عطووووني رايكم جزاكم الله خير

[لوناتا]

في الصيف يعني بعد كم من شهر ... بروح انا وزوجي للعمرة ان شا الله وهو عطاني خيارين
اما انسافر بالسيارة للرياض وانبات ليلة وبعدين انروح بالطيارة للمدينة وبعدها مكة على اساس انخفف التكاليف
واما انروح على طول المدينة ومكة بالطيارة ونرجع البلاد ؟ ... :sad_1:

والله ماعرف شو ارد عليه ... علما باني ما احب اني اسافر بالبر عشان الحر والعفسة ... بس اقول في خاطري اني بستغل فترة وجودنا في السيارة للسوالف وقضاء وقت اطول معاه . وبقنعه انطول ليلة زيادة في الرياض ..

على فكرة انا متضايقة بعد انه بيسافر بعد ما نرجع على طول ... بيروح ياخذ في بريطانيا كورس انجليزي لمدة شهر . واظن بيسكن عند عائلة اجنبية عشان يكسب اللغة.. وهو خذ رايي في الموضوع ... وماعرفت شو اقوله ...:tears: بس قتله بغشمره ما يستوي تاخذني معاك؟؟؟ طبعا جاوبني بالنفي

شو تنصحوني في الحالتين ... وجزاكم الله خير :fish:

 

[full moon]

لالالالالالا لاتوافقيييييين انه يرووووووووح لال والف لا انا ريلي قال يريد يروح إستراليا وبيكمل ثلاث شهوووووور وبعدين بييبني عنده بس دعيت ربي انه مايتوفق وختربت السفره اونه رايح يدرس بس دعيت جدامه قلت لو رايح انته وشليتني عطول وياك الله يوفقك بس لو تروح عني يعل الله لا يوفقك وإذا نيتك كانت خالصه لوجه الله انك ماتخوني بتروح وانت سالم وإذا العكس ماتتوفق ... هذا ردي لأنه مااااااافيه اماااااان من الرياييل تحملي .....اتمنى اني افدتج

 

[لوناتا]

جزاج الله خير... بس هو انسان ملتزم ممكن انه يشوف مناظر بس ما اتوقع انه يسوي شي غلط ... وبعد هو قاللي ان هاي السفرة مب على حسابة ...على حساب المعهد اللي بيروح معاه ... والله انا ما ودي يروح بس ماعرف كيف اقنعه

 

[full moon]

ماريد ازرع الشك الله يخليلج ريلج انا ريلي كاااااااان ملتزم بس بعدين آآآآآآه الله يهديه ويفكه من رفقاء السوء يعلعهم الموت كلللللللللللهم....... حاولي ولا تيئسين الله معاج ويوفقج إنشالله ودعي في صلاتج إختي...

 

[some1]

حبيبتي شو المشكلة ؟ خلليه يروح يتعلم ويطوّر من نفسه و صدقيني اللي بيلعب بيلعب يعني ما محتاج سفرة ، و الله بلادنا أصبحت مفتوحة أكثر من لندن و أمريكا بعد ،،،

 

[لوناتا]

جزاكم الله خير على النصايح ... بس انا افكر اقوله سفرني معاك استفيد بعد من الدورة ... بس اكيد بيرفض وبيتضايق


some 1 انا عادي عندي احب التطور والاستفادة ... بس احس الفترة طويلة ... واصلا ريلي من النوع اللي يسافر دايم بس لفترات قصيرة ... وحتى لو كان في البلاد دايم مشغول ... يعني ما نطلع مع بعض الا نادرا ... و قليل ما نتحاور وانكلم بعض .. عشان جيه اقول ... حتى الصيف اذا سافرها كلها ... متى بنكون مع بعض عيل؟؟ صح انه بيسفرني العمرة اسبوع ونص ... جزاه الله خير .. يعني يعطيني 9 ايام لي والباقي كله مسافر او مشغول


Maraym انا عارفة انه معظم الرياييل جيه ... بس بعد اقول لازم نعطيهم حرييتهم شوي ... لان الريال يحب يحس انه حر
ومثل ما قلت بحاول اقنعه بالسفر معاه وادعوووولي الله يحفظكم

 

[full moon]

إسمحيلي ماكان قصدي اشككج ف زوجج بس كنت خايفه انه تتكرر السالفه يللي صارت عليه وفي شي ثاني الريال مش حر في حياته دام انه متزوج وعنده عيال هذا شي يثير غيضي يوم يقولي ريلي انا حر فخاطريه اطنز واقول و انا شاهين والسموحه إختي...

 

[لوناتا]

لا عادي اختي Maraym ... انا بعد ما اقصد تعطينه حريته في كل شي ...
بس احيانا يحب يحس ان له السلطة والقوامة ... فيحب يطلع ويدخل على كيفه ويسافر احيانا بعد على كيفه...


بس ما عطيتوني رايكم خواتي برحلة العمرة ... من رايكم اني اوافق اسافر بالسيارة؟؟

 

[full moon]

الله يحفظج روحي وقعدي ويا ريلج يمكن يغير رايه ويشلج ههاهاهاهاهاها