من أجمل طرق التربية و غرز القيم و تعديل السلوك اللي وجدت أثرها مع أولادي اللي كانت عن طريق مشاهدات أفلام وثائقية عن الطبيعة و بديع صنع الله و الممالك الحيوانية المختلفة

الجلسة دي على حسب ظروفكم

ممكن تكون للأولاد كلهم بس لازم تختاروا فيلم يناسب كل الأعمار و لو الأولاد اختلفوا ممكن تعملوا قرعة

و ممكن تكون جلسة مع الأولاد الاقرب سنا لبعضهم فقط

او جلسة فردية لغرض ان فيه مشكلة ما في طفل لوحده فلو حس بالاسقاط على عيوبه الفردية ممكن يحرج أو يعند

🌺🌺🌺

أمس كنت بتفرج مع بنتي على وثائقي بعنوان اختفاء ضبع
حبيت أعرفها يعني إيه طباع سيئة لأن الضبع فيه جملة من الطباع السيئة أكتر من غيره

فيه دناءة و خسة و غدر و خيانة و كسل و رضى بالدون

الضباع بيهدروا وقت من عمرهم في الصراعات الداخلية في محاولات انقلاب فاشلة على بعض

شفنا إنه رغم من كونه صياد ماهر لكن بيكسل عن الصيد و بيكتفي بالفضلات و بالچيف أو بقايا صيد الحيوانات الأخرى اللي كلت لحد ما شبعت

بيتتبع النسور و لما يلاقيها على چيفة يتشطر عليها لأنها أضعف منه يهشها و يسرق الجيفة منهم

أو ينتظر الأسود لما تصطاد و تاكل و تتخم و تمشي ييجي الضبع ياكل البقايا

ازاي يرضى لنفسه إنه يقف جعان يتفرج على غيره بياكل و ينتظر
و مش واحد لا ده القطيع كله متصالح على نفس الطباع

و لما يروحوا ياكلوا و لأنهم 😃😃😃 مجتمع نسوي بإمتياز ف ال ( زعيمة ) هي اللي تاكل الأول و بعد كده رفيقاتها المقربات و الجراء الصغيرة ثم
الذكور
و يمنعوا المغضوب عليهم من الأكل

و كل جماعة من دول لما ييجي دورهم كل واحد يحاول يعض في أخوه و يبعده عشان ياكل اكبر قدر لوحده

علمت بنتي إن الأنثى المسترجلة شبيهة أنثى الضبع كريهة و بغيضة

أنثى الضبع بتحتقر الذكور فيخرجوا من القطيع يدوروا على قطيع تاني يقبلهم

بس كل أنثى طردت ذكورها بتقبل الذكور المطرودين من قطيع تاني 🤪عشان استمرار التناسل 🤪

مش فاهمة ليه يعني أما هي هتحتاجهم هتحتاجهم تتكبر عليهم ليه؟؟
و لا هي فاكرة ذكور القطيع التاني شقر و عنيهم ملونة 😃😃😃

أنثى الضبع عندها مستويات عالية من هرمون الذكورة بتنقلها لصغارها من ولادتهم ففعليا الضبع حيوان شرس و شرير من ولادته على عكس صغار الأسد و النمر بتكون لطيفة في فترة طفولتها المبكرة

و على خلاف الأسود و حيوانات كثير
أنثى الضبع مش بتحب تخلي الصغار يعرفوا أبوهم ( أنثى الضبع أم نرجسية بإمتياز 😃😃😃 )

و على خلاف الأسود و الكثير من المفترسات اللي بتخنق فريستها الأول و لما تموت تاكلها
الضبع من خسة طباعه بينهش في بطن فريسته و هي صاحية

صوت الضبع الخليط ما بين الضحك و الصراخ كريه جدا من جملة الشكل و الطباع الكريهة

و على عكس أغلب الحيوانات فالضبع صحته بتيجي على الأنتخة فبيعيش من 10 إلى 12 سنة في البرية، و حوالي 25 سنة في الأسر.

الضبع رغم كل طباعه السيئة دي إلا إن له دور كبير في التوازن البيئي و تنظيف البيئة من الچيف و الفضلات و بقايا العظام
اخنا كبشر بننظر لطباعه دي في أكل الجيف إنها دناءة لكن طبعه ده تسخير من رب العالمين لنا

فنعلم ولادنا إن فيه أمور ظاهرها شر لكن لأن مفيش شر محض فهي شر من وجه و خير من أوجه

#علمواأولادكم_مايبقوش_ضباع

#دشيمامشرف