عقدتي مع زوووجي 000ارجو المساعده 000

[Mmloo7ah]

السلام عليكم 000
كيفكم ياصبايا 00؟
حبيت اني اكتب معاناتي مع زوجي 00
زوجي في رايه ان الحياه الزوجيه فقط اكل وشرب وعيال 00
صارعلى زواجي سنه وماتغير فيه شي 00
اول شي الاسرار الي بيني وبينه يقول كل شي لامه
هي ماتقصر تسأل وهو يجواب حتى واني احلفه :shutup:لاكن لازم يقول حتى الي صار اول ليله وبالشرح مع التوضيح00ويوم واجهته صار يكلمها برالبيت:thumbdown: 00
وامه تبي تسيطر على ولدها وفي نفس تبي تسوي مشاكل معي مدري وش تبي توصله وهي محسسته انه اغلى انسان عندها لاكن كدب:harhar1:00ابي اوضح له انها تخدعه بتصرفاتها لاكن مايرضى اني اجيب طاريها ابدا مايصدق فيها 00
ثاني مشكله 00
صار ياخد قرارته من غير ماياخد راي :sadwalk:حتى ماقدرت اسمي ولدي اتصل على امه واخد رايها وسمى باسم شين لان ابوه يحب الاسم 00
والان اجازته قال بروح عند اهلي مافكر فيني ولافكر ياخد راي مع العلم انه ماقد اخد اجازه الى خارج المملكه ومايقعد عند اهله يومين فقط وبعد ماتزوج صار يخلي امه هي الي تتحكم في حياتنا لانه يعتقد انه بر في اهله :dunno:
لدرجه انه يقول ان العصمه بيد ابوي لو قال طلقها راح يطلقني
والمشكله الثالثه 00
زوجي مايعرف الهدايا بين الازواج ماعمره اهداني ابدا لاعيد ولاغيره 00
وانا دائما الي اهديه 00وصرحت له لاكن من دون فائده :busted_red: حاولت وقلت له فلانه اهداهازوجها طقم دهب قال وش تقصدين الكلام موجه لي:bleh: 00
وانا الان ابيه يهديني بمناسبه ولادتي و دكرى زواجنا 00؟
وابيه يخليني اسافر على كيفي 00؟
وماابي امه تدخل في حياتنا 00؟
لاكن كييييف الطريقه 000افيدوني بل الحل ..:in_love:؟؟؟؟​

 

[محبة النبي محمد]

اهلين اختي كنت اتمنى افيدك
بس للاسف ما عندي خبره
لسه ما تزوجت ...
ان شاء الله الاخوات ما يقصرون معاك
اختكم المحبه ..محبة النبي محمد
صلى الله عليه وسلم

 

[Mmloo7ah]

ياريت احد يساعدني 00
ياربي وش كثر اعاني 00

 

[بقايا ذكريات]

صراحه صعب بس انتتي يبيلك تغيرين يمكن شخصيتك وتاخذين موقف وتزعلين عليه فتره جربي مادري

 

[اسم مستعار]

سأقول لك رأيي المتواضع لعله يفيدك

أرى أنك كلما قمت بالكلام المسيئ عن أمه سيصلها ذلك منه و سيزداد بعدة عنكي و بغضها لك
فحاولي الكلام عنها بكل طيب أمام زوجك و إن لم يكن صحيحا حتى لا تخسري زوجك فهي أولا و أخيرا أمه ولن يكرهها
وحاولي التقرب إليها و أشعريها أنك ابنتها و استشيريها في بعض مشكلات بسيطة بينك و بين زوجك حتى تعرف المشكله منك أنت لا منه فتجد العلاقة معك أفيد
مع الوقت ستتكلم عنك بخير أمام زوجك فيقترب منك
قدمي لها الهدايا شيئا فشيئا واخرجي معها للتسوق و غير ذلك إن أمكن
ونصيحتي طنشي زوجك شوية حتى يأتي باحثا عنك:bleh:

يعني خليكي خبيثة شوية وداوها بالتي كانت هي الداء

وربنا يسخرة لك ويصلح ما بينكم

 

[شوق الروح]

حبيبتي Mmloo7ah إلي اتمرين فيه طبيعي جدا وأغلب الزوجات إذا مو الكل مرن فيه في مرحله من حياتهم الزوجية :crazy: فلا تحبطين نفسك وتتوترين :blushing:..الموضوع ومافيه إنه أمه شخصيتها قويه حبتين ومب عارفه حدودها زين معاكم وودها اتعرف كل شي عن حياة ولدها الجديده وزوجج مثلج أول مره يتزوج فيا يرتجل الأمور من إلي سمعه وايعرفه من إلي حوله أو يدور نصح وإرشاد من أقرب الناس له وهي أمه وهذا هو إلي ايسويه :thumbdown:..حبي خليج هاديه وفكري بعقلج في حلول اتساعدج بدون ما زوجج ايحس إنه انتي متضايقه من قرب أمه له ترى هالفكره بحد ذاتها ممكن تنسف كل حلولج بلحظه ..ولا تبتعدين عن أمه على طول لا لا كوني بالعكس اشكري على أمه وامدحيها في كل مناسبه وقدميلها الهدايا وخليج على اتصال وياها بس ها كلام سوالف عامه مب خاصه وحاولي متى ايكلمها اتكونين جنبه أو حواليه :a115: علشان اتعرفين شو ايقولها وإذا الوضع يسمح قوليله عطني عمتي أسلم عليها وحاولي اتجهزين سوالف تعجبها وتهمها :e094: ولو بينتلج في البدايه إنها مب مهتمه استمري فمافي حل حري وينجح بين يوم وليله كل شي في الدنيا يباله صبر وطولة بال وصدقيني بسهوله بتكسبينها "عن نفسي أعلم عمتي عن محلات الأقمشه وبعد الأدوات المنزليه الجديده وأشوف أمي شو اشترت وشو الجديد في السوق وأروح أعلم عمتي علشان اتحس إني مهتمه بها وودي لها بالزين" وانتي شوفي شو إلي ايناسبج انتي وهي وباين عليج ذكيه ماشاء الله وماينخاف عليج :c028:....وبالنسبه لزوجج قوليله ما هو آتي:"ماشاء الله عليك شقايل بار بأمك عسى ولدي يوم الله يعطينا إياه ايكون مثلك بار بي وبك قول آاامين، حبيبي أنا أفرح يوم انت اتقول لأمك عن حياتنا وياليت بس ما أنحرج بسببك الله يهديك :blushing: ترى مب كل شي ينقال لو لأمي وأمك المفروض انخلي حدود لنا ولهم عشان أمرنا ايكون بيننا :surrender: وخصوصا عن حياتنا الخاصه ترى الرسول عليه الصلاة والسلام حذر من هالشي ووصف الشخص إلي ينشر أسراره الزوجيه بالشيطان :icon28: وعسى إن شاء الله ما انكون منه وانت لا قوة إلا بالله ماترضى تغضب الله ورسوله صلى الله عليه وسلم منا واتخالف أمرهم..وتراني والله ما أبغي إلا راحتك وراحتي وانتي تدري كم أحبك وماأرضى أضايقك بشيء :cupidarrow:"....وها خلي كلامج كله بصيغة الجمع عشان ايحط في باله إنه انتو الاثنين صرتوا كيان واحد وإلي ايمسك ايمسه والأهم ادعي الله ايسخر عمتج لج ويكفيج شرها اللهم آاااااامين :c016: واستخدمي الدعاء وصلاة الاستخاره ترا مفعولهم عجييييييب وادعي لنفسج ولها وإن الله يلهمج وايسر لج لما فيه خيرج وخيرها خصوصا بالليل وإن الله ايحببها فيج ويبعد عنج كيدها..ودايما اذكري إنه في يوم بتكونين في مكانها فعامليها مثل ما ودج مرت ولدج انتي اتعاملج والله ايوفقج..واعذريني على الإطاله أتمنى أكون أفدتج..والله ايسر أمورج كلها وايخلي زوجج معاج مثل ما تتمنين وأحسن إن شاء الله اللهم آااااااامين:a200:​

 

[passion]

لا دمرين حياتك انت لسة في البداية بعدين يمكن هو ما يقول حق امه كل شي انت حاولي تتفهمي نفسيته بعدين لاتكوني دائما ضد اهله والله حبيبتي انصحك من قلبيلا لا تكوني ضدهم خليه يقول اللي يقوله بس انت حاولي تكسبي الطرفين صدقيني ما في رجال يعطي اهله كل شي بالتفصيل الممل الا اشياء الام اصلا تريد تعرفها ونتي وذكائك لا تتركيلها مجال .

 

[Mmloo7ah]

تسلمين يا شوق الروح 00
اشكرك من اعماق قلبي على تفاعلك 00
ودعواتك لي بالتوفيق 00
​

 

[-موج-]

حبيبتي...ما عندك حل غير ان تحتوين زوجك بالكلام والغزل...سوي كل الي يريده...وازعلي لكن بحدود مجرد ثقل مو كلام وصياااح لالالا مجرد ثقل واذا قالك ليش ضايجه قوليله بهدوووء..والله يعينج وينصرج وينصر كل زوجه مظلومه على من ظلمها..امين

 

[لميس 2011]

نو كومنت ,,,,,,,,

للرفــــــــــع

 

[انثى تنتصر]

00ابي اوضح له انها تخدعه بتصرفاتها لاكن مايرضى اني اجيب طاريها ابدا مايصدق فيها

كيف يصير منك هالشي يالله قد ايش انتي انانيه...
هذي امه امه امه
ممكن تكون سيئة وقليلة ذوق بس هذا ما يمنعك انك تصلحي بينهم..
اكتفي وعذرا

 

[احب الكلل]

اختى الغاليه سؤال هل زوجك يحبك ؟ هل تحبين زجك ؟ اذا تحبين زوجك تحملى لا ن تفكير اغلب الازوج ان طاعة الام حتى في امور الرجل مع زوجته واجبه اما انه يعلم امه كل شي تحملي لانه يمكن انه يرضي امه حتى لو ان هذا غلط عليك ان تتحملى فتره وصدقيني انه راح يتغير مع الوقت
والله اهم شي انك تحبينه وهو يحبك

 

[^_^الشامخه^_^]

الله يسخر لك زوجك وانتي طنشي ولا تحطين في بالك انه يقول لامه كل شي وحاولي تحتوين زوجك حب وحنان ودلع وعمتك احترميها وقدريها قدر المستطاع وراح يجي يوم وزوجك تخف علاقته بامه وتكونين انتي كل شئ بس شوية صبر

 

[الزوجة الصابرة]

الله يفرج همك

 

[رمقة وفا]

اولا بقولك تو مالك الا سنه يعني توك بالالف لاتطفشين يمدي بيجيك عيال وغثى ينسيك نفسك لاتحطين امه ببالك عشان تعيشين بتصرفك هذا راح ينفر منك بالعكس اعقدي معاها هدنه ترتاحي بس لي عتب بسيط ع كلمتك يوم قلتي تبين له انه اغلى شي عندها وهذا كذب المشكله انتي جربتي الظنى اشقد غالي وماسويتي اليوم فيها راح تشوفينه من زوجتك ولدك فعامليها زي ماتحبي ولدك بالمستقبل وزوجته يعاملوك بالتوفيق يالغلا

 

[الحمامه المسالم]

انتبهي لاتقولين امك قالت ولا اي شي لان امه بالدنيا عنده ولا راح يصدق لاكن اصبري شوي يمكن الله يكشفها له والصبر ززززززززززززين

 

[{wtn Amri}]

أختي وش اللي تقولين
إنها محسسته انه اغلى انسان وهذا كذب وانها تخدعه
حرآم عليك هذي أمه مو عدوته !!

ومن ناحية الأسم الأحقيه لك
أنتي اللي تعبتي وحملتي
أما العصمه بيد أبوه !!!
خيييير إن شاءالله هذا مآعنده شخصيه!!!
والهدايا أنتي لآلآلآتهدينه نهائي خليه هو يتلحلح ويهديك

شوفي حبيبتي انتي ماعليك من تصرفآت أمه
أهم شيء أكسبيها مهما كآن هذي أمه
وأكييد مايرضى عليها
بالعكسس فيه الخير دآم يبر فيها

أنتي الاشياء اللي تضايقك بيني انها تزعلك
وأهم شيء حسني علاقتك مع أمه بكذا هو رآح يفرح ويسوي لك اللي تبين
دآآم أمه رآضيه عنك

وبالاول والاخير انتم فبداية حياتكم ان شاءالله تتحسن
أغلب الازوآج مايفهمون على بعض خلال السنه الاولى
غالبا يكون التفاهم بالسنه الثانيه

وأسأل المولى إنه يسسخر لك زوجك ويوفقكم
وتسعدون بحيآتكم بدون منغصآت
وأتمنى من الأخوآت يفيدونك أكثرر
​

 

[غرور ياسمين]

هلافيك ...


شوفي .. اللي فهمته ان ام زوجك مسسيطره على زوجك اوكي

طيب عندي لك فكره جربيها يمكن تظبط ..

ام زوجك خليها فوق راسك مثلا يوميا دقي عليها وسلمي وشوفي اخبارها ومحتاجه شي

اسئلي عنها وقولي متى تزوريني ياخاله وتنورين بيتنا من زمان عنك

حببيــها فيك خليييييك معهااا احسن من بنتها لازرتيها سوي العشاء ووبين فتره وفتره

اشتري لها هديه قماش مثلا خاتم ذهب سسجاده حلوه جزمات وانتم بكرامه

حسسيهااا انهاا مهمه عندك لاسلمتي عليها حبي راسها واسئليها عن احوالها

سساعديه باي شي تبيه مو تتكشخين وتروحين وبس جالسه لا خلييك سسسنعه

سسولفي وكويها بالسسانك الحلووو قسسسم بالله ان تنجن عليك وتبداء تمدحك

عند زوجك وانتي كمان اسمحي لي صراحه قهرتين ليششش تسبين خالتك عند زوجك

وانتي تدرين ان زوجك يقول كل صغيره وكبيره لامه المفروض ماتجيبين طاريها بالشين


اكيد تبي تحررق قلبك لان يوصلها كلام زوجك منك ...

قولي لزوجك ودي اشري لخالتي هديه شرايك مثلا ابسوي العششاء وابشيله لاخالتي

نتعشى جميع وانت معنااا اذا انتي بمدينه ثانيه اوكي لازرتيهاا خوذي هديه لها

وروحي لمواد غذائيه واششري حلوياااااات دلللللللعي ام زوجك وراح تحبببببك

ويحبك زوجك بعد انتي بدال ماتصلحين الخطأ جالسسه تخربين بيتك وانتي توك مالك سسسنه
وتشتكيين اجل بعد سسنوات وش بتسوين ..؟


اكسسبي ام زوجك من الحين راح تكسسبين زوجك وخلي كلامك عنها بالشي الحلو

لاتجيبين طاري شي مو حلو على لسسانك والله ابي لك الخيررر ...


اتمنى تفهمين كلامي والله يوفقك ويجيب لك هددديه وتسسافرون سوااا ..



اختك ـ.. غرور

 

[الداعية إلى الل]

السلام عليكم
هلاااااااااااااايالغاليه
الله يفرج همك ويسخر لك زوجك
بس لابد تعرفي أنها أمه ولازم أنه يبر بها
أنصحك اكسبي ؟أمه وخليها تحبك
أهديها وأحتسبي الأجر في ذلك
وإن شاء الله بيتعدل الحال
وحاولي ؟أسرارك لاتقوليها لزوجك
لكي تتفادي الضرر
ودايم أمدحي أم زوجك عنده
وأنها مثل أمك لاكن بدون تصنع
الله يوفقك
والحياة يبغالها صبر
أستغفر وسبح وربي يفرح

 

[رازيا]

موضوع قديم