عرفت مكانه هو وعشيقته

[الملكيه]

بعد شكي بزوجي ومراقبته عرفت ان زوجي يتردد دائما على
عمارة ويقعد فيها بالساعات
اكيد عشيقته في هاذي العمارة
بس اللي ابيكم تساعدوني فيه كيف اعرف اي شقه
وكيف اعرف وش علاقتها فيه

عشيقه ساااقطه
او زوجه سريه

لا تقولولي الحارس .. لاني لاحظت علاقته بالحارس كلها ود ويعطيها اكراميات
بالهبل ,,, فا اخاف يخذلني الحارس ويفضحني

دلوووووني عالصح

 

[rawiah]

وشلون عرفتي انتي راقبتي والا وصيتي احد

طيب احد اخوانك يترك احد يثق فيه مايعرفه زوجك
اذا جاء يدخل العماره يدخل وياه وكانه من اهل العماره ويعرف اي شقه بيدخل

ويسال الجيران عنه هذا اللي عندي والله يصبر قلبك

 

[الملكيه]

انا اللي راقبته
اخواني مايدرون ولا ممكن يساعدوني في
هالموضوع ابدا

 

[جراده شياكه]

الله يعينك ويسر امرك يااااااارب دامه يتردد عليها ويجلس بالساعات مع انه متزوج 100%
وبكره تقولي جراده قالت
لانها لو كانت عشيقته ماكان تردد على العماره لانه راح المستأجرين يشكوا فيهم

 

[محبة الجنان]

انت اسالي الحارس شقة فلان الفلاني باي دور لانك من محل وهو طالب توصليله لشقته

 

[كييوت]

ايمكن تكون شقق عزااب _ الله يكوون بعونك

 

[جراده شياكه]

لا لا لاتسـألي الحارس لانه راح يقول لزوجك في بنت جات تسأل عن شقتك وترين الرجاااال ذكي

 

[جراده شياكه]

اكييييييييد متزوج رحي دماغك طيب اذا عرفتي وش رااااح تسوين

 

[فاطمة ام محمد]

الله يكون في عونك

اصبري وتعرفين الحقيقة

 

[الملكيه]

اذا متزوج ياجرادة
مستحيل افعد عنده دقيقه وحدة

بس اللحين كل اللي ابيه اتاكد واعرف كل اللي يخصه بهالعمارة

 

[rawiah]

بس لازم تصبرين وتثقلين عقلك ولاتتهورين باي تصرف تسوينه

لازم تتاكدين من اللي تسوينه صح والا غلط وبعدين قرري والله يكون بعونك

 

[ساره عبدالله]

الله يعينك على ما بلاك ....

مره ليله حمراء والحين العماره ....


ادعي الله يصبرك ويعينك الله انشا الله

 

[وردة الجـــوري]

اليوم الخبر بفلوس وبكرا بيكون ببلاش

حاولي تكونين هاديه وماتبينين له انك شاكه فيه ..وتقربي منه
اكثر واكثر واسأليه وين ممكن يروح ,, ومين يجلس معه ,,,,,

وانتبهي كل هذا بهدووووووووووووء يعني امسكي اعصابك وبيني
انك لايمكن تشكين فيه,,,,,,,,,,,,,,,,,,,,,,,,

الله يكون بعونك

 

[الملكيه]

انا من سمعته يكلمها ... واناوالله كارهته وكارهه القعده وياه
تعبت والله واقسم بالله العظيم ماعاد فيني صبر
وهالشغله مو بيدي ماعدت قادرة امثل نفس اول
اول كنت اشك فيه بس والله اطوف وانسى لانه كان فيه شوق لي واحترام
بس الحين امطنش ولا امعبرني بس امقعدني عنده شغاله
لدرجة انه للحين برا البيت

امي شافتني امس واتقولي اشفيه شكلك كذا لايكون تتوحمين (اتنسى)
وزني نازل وهالات تحت عيوني ومالي خلق للضحك

والله تعبانه الله لا يوريكم اللي اشوفه

 

[حصه الخالدي]

الله يبرد قلبك بالايمان ويطمن بالك


بس حرام تخلي بيتك لوحده ثانيه يمكن متزوج مسيار شهر شهرين ويطلقها


هذي الموضه عند الرجال وانتي لاتتعبين نفسك بالتفكير (لعل الله يحدث بعد ذلك امرا)


يمكن تطيحين عليه يكلم او تشوفين عليه ممسك يخليه طول عمره ذليل لكي


ولاتنسين نفسك من سهام الليل اللتي لاتخطيء


الله يشرح صدرك ولاتموتين نفسك بنفسك

مافيه شي يستاهل:icon26:​

 

[أســـيل]

الله يكون بعونك ويصبر قلبك

 

[شوووق الغلا]

كان الله بعونك اختي نصصصصصصصصصيحه لاتتهورين لازم تحسبين الف حساب لما يعرف وتكشفينه وش بيكون بعدها خلي مداك بعيد

بالنسبه كيف تعرفين شقته روحي انتي واختك او صديقه لك تثقين فيها مع بعض وخليها يوم تشوفه ينزل من سيارته تدخل هي وياه العماره وتشوف اي شقه؟؟
وبعدها الله واعلم ياانك تكونين قويه وتتحملين اي مضاعفات بالموضوع ممكن تكون ضدك او لصالحك .
يابنت لاتخلين الشيطان يلعب عليك وتخسرين بيتك وزوجك نزوه وتروح ..

 

[جفت دموعي]

الله يفرج همك ويهدي زوجك اختي لاتراقبينه والله انتي اللي تتعبين وش تستفيدين اذا عرفتي غير الهم اسأليني والله ماستفدت شي غير التعب النفسي وضيقة الخلق وكلت امري لربي ... لا تستعجلين استخيري قبل تسوين اي شي وادعي ربك وكثررري الاستغفار

 

[رواق الخريف]

الله يرزقك الصبر وعليك بالدعاء ترانا غفلنا عن الدعاء أو ندعو


ونستعجل واليوم جمعة أبدأي بالدعاء إلى المغرب فيه ساعة إجابة لايرد الله السائل فيها صلي على النبي محمد صلى الله عليه وسلم وكثري التسبيح والتحميد والأستغفار والله سترين العجب


وتكون حياتك سعيدة بأذن الواحد الأحد الله يريح بالك ويسعد حالك ويستجيب دعائك آمين ..

 

[العسل كلة]

طيب عطي الحارس فلوس واسألية عن الشقة وقولي لةمايعلمة انك سالتي ..او قولي للحارس انك كوفيرة
وطلبتك صاحبة هذة الشقة ..الله يساعدك يارب