عطوني حل

[بنت رزه]

السلام عليكم والرحمة
انا ببدأ في مشكلتي واتمنى وحده منكم تعطيني حل انا في الجامعه ادرس ومتزوجه في اول سنه مشكلتي بدت مع زوجي ان من النوع البصبيص ودايما يطالع في البنات المشكله مو بس يطالع يعلق ليش ذي لابسه كذا وليش ماتلبسين مثلها ؟؟
دايما ان احس اني اعصب واقول مو حلو أو اي شي
المشكله ان صادفت وياي في الجامعه بنت اكبر مني حوالي بست سنوات البنت متزوجه بعمر زوجي أو اكبر محجبه بس انيقه جريئه ملفته فزوجي دايما بين فتره والثانيه يعايرني فيها وفي لبسها وانها مجتهده اكثر مني في الدراسه وانها جريئه لاتنسون العمر كل ماكبرت البنت تكون اكثر جرئه خصا ااني انا تحت العشرين
فشنو الحل وانا اشوفا كل يوم وكل يوم اسمع تعليق ومقارنه ماعدت اتحمل احس ان كرامتي تنجرح ؟
مع العلم ان زوجي شمالي والبنت نفس الشي حسب ماخمنت من شخصيتها وانا جنوبيه

 

[لاتغرك الضحكه]

حبيبتي لاتزعلي نفسك لو مايحبك مااتزوجك لاتفكري كذا وكوني واثقه بنفسك


تقبلي تحياتي وشوقي

 

[TU Y YO]

مافي رجال مايبصبص... بس عاد مو للدرجه انو يقارن في غيرك او شي مثل كذا...

انت من ناحية البصبصه لاتتعبين نفسك ... راح يبصبص لين يقول امين...

انت اهم شي لاتقلدين اي وحده يقول عنها ليش ماتلبسين مثل كذا او ليش هي جريئه ... انت خليك على شخصيتك... بعدين مع الوقت يصير مالك ثقه في نفسك... كل يوم لك شكل او شخصيه...

من ناحية الكشخه .... اذا هو يحب هذا النوع من اللبس البسي اللي يحبه قلبه... بس اهم شي شخصيتك.. لا تغيرينها .. اذا بتغيرينها غيريها للأحسن... يعني لو شايفه صفات فيك تحسين ودك تغيرينها غيريها مافي اي مشكله... لكن اني اتلبس شخصية وحده عشانها جريئه او شخصية وحده عشان ضحكتها حلوه... لأ ....

ممكن تتغرين بأن تكونين اكثر انوثه ونعومه يعني شيئ انثوي.....

ولا انصحك ابد انك تقولين مثله لو قال هذي لبسها حلو ولا هذي لبسها غريب... لاتقولين مثله... يعني لو شفتي شاب وقلتي هذا لبسه حلو ولا هذا لبسه عاجبني... لان مع الوقت يصير مو بس يسكت مايعلق على الحريم ... يصير مثلا مايثق يوديك مكان عام مثلا لحالك... يقعد يراقب في عيونك تتلفتين منا ولا منا... يعني بيصير يدقق فيك الين يطفشك... لان غيرة الرجال مختلفه تماااااااااااااما عن المرأه

والله يكون بالعون حبيبتي​

 

[مايصحش هالحتسي]

خلك واثقة من نفسك

وقوليله مب كل زين ظاهر

 

[ام فهدون]

االه يعينك

 

[غير حياتك]

واللة الرجل الشمالي لوشبعتية جنس يحبك ويتعلق فيكي حتا لوطالع وبعدين الشمالي يحب التعليق وذيك حلوة وذيك شياكة وعلي طول الخط تعليق بس شخصيتة كذا لان زوجي شمالي ولي معاةعشر سنين الحمد اللة لا تزعلين واللة ماهو نوي يزعلكي بس الشمالي كذا

 

[رقيقة الحس]

من خلال مافهمت من زوجك إنو يحب الكشخه والشياكة والإهتمام وأنا بصراحة تغلب علي صفة الشماليين من ناحية الإهتمام بالمظهر وحب الأناقة وزوجي جنوبي بحت لايحب المظهر ولا الأناقة ودائما أحب اشتري له الألبسة وأحب أشوفه متشخص .. زوجك ماقال شي غير إنو والله أعلم يبغاك تكوني أكثر اهتمام أكثر شياكة أكثر أناقة دايما اتزيني له وغيري ف مظهرك واعرفي ماذا يحب من الألوان واللبس.. هوه فقط يريد أن يوصل لك فكرة وليس أن يقارن وفقك الله حبيبتي..

 

[هزي يانواعم]

هلا حبيبتى البصبصه هذا طبع كل الرجال فطره طبيعيه فيهم لاتدققين ابدا اذا قال البسي مثله قولي الي يقلد غيره ماله شخصيه ابدا او قولي هذي الحرمه تلبس كذا لان خطيبه طالب منه كذا هي قالت لي انه هو الي يختار لها ملابس ماشاء الله ذوقه حلوه مرها اقلبي السالفه وماعاد يدقق عليها

 

[بنت رزه]

مشكورين خواتي على تفاعلكم معاي
انا كانت ضايقه فيني الدنيه ومو عارفه شنو اسوي

هلا حبيبتى البصبصه هذا طبع كل الرجال فطره طبيعيه فيهم لاتدققين ابدا اذا قال البسي مثله قولي الي يقلد غيره ماله شخصيه ابدا او قولي هذي الحرمه تلبس كذا لان خطيبه طالب منه كذا هي قالت لي انه هو الي يختار لها ملابس ماشاء الله ذوقه حلوه مرها اقلبي السالفه وماعاد يدقق عليها ​

والله انك داهيه رد حلو

من خلال مافهمت من زوجك إنو يحب الكشخه والشياكة والإهتمام وأنا بصراحة تغلب علي صفة الشماليين من ناحية الإهتمام بالمظهر وحب الأناقة وزوجي جنوبي بحت لايحب المظهر ولا الأناقة ودائما أحب اشتري له الألبسة وأحب أشوفه متشخص .. زوجك ماقال شي غير إنو والله أعلم يبغاك تكوني أكثر اهتمام أكثر شياكة أكثر أناقة دايما اتزيني له وغيري ف مظهرك واعرفي ماذا يحب من الألوان واللبس.. هوه فقط يريد أن يوصل لك فكرة وليس أن يقارن وفقك الله حبيبتي..​

بصراحه ماحسه من النوع الي يهتم بالهشي كثير انا من النوع الي يهتم بنفسه كثير لكن كثير ايام يمر يمي وانا كاشخه لابسه متعطره ولا كأن يشوف ولا مره قال لي حلوه هذا عليك او مدح يعني الكلام المدح اجره جر من ودايما يقول كل شي حلو بس وعادة حتى مايعرف اذا الي لابسه جديد او لاهو دايما مشغول بشغل ودراسه وحتى بعض الأيام للبسة لبش عاري يكتفي بتعليق بتغريني يعني >>>> ودي اذبحه لقال كذا