عشقــــان من شفتـــه فأول ايام عيــــدي ***.....***

[ورد الأمل]

لو جيت ابوزن غلاه ماشاله الميزان
وان جيت ابكتب فيه ضاع القصيدي​

​

ياللي بغلاه عندي ماشابهه انسان
وأسكنت حبه في خلايا الوريدي​

​

بنيت له في داخلي اشكال والوان
مشاعر الحب والشوق تصهر جليدي​

​

حبه بقلبي مثل شمس الأزمان
يشرق فنفسي مع كل يومٍ جديدي​

​

ودي بوصفٍ فاق كل الأوزان
اصوغ فيه اليوم لهْ احلى نشيدي​

​

قالوا تحبه؟ قلت لا بس حيل عشقان
عشقان من شفتهْ فأول ايام عيدي​

​

قالوا علامك؟ قلت ابسبته صرت تعبان
ماعدتْ اقاوم وماصرتْ ذاك العنيدي​

​

مهما اكابر لشوفتهْ اظل عطشان
ويهدَني شوقي وان كان عزمي حديدي​

​

ياناس مدري احس بي دوم عطشان
مهما سقتني الكاس اظل اقول زيدي​

​

الله بلاني بهْ واسألك يا رحمن
تبلاه بي وتسقيه من اللوعات ايدي​

​

ابي اشوفهْ مجنون بي حيل ولهان
هذا اليوم اللي اسميه عيدي​

​

يجيني مشتاق ويرتمي بين الاحضان
واليوم دوره يقول عطشان زيدي​

​

واقول مدري انا صاحي ولا حلمان
ومن فرحتي انسى اسمي وجدودي​

​

واصير انا بقربه حيل حيل فرحان
واعيش معهْ باقي ايامي سعيدي​

​

يا الله ياخالق ويارب الأكــــوان
حقق منـــال حلمي البعيــــدي​

​

بقلمي (( ورد الأمل ))​

 

[قتلني الفراق]

​

من الي قرـــيته أمسيـــــت طربان​

يالله لاتحـــــــرمنا هذا الوجـــــودي​

لو كنت أقدراتوج حروفك بنيشان​

وارفع ســـلامٍ عــسكري لك بإيدي​

اذا حـــضرتي بك هذا القسم زان​

ورد الامـــــــل بالله عــــنا لاتحيدي​

ســـلمتي وســــــلم لك كل انســـــان​

له في خفـــوقك معــزه ومني كل ودي ​

​

 

[عاشقة لذاتي]

​

بعض البشربطلته ياخذ القلب ،،، وش عاد لا زاد الحلا في كلامه !!
متميزة ياورد بل شاعرة بلقيس بدون منازع
حقق الله لك كل الاماني ياغالية
والله افرح اذا شفتك واستمتع بما تكتبي ​

ورد
يا ليت مثلك بالخلايق ملايين !!! لكن حلاة الشي نادروجوده ..!!​

 

[ورد الأمل]

قتلني الفراق
هلا بك يا بعد هالخلان
فرحي بقدومك فرحٍ شديدي

من مواصليك تنجلي عني الاحزان
يشهد بطيبك كل قريب وبعيدي

​

 

[دخون العود]

تسلم اناملك على ماخاطته لنا من ابداع ليس بغريب عليكِ

اظهرتِ في سطورك قمة الحب
​

تناغمت كلماتك مع أوتار مشاعرك وإحساسك
​

فأمتعتينا بروعة ما كتبتي
​

دمتِ لنا ودام لنا قلمك
موووودتي


​

 

[ورد الأمل]

يا عاشقه للذات انا حيل ولهان
للقرب منك والوصال السعيدِ

لك يالغلا في الخفوق اعلى مكان
ماياصله عندي اصحاب راي ٍ سديدِ

هذا انا لطلتك دوووم شفقان
اقدم لك الحب في باقة ورودي

​

 

[ورد الأمل]

دخـــــــــــــــــــــون

اتيت صفحتي فعطرتيها بعطرك المعهود

كل ما مر دهر زاد عطرك عبقا وتميزا

مرحبا مليوووون ولا يسدن
​

 

[شرخ في الحنايا]

موضوع رائــــــع
لا عدمنا جمال مواضيــــــعكــــ
سلمت يداكـــي وسلمــــــت لـنـــــا

 

[نسيت عمري]

ما عاش مخلوق يعزك وينساك
بس الزمن زادت علينا حمولة
ركنك راحه الى نفسي
ياورد الأمل

 

[ورد الأمل]

شرخ في الحنايا

تواجدك في صفحتي اضفى عليها القا واشراقا

سلمت يالغلا

 

[ورد الأمل]

نسيت عمري

دائما اتطلع مرورك وتحليقك في سمائي

اشكرك بعنف

​