queen moon
New member
- إنضم
- 2009/11/24
- المشاركات
- 31
السلام عليكم
كيفكم اخواتي ؟؟؟
بصراحه ما اعرف كيف ابدا بس مني مطوله عليكم وان شا ءالله تفهموني ويمكن تلاقو كلامي مو مترابط بس اتحملوني بليز
انا حاليا مخطوبه وفرحي بعد تلاته اسابيع وخطيبي يسير اخو زوج اختي يعني اختي سلفتي
وسلفتي التانيه تسير اخت مرت اخويا طبعا هادي بداية الشربكه
انا علاقتي بخطيبي قويه الحمدلله يعرف اشياء كتيييره عني وانا نفس الشي واللي قوى العلاقه وجود الشربكه دي لانو مثلا لو سار شي عند اختي وماقلتله حيوصله من اخوه وهكذا
اختي ساكنه مع اهل زوجها اللي هما اهل خطيبي وتعاني من مشاكل معاهم هما كلامهم كتير ويدقو بالكلام مرره كتير هيا دايمن تحكيني وبصراحه انا شلت عليهم قبل ما ادخل بيتهم بس ما قدرت اتحمل وحكيت خطيبي بعض الاشياء ووضحلي امور كتير وجدا اتفاجات منها وهيا انو زوج اختي يوصل مشاكل اهلي لاهله وبعدين يطلع عند اختي ويقولها اهلي قالو عن اهلك كده وكده وهيا مسكينه تحقد عليهم وبعض الاحيان تحس بالظلم وتدعي على امه
انا كنت جدا محتاره بس دايمن خطيبي يوضحلي الامور ويوقلي لا تدخلي عند اهلي بخبرة اختك ويقول انو اهلو يحبو اختي اكتر وحده من سلايفنا بس يستغرب انها تقول عنهم الكلام دا
وفي مواقف كتيره سارت خلت اختي تزل من اهل زوجها واهلها بنفس الوقت منها مثلا انو انا اختي اللي في البيت نروح مطاعم ونروح السوق لحالنا من غير ماما عشنها تعبانه وماتفدر تمشي كتير
المهم كم مره اخيت قالتلنا لاتروحو مطاعم لحالكم ومن الكلام دا
وبعد فتره طويله من الكلام دا اختي جات ونامت عندنا عشان بيتها مو في نفس مدينتنا وزوجها كلمها ويقولها انو اهلو عرفو بمووضع خرجاتنا انا واختي التانيه وانو ابوه مرره عصب وكان ناويه يفسخ خطوبتي انا لانو هما ماعندهم بنات يخرجو من غير رجال وزوج اختي فهمها انو الكلام وصل لابوه من زوج اختي التانيه
انا مررره زعلت وانقهرت وحسيت انو مايبغاني اتزوج اخوه مدري ليش وطلع عليا كلام بايخ وكبر الموضوع شويه ووصل لخطيبي (طبعا كل دا قبل الملكه)والحمدلله خطيبي عاقل وفهم اهله انو يقدر يحل الموضوع بعيدن وانتهت المشكله
موضوع تاني سار من شهر تقريبا كنت ناويه اسافر لبيت اخويا عشان اجهز لفرحي ووقتها اخويا كلم اختي اللي هيا سلفتي وقلها انو ايش تبغى تسوي تجي لعندي وهيا ماخلصت اغراضها لسا وخلاص مو لازمتشتري كل شي خليها تشتري مع زوجها بعدين (يقصدني انا طبعا ) اختي لما قالتلي الكلام دا جلست ابكي وقررت اني ما اسافر وبعدين غيرت راي وحكيت خطيبي بعض الكلام دا
المهم اللي سار انو الله يهيده خطيبي راح حكى امو بالكلام دا عشان يبغى مصلحتي في شغله تانيه وهوا ما يدري انو خربها وامو على طول كلمت زوج اختي وقالتلو اخو مرتك قال وقال
المهم عدى الموضع وانتهى بس امس اختي تكلمني وتقول انو زوجها بيقولها امو قالتلو اخو مرتك بيقول كده وكده تقريبا نفس الكلام اللي وصلني من اختي اول
اخيت جالسه تقولي مو معقول تقولي لخطيبك الكلام دا وهيا اتوقعت سلفتنا اخت مرت اخويا قالت كده انا لما فكرت في الموضوع جلست اقولها ايش مصلحة مرت اخويا تقول لاختها الكلام دا وايش مصلحة اختها توصل لزوجها نفس الكلام بالحرف وطبعا الاهم ايش مصلحة زوج اختها اللي هوا اخو خطيبي التاني يوصل لامو الكلام يعني ايش الفايده اللي طلعت من كل اللقلقه دي
قلت لاختي يمكن زوجك قال كده بزلة لسان قالتلي لا مستحيل
انا دايمن افكر واقول شكلها حتجيني مشاكل مايعلم بيها الا الله من ورى الزواجه دي
اخواتي يمكن ما فهمتو من كلامي الكتير بس ياريت اللي فهمت تقولي ايش اعمل لاني احس حتى مشاكل في بيتنا اللي هوا بيت اهلي حاليا بتطلع لاهل خطيبي ومررره مهي حلوه كده
:tears: دعوووواتكم حاسه اني داخله معركه مو زواج
كيفكم اخواتي ؟؟؟
بصراحه ما اعرف كيف ابدا بس مني مطوله عليكم وان شا ءالله تفهموني ويمكن تلاقو كلامي مو مترابط بس اتحملوني بليز
انا حاليا مخطوبه وفرحي بعد تلاته اسابيع وخطيبي يسير اخو زوج اختي يعني اختي سلفتي
وسلفتي التانيه تسير اخت مرت اخويا طبعا هادي بداية الشربكه
انا علاقتي بخطيبي قويه الحمدلله يعرف اشياء كتيييره عني وانا نفس الشي واللي قوى العلاقه وجود الشربكه دي لانو مثلا لو سار شي عند اختي وماقلتله حيوصله من اخوه وهكذا
اختي ساكنه مع اهل زوجها اللي هما اهل خطيبي وتعاني من مشاكل معاهم هما كلامهم كتير ويدقو بالكلام مرره كتير هيا دايمن تحكيني وبصراحه انا شلت عليهم قبل ما ادخل بيتهم بس ما قدرت اتحمل وحكيت خطيبي بعض الاشياء ووضحلي امور كتير وجدا اتفاجات منها وهيا انو زوج اختي يوصل مشاكل اهلي لاهله وبعدين يطلع عند اختي ويقولها اهلي قالو عن اهلك كده وكده وهيا مسكينه تحقد عليهم وبعض الاحيان تحس بالظلم وتدعي على امه
انا كنت جدا محتاره بس دايمن خطيبي يوضحلي الامور ويوقلي لا تدخلي عند اهلي بخبرة اختك ويقول انو اهلو يحبو اختي اكتر وحده من سلايفنا بس يستغرب انها تقول عنهم الكلام دا
وفي مواقف كتيره سارت خلت اختي تزل من اهل زوجها واهلها بنفس الوقت منها مثلا انو انا اختي اللي في البيت نروح مطاعم ونروح السوق لحالنا من غير ماما عشنها تعبانه وماتفدر تمشي كتير
المهم كم مره اخيت قالتلنا لاتروحو مطاعم لحالكم ومن الكلام دا
وبعد فتره طويله من الكلام دا اختي جات ونامت عندنا عشان بيتها مو في نفس مدينتنا وزوجها كلمها ويقولها انو اهلو عرفو بمووضع خرجاتنا انا واختي التانيه وانو ابوه مرره عصب وكان ناويه يفسخ خطوبتي انا لانو هما ماعندهم بنات يخرجو من غير رجال وزوج اختي فهمها انو الكلام وصل لابوه من زوج اختي التانيه
انا مررره زعلت وانقهرت وحسيت انو مايبغاني اتزوج اخوه مدري ليش وطلع عليا كلام بايخ وكبر الموضوع شويه ووصل لخطيبي (طبعا كل دا قبل الملكه)والحمدلله خطيبي عاقل وفهم اهله انو يقدر يحل الموضوع بعيدن وانتهت المشكله
موضوع تاني سار من شهر تقريبا كنت ناويه اسافر لبيت اخويا عشان اجهز لفرحي ووقتها اخويا كلم اختي اللي هيا سلفتي وقلها انو ايش تبغى تسوي تجي لعندي وهيا ماخلصت اغراضها لسا وخلاص مو لازمتشتري كل شي خليها تشتري مع زوجها بعدين (يقصدني انا طبعا ) اختي لما قالتلي الكلام دا جلست ابكي وقررت اني ما اسافر وبعدين غيرت راي وحكيت خطيبي بعض الكلام دا
المهم اللي سار انو الله يهيده خطيبي راح حكى امو بالكلام دا عشان يبغى مصلحتي في شغله تانيه وهوا ما يدري انو خربها وامو على طول كلمت زوج اختي وقالتلو اخو مرتك قال وقال
المهم عدى الموضع وانتهى بس امس اختي تكلمني وتقول انو زوجها بيقولها امو قالتلو اخو مرتك بيقول كده وكده تقريبا نفس الكلام اللي وصلني من اختي اول
اخيت جالسه تقولي مو معقول تقولي لخطيبك الكلام دا وهيا اتوقعت سلفتنا اخت مرت اخويا قالت كده انا لما فكرت في الموضوع جلست اقولها ايش مصلحة مرت اخويا تقول لاختها الكلام دا وايش مصلحة اختها توصل لزوجها نفس الكلام بالحرف وطبعا الاهم ايش مصلحة زوج اختها اللي هوا اخو خطيبي التاني يوصل لامو الكلام يعني ايش الفايده اللي طلعت من كل اللقلقه دي
قلت لاختي يمكن زوجك قال كده بزلة لسان قالتلي لا مستحيل
انا دايمن افكر واقول شكلها حتجيني مشاكل مايعلم بيها الا الله من ورى الزواجه دي
اخواتي يمكن ما فهمتو من كلامي الكتير بس ياريت اللي فهمت تقولي ايش اعمل لاني احس حتى مشاكل في بيتنا اللي هوا بيت اهلي حاليا بتطلع لاهل خطيبي ومررره مهي حلوه كده
:tears: دعوووواتكم حاسه اني داخله معركه مو زواج
