين واذا اتصل كلميه بس لا تطلبين منه يرسل او يكثر من الاتصال
انا كنت سابقا مثلك بس تغيرت ميه وثمانين درجه بس تحتاجين انك ما تفكرين فيه لانك كلما فكرتي تعلقتي اكثر انا وصلت لدرجه انسى اتصل عليه حتى اذا سافر فصار اهو يبادر بالاتصال
 
الله يرده لج بالسلآمه

ﻻ تكلمينه ابد حتى ع الواتس كفايه انج تطمنتي عليه يوم رآح

نفس ماقلت لج تبين تجيبين راسه طنشيه

وﻻتحاتين ترآه يموت ع اﻻرض الي تمشين عليهآ


بس هو طبيعته جي فاشل ف التعبير ..

طمنينا عن تطوراتج
 
نفس معاناتي مع زوجي بس انا اطنشه وهو يجيني ..
مثلا ارسلي بيسي بس لاتسئلي عنه لو طنستي فتره بيسئل وترى الشمالي الشرقي يحب المرأه القويه ابدا لايشوف دموعك حسسيه اتك ممكن تعيشي من غيره وصدقيني بيجيك
 
خذيها قاعده كل ما تقربين منه يحاول يبعد والعكسسس لكن بتعقل

اسألي عنه لكن مرتين بالأسبوع ولا تحسسيه انك ولهانه

كذا هو يرجع يتصل ويسأل
واول ما يتصل لا ترمين نفسك عليه

كلميه بهدوء وبيني ولهك لكن مو ترمين نفسك

يعني التعقل في كل شي

وتلاقينه مثل ما تبين


موفقه
 
صغيره ياهم..
معليش خرب عندي الجوال وكنت احاول ارد ماقدرتصغيره ياهم
يعني تشوفين كذا ؟؟ اطنشه واجيب راسه



للاسف قلت بطنش طنشت 3 ايام وبعدها كلمته واتس اتطمن رد علي باسلوب حلو لكن صرت اكلمه كل يوم
مددددددددري شفيني غبيه :( بدا اسلوبه يتغير صار يرد من دون نفسسسس قهرني

اخر مره كلمته قبل يومين قال كم كلمه قهرررررررررررتني ونرفزتني بس سويت نفسي عادي مادققت واخذتها بضحك
اخر شي قلت له انتبه ع نفسسسك وصرت امزح معاه وطلعت
وانا ميته قهر منه ؟
كنت بزعل وابين له اني زعلت ع كلمته بس مابي اطنشه بزعل
ابي اطنشه وانا مبينه له اني مشتاقه ابيه يستغرب :(
والحين طنشته لي يومين احس بقهر
ودي هو يجي وراي ويهتم ودي يتتتتتتتصل

الحين بجد ايش اسوي اكمل طناش ؟
طيب والعيد
وودي اصير قويه حتى بالعيد ماكللللللمه
قاهررررررررررني
رغم قبل يسافر دلعته اخر دلع وهدايا بس مايبين بعينه :(
 
الله يفرج
ميوده
برود

كلكم تقولون طنشي :(
بس مشكلتي اطنش يومين واحن ....
 
بنات الحين مطنشته لي 4 ايام
اكلمه اتطمن عليه ولا اكمل
وبلعيد وش اسوي اتصل ولا لاء
ودي هو يهتم فيني :(
 
ما تتصلي نصيحة مني , أعطيه فرصة يشتقلك وهو يتصل فيكي

هو بكابر ع حاله انو ما اشتقلك ... وماتخفي ان شاء الله من هون للعيد بيكون اتصل عليكي
 
يعني اصبر للعيد
انا ودي اكلمه قبل العيد بيومين اتطمن بس
:(
 
انتي عارفه الحل سمعي لصوت العقل وليس العاطفه
كيف بيشتاق لك وانتي ما عطيتيه مجال يشتاق
تركيه مره يسأل ومره انتي مو ع طول تبادرين وكلام ميوده عين العقل
 
ما بصير إنتي دائماً تتصلي وتسألي عنو كلشي إنتي كلشي إنتي ما بصير لازم يكونله دور لازم هو يتصل فيكي ويسأل عنك إنتي ازا بتضلك تتصلي عليه بيزهق منك وبيبطل يهتم فيكي بصير يقول ببالو مابدي اتصل عليها مهية هي بتتصل عليي عشان هيك أعطيه مجال وفرصة يشتقلك ويتصل فيكي
 
سمعت كللامكم وماتصلت ولاسالت واليوم عييد كان ودي هو يسال ويعايد لاننا مو متزاعلين اخر كلام بينا كان عادي مافي زعل مسكت روحي وماتصلت ولا ارسلت وهو ماتصل ولا ارسسسل
بيرجع من السفر بعد 10 ايام شرررررايكم اعايده ولا اكمل تطنيش
وانقهرت الحين كيف عيد ومايتذكرني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل