عالجت الخيانه وابغى من يعالجني

[اطلال الحب]

السلام عليكم ورحمة الله وبركاته


كيفكم حبوبات اول مرة اشارك بعد ماشفت العضوات الرائعات حتى بردودهم توسع الصدر

وطبعا شو اللي جابني غير هالرياييل اللي شيبوا روسنا لو يدروا عن حبنا وكيف نتعب ونفرفر بالمنتديات ونقرا ونقرا عشان نحل مشاكلنا وعشان ماتخرب حياتنا معهم والله ما فكروا حتى بالخيانه

ادخل بالموضوع

اكتشفت خيانه زوجي مع وحده والصراحه هي اللي جننته بالاتصال عمدا لاجل تخرب بيتي طبعا معطيها وجه ويتصل بعد عليها وحليت المشكله والحمدلله بدون مايدري اني دريت وعرف انها خرابة بيوت

الزبدة مشكلتي انا مع نفسي عجزت اثق فيه كل مااتذكر ابكي وبحرقه

ابكي لما اتذكر كم من مشكله صارت لانه مشغول فيها وانا ماادري



ابكي لما اتذكر عفتي وحفظي له ولبيته وعياله وهو ماعليه الا من شهواته


عجزت عجزت عجزت اسامحه بيني وبين نفسي





صرت افتش كثيير وراه ولا اثق فيه


كنت اثق فيه ثقة عميااااااء

واكتشفت ان بايميله قروبات ورجع يتفرج على المقاطع الاباحيه



صرت مااشتاق له مثل اول


ولا اهتم فيه ابدا حتى بعد تغييره لرقمه


انا ماانكد عليه لكن اصطنع السعاده معاه احاول اوهمه باني طبيعيه


لا احب الجنس معاه مثل اول ابددااااااا


انا احبة ولي بنتين منه ويحب اطفاله وطيب



لكن احس اني ممكن اعيش براحه اذا هو عالجني ابغى حب منه ابغى اهتمام


هو يحبني لكن مايعبر عن حبه كثير ممكن هو يعالجني العلاج معه


لكن مايعرف حتى مطاعم وتمشيات كيف اوصله هالفكره


هل اصارحه باني عرفت الخيانه وابغاك تساعدني انسى


شوروا علي وابغى المجربات رجااااااء

لاني في حيرة وضيقه ودايما صياح وبكا كل مااتذذكر الخيانه

 

[المسك&&]

ياعمري عليكي
نفس مشكلتي بس انا الفرق معي انوا ختمها بزواجه علي ..لاكن الحمدلله قدرة ااقلم نفسي واستوعب انوا ربي يمهل ولا يهمل وانوا مصيروا يندم واهم شئ مااقصر على نفسي بشئ..

انتي لهي نفسك بنفسك وعيالك الرجال بصفه عامه مايملى عينهم الا التراب وفي هذا الزمن مع المصايب والنت والحريم الفاسقات بسهوله صار يخون الرجل اقلها بنضره وتعلقه بلافلام...

انا مره صرت اطنشه وعايشه حياتي بس تجي ايام دموعي ما توقف من عيني لمى اتذكر استغفاله لي وبالنهايه زواجه .............وفي الاخير هم مستحييييل يستغنوا عننا لاننا صاينين بيوتهم وحاطينهم بعيوننا...

الله يمسح على قلبك وقلبي ويبردها يارب

 

[سهم العشق]

خلاص يا اختي ولا تزعجي نفسك بسبب زوجك ووكلي امرك لله سبحانه واهتمي لنفسك ولصحتك والزمن كفيل يعالج كل الجروح 000 ​

 

[خوووخاا]

لو انا منك اقوله ع كل شئ واني تعبااااانه معاه وتقوليله ع كل شئ تاعبك واكيد هو يقدر يساعدك تتخطين اللي انتي فيه

 

[وهم السعادة]

لا لا لا تقولين له انك اكتشفتيه بيصير يخونك عادي عيني عينك ولا بيهمه مشاعرك بعدها
افضل حل حاولي تتفائلي وتجذبي لنفسك الافكار الاجابيه لان افكارك السلبيه هي اللي وصلتك لما انتي فيه
اتركي مراقبته وحاولي تعشين بتفائل وتركزين على سعادتك فالحياه قصيره لا تضيعها في الهم والنكد والحزن والتفكير السلبي
اجذبي زوجك لك وبدل ما تنشغلي بخياناته وتدمر نفسيتك انشغلي بطريقه استرجاعه لاحضانك والاهم من كل هذا الدعاء والصبر
والله يسخرلك زوجك ويرده لك ردا جميلا

 

[ضحكات الزمان]

انتبببببببببببببهي تواجهينه بخيانته
بكره بيستهتر وتصير قدامك عيني عينك


وبالنسبه للجروح
يا مااااااااا جروووووووووووووووح
وياما شفنا من رجالنا وياما حنشوف
صبري نفسك حبيبتي
واشغليها بنفسك
لا تدورين وراه تتعبين
خليه للي عينه ما تنام

وربي يسعد قلبك
ويشيل منه كل هم وضيق

 

[$$ألق$$]

مع وهم السعادة
وانشالله حقيقة مش وهم

 

[اطلال الحب]

مشكورات حبيباتي على الردود الحلوه

لكن هو مو حق معاكسات وكلام فاضي هي اللي دورت رقمه

يعني ماعمرة خان لكن اعطاها وجه وسواليف وعلى فكرة قبل مااحل المشكلة وقبل لاادري عنه

كان يقول انه بيغير رقم جواله وبيجيب بطاقة مسبوقة الدفع احسن من الفاتورة وهذا الرقم راح الغيه

مدري اصدق عقلي اللي يقول انه ماله دخل وهي اللي فتنته وتحبه

ولا اصدق عواطفي اللي تقول انه خاين ليه من اول ماقفل ولا غير جواله ليه لما شبع سواليف تركها

 

[مستمتعة بحياتي]

عزيزتي عليك بالدعاء له بقول اللهم اني استودعك زوجي حواسه وفرجه وماله لله الذي لا تضيع عنده الودائع واكثري من قيام الليل وقراءة سورة البقرة واللي راح راح انا معاك انك تصارحينه بخيانته بس المفروض بوقتها وتهدديه باخبار اهلك واهله بس الحين ما اظن انه فيها فايدة باخباره انك تعرفين بخيانته والله يوفقك
هذا رأيي وانتي ابخص بنفسك وزوجك

 

[سمو النجوم]

الألم من هذا النوع يباله قوة عزم واضح ان عزمك قوي،ونصيحة ماتخلي قلبك يحقد،خليه يعشقك الي مايهون زعلك عليه ثم طلعي هذي الغصة من صدرك بطريقة تخليه يموت ولايجرح احساسك مرة ثانيةياقمر،نبي قوة وهمة يالله.بالتوفيق.

 

[اطلال الحب]

مشكورات حبيباتي كولكم

سمو النجوم ممكن توضحي لي اكثر معليش انا متنحه حبتين زين اللي متذكرة اسمي

 

[اطلال الحب]

الله يفرج همي وهمكن

 

[سمو النجوم]

حياك الله حبيبتي،لا انتي مو متنحة "حشي"،انت رزينة وثقيلة ذكية ،وحافظتي علي خصوصيتك وأسرارك،ياغاليا الرجل ذكر مهماتدين والمرأة أنثي مهما فعلت،هذا الوقت المفروض تقتبربي منه أكثر مو تبتعدي وترغبي في الجماع معه أكثر وتهتمي بأنوثتك بشعرك ببشرتك بأظافرك بلبسك اهتمي بكل ما(يسعدك)استمتعي بوقتك غيري عطورك،استرخي، انسي تلك التافهة لا تتركي حبيبك لا تتركي قلبك لا تتركي حياتك زوجك أبدا، انسي الجرح لأن ذكره يؤذيك، ذكره يرجعك للخلف،ذكره ماينفعك،حاصري زوجك من كل مكان بذكاء يعني ماتغفلي عنه ثانية مو تحسسيه بالخنق لاراقبي كل تصرفاته وابحثي علي اللي خلاك تهوني عليه،تمسكي فيه غيري عليه وحسسيه بالغيرةمثلا"لوتتفرجون عليTV ولاحظتي اعجابه بوحدة قوليله:حبيبي رجاءا لاتسوي فياكذا أموت فيك وأموت في عيونك تري تعذبني وتذبحني وانت اطالع فيها"،بكل غنج ودلال وجد اسحريه برقتك تسللي لقلبه،خليه يحس بحبك ليه وحسسيه كم مؤلم لوخانك لو بإبتسامة مجاملة لوحدة زميلة رغم انها مجاملة،خليك توأم روحه،حتي يرضي يموت ولايسوي شي يجرحك،انامن رأي تنسي موضوع الخيانة نهائيا ولاتصارحيه بس ابكي وانتي في حضنه من هذا الألم لو سألك شو اللي بكاك قوليله:خذ بالك عليا انت حبيبي ماتخلي حد يأذيني ولاتخلي حد من خلق الله يأخذك مني لأني كذا بتأذي كثير وبتوجع،كثري من عبارات الحب ليه والنظرات العاشقة،ذوبيه فيك،الله يوفقك،ديري بالك انسي الخيانة لأنها جرح ماينلم إلا بالسماح .سامحي زوجك وارتاحي.وأبدي صفحة جديدة وقولي الحمد لله جت علي كذابس.الله يوفقك.تحياتي.

 

[اطلال الحب]

الله يجزاك الف خير حبيبتي على ردك اللي اسعدني ورفع معنوياتي

 

[كلي شموووخ]

الصبر يااختي وبلا تتفتيش الله يهدي قلبك ويريحك

 

[ايمومي]

مع وهم السعاده
كلامها جدا جميل ونفس اللي ببالي
وبالنسبه للمقاطع ترى اغلب الرجال الا من رحم ربي يطالعونها
يمكن بنسبة 99%​