عاجل نخيتكم حبيباتي لاتخذلوني

[دلوعةحبيبها]

السلام عليكم ورحمة الله وبركاته
بدون مقدمات انا اول مره اشترك بها المنتدى اللي اكثر من رائع والاروع منه كلام البلقيسيات الرائعات اسأل الله لهم التوفيق والسداد
حبيباتي انا متملكه وبكمل الاسبوع القادم سنه بإذن الله
كنت متفقه انا وزوجي انا نعمل حفله حلوه بمناسبة الذكرى قال لا ابيك تطلعين معي وبصراحه اهلي من النوع اللي مايرضون بهالشي وحاولت اوصله بطريقة حلوه ان كل شي بوقته حلو بعدين اذا تزوجنا نطلع ونتحفل زي مانبي بس هو رفض وعند مرررررره
اصلا هو انسان عنيد درجة اولى الله يهديه ويصلح قلبه يقول غصب عنك وعن اهلك بتطلعين مو بكيفك انا حاولت اهدي من عصبيته وقلت خلاص حبيبي هدي نفسك والله يكتب اللي فيه الخير هذا الكلام قبل شهر
جاء هذا الاسبوع وتوفى قريبي :tears: الله يرحمه رحمة واسعه
وفتح معي سالفة الطلعه قلت صعبه حبيبي انت تشوف الظروف اللي امر فيها انا واهلي مو سهلة اوعدك اعوضك احسن منها مره ثانيه اجواء عزاء وصعبه مره ياحبيبي
الرجال:santa_1: ماعجبه كلامي وانقهرت منه حسيته انسان مايقدر الظروف:schmoll:
انهينا المكالمه وكل واحد منا زعلان عا لثاني
جاء من بكرا ولا سأل عني ولاعن نفسيتي وانا مره محتاجته ومحتاجه وقفته معي لاني بعزاء واجواء محزنه وقربه مني يخفف علي بس الله يسامحه ولا فكر حتى بمسج
جيت انا وبادرت بالاتصال من مبدأ خيركم من يبداء بالسلام وكنت مره مشتاقه له وحاولت انسى زعلي اصلا قلبي كبير اسامح بسرعه
وحتى لو فكرت ازعل الله يهديه مايعرف يراضي ابدا وهو عنده مبدأ انه هو الصح وانا الخطأ وقد قالي ما اعرف اراضي
فشلت من راسي الزعل ودقيت بس مارد ورجعت دقيت بعد كم ساعه وكمان مارد وتركته كم ساعه ودقيت ومالقيت جواب ارسلت مسج يمكن غلطت في اسلوبي بس من قهري ادق ويطنش وهو المخطي
المهم ارسلته قلتله ليش ماترد ياحبيبي علي والله كأنك انت اللي صاكتك الدنيا مو انا
ارسل زوجي العزيزرساله قال كنت مجهز لك رساله حلوه بس انتي ماتستاهلي والله لايشكر فضلك لاتدقين ولاترسلين مره ثانيه كذا تمنين علي انا الله يشهد علي ماقصدي امن عليه
قال ترا انا واصل حدي منك ومن ظروفك ومن اهلك
وما كأني زوجك كأني طرطور عندك وعند اهلك ما كأني زوجك ولا انتي بذمتي ليش كل ماقلت ابيك تطلعين معي قلتي اهلي واهلي عيب وممنوع ومن هالكلام
هو من النوع الجريئ الله يصلح قلبه اذاجاء عندي يبي ننفرد لحالنا يتضايق من وجود اهلي معانا يقول ليش يجلسون معنا انا جاي عشانك مو عشانهم معناة اهلي مايقصرون يتركونا ربع ونص وتاصل ساعه الا ربع لحالنا بس هو طماع وبصراحه الايام الاخيره ماصاروا يتركونا كثير لحالنا لان امي شافت موقف حصل مجرد ماطلعوا اهلي من عندنامن المجلس وانا قمت ابي اقرب القهوه لنا
قام وضمني وشفشني وامي ماره من قدامنا الباب مفتوح بعدها حسيت ان اهلي شدوا شوي

وبيني وبينكم وربي لو يتركونا لحالنا ان يسوي اشياء اقوى من كذا وقد جربته الله يصلحه
فصار يتضايق من اهلي ويتكلم اهلك واهلك وانا ساكته له ماودي اسبب مشاكل قلت له اهلي يخافون علي ومن حقهم
بس مو راضي يقتنع المشكله كان من النوع الشديد على اخته فترة الملكة ومايتركها مع زوجها ولاخمس دقايق حتى بلسانه قالها بدايه الملكه واخته قالت لي وكمان اهله كانوا شديدين في الملكه على زوج اخته والله اهلي ياعمري ماقصروا معانا بس هو طماع وشافنا ناس طيبين فتمادى الله يصلحه
وقالي برسالته لاعاد تدقين او ترسلين لين يوم الزواج وش اسوي يابنات والله جرحني بكلمته يوم قال ماتستاهلين والله لايشكر فضلك هذا وهو يحبني على قولته وانا لسى في فترة ملكة اجل بعد الزواج وش بيقول اذا حصلت بينا مشاكل تكفون اعطوني حل بموت من قهري:tears: واحس اني بتهور وبكلم اهلي واوريهم رسالته معناتي من النوع اللي كتوووووووووووووم وما احب اطلع مشاكلي لاحد ممهما كان بس ضقت فيني الدنيا وابي مساعدتكم لا تخلوني فديتكم ولكم مني أحلى الدعوات:c016:
انا بانتظاركم لاتخيبون ظني فيكم فديتكم

 

[nanaa]

ما ادري انا لو كنت مكانك كنت اضطريت اتصل عليه مرة ثانية بس مو الحين بعد فترة يعني لين ما الزعل يخف و هالسالفة تعدي انتي لا تتصلين طنشي و بعد فترة اتصلي و لما تتصلين خليكي رسمية لا تفرفشين من البداية الحين هو معصب و يختي لا تعوديه ان انتي غلط و هو صاح؟ والله بتندمين مثل ما انا الحين ندمااااااااانة و اذا مستعجل عالطلعات الرومانسية خليه يقدم موعد الزواج

 

[ice creeem]

تصدقين كلامه وهو معصب اكيد من الزعل بيقول اي شي يخطر على باله يمكن زوجك شمالي خلاص لاعاد تكلميه وخليه هو يتصل

 

[ياربي انصرني]

بصراحه انا مع اهلك ياختي اكثر من مشكله اقرأها للمتملكات وكلها هدف الخطيب شئ واااااحد وهو الجنس وبس000 ويصر على ان يخلوووووو بها من اجل ذلك 000وكأن فترة الملكه تفريغ لتلك الطاقه

مع العلم ان هذه الفتره من اهم فتره في حياة المخطوبين المفروض ينصب اهتمامهم على ادارة الحياة الزوجيه

لذلك فترة الملكه المفروض ماتطول اكثر من شهرين اوثلاثه وتقلل فيها المكالمات والزيارات

خاصة اذكان الزواج مؤجل لفتره طويله 000

من رأيي ان تصرين على رأيك لان واضح ان خطيبك مندفع 000واتركيه حتى يتصل 000 وبصراحه اشعر من خلال كلامك انك انسانه ضعيفه في الحق 000

قوة شخصيتك ان تتمسكين بحقوقك وماتتنازلين عنها000ولكن بدون سيطره بذكاء وحكمه خليه يحترم حقوقك وحقوق اهلك انتي صحيح في ذمته ولكن مادام انه مادخل عليك انتي في ذمة اهلك لاننا نسمع كثير من القصص
يتملكون سنين ثم يتم الطلاق والبنت في بيت ابوها000

اهلك من حقهم حمايتك من اي اندفاع قبل الدخول عليك000ولابد ان يفهم خطيبك ذلك ويحترمه ويقبل به

ونفس الشعور اللي كان يشعربه مع خطيب اخته هو نفس مايشعرون به اهلك 00الان 000

ولا على قولة المثل(يازينها لي وياشينها لغيري) وبصراحه هو يعيش في نقيض من امره يرفض لخطيب اخته

ويشدد عليه ويتساهل في طلبه ويزعل وينتقص من اهلك في ذلك00

اسئل الله ان يسخره لك ويهديه امين

 

[!!اميره الورد!!]

انا اقول طنشيه هالفتره لين هو يدق عليك انا اظن انه يبي يسوي شخصيه عليك ويحسب انه اذا سوا كذا خفتي منه وطلعتي معه بس انا اقولك ااثقلي وهو بيجي يتصل وقتهاانتي منتي غلطانه في شي ولا تشيلن هم وسعي خاطرك والله يتمملك على خير

 

[ألماسة آسيه]

أختى الحبيبه مثل ما قالوا لك الاخوات
وياليت تقدرون وتعجلون بالزواج

وانا مع اهلك ومؤيده لتفكيرهم

 

[رب احفظ من أحب]

خوذيها مني

لا تسألي فيه ,,, و لا ترسلي له

الرجال يحب الممتنعة

اقرأي موضوع أسرار العشيقات

خليكي قوية و مستانسة و لا على بالك

أدري يا قلبي صعبة

بس اذا تبي حياتك تتعدل ,,, لازم تيجي على نفسك شوي

الله يهديه و يسخره لك
و يسعدكم


إذا كذه من ألحيييييييييييييين

لا تدقي عليه و لا تسألي

موفقة عيني

 

[اولادي كل حياتي]

مع احترامي للاخوات انا راي مخالفلهم
فرضا لو تركتيه وما اتصل وطنشك ليوم الزواج ايش بتسوين وقتها هل راح تدقي عليه؟
طبعا ابدا لاتدقي ولاتتعبريه يكفي اهانته لكي واصلا هو ما كان فيه شي يزعل علشان تقولي قال كلام وقت زعل هو اللي ما احترمك واحترم اهلك ويبغى كل شي يمشي على مزاجه وبالغصب.

وانتي الغلطانة من الاول كان المفروض تفهميه تقوليله مهما كان انا لسه في بيت اهلي وابويا هوالمتحكم في ,ووقت ما اصير في بيتك اتحكم في زي ماتبغى الاصول تقول كده.

واصبري اسبوعين بس بشرط ماتدقي ولاترسلي شي وشوفي لو ما اتصل ساعتها لازم تخبري امك بحكاية الرسالة ووقتها دور امك يبدا وتكلم امه وتخبرها ولدها ايش قايلك وانه هذا الشي اللي يطلبه خروجك معاه ما يرضوه هما على بنتهم ومن دهالكلام وحتى يعرف ساعتها انه لك اهل وراكي ولهم شخصية ويعمل لهم احترام بعد كده والله معاكي

 

[يفداني بقلبه]

يعني مملكين سنه كاااااامله لا وبعد تبون تحتفلون ههههههههههههههه
مو زواج هذا ملكه اذا تزوجتوا احتفلوا بعد زواجكم
ماله داعي هالاحتفال وتطلعين معه ماله امااااااااااان
اذا بتطلعين لازم معاكم احد
بعدين ليه كل هالتاخير بالزواج الملكه مالازم تطول اكثر من شهر شهرين
ان اقول طنشية ولا تكلمينه ولا ترسلين له رساله ابدا
حااااااااولي لا تقولين ما اقدر
والله هو اللي بيجي ويدق ويكلم صدقيني
وخلوه يعجل بالعرس مدري كيف اهلك راضيين تتمين مملكه كل هالمده

 

[دلوعةحبيبها]

*حبيباتي نانا وآيس كريم وربي احفظ اولادي مشكووووووووورات ياقلبي وراح اسوي اللي قولتوا لي عليه بس دعواتكم مالي غنى عنها فديتكم
*حبيبتي يارب انصرني والله ماكنت ضعيفه في الحق أبدا بس ماادري ليش تغيرت معاه يمكن طيبتي الزايدة وحبي له خلتني كذا
*حبيبتي أميرة الورد والله صادقه نفس شعوري أحيانا أحسه يبي يسوي شخصية علي مشكورة ياقلبي
*الماسه آسية أبشرك زواجي بقى عليه شهرين دعواتك
*حبيبتي أولادي كل حياتي والله دائما أفهمه واقوله انا لسى في بيت أهلي والعصمة بيد ابوي واذا الله كتب وصرت عندك ياحبيبي كلي لك الامر بيدك والشور شورك بس عنيد ياكافي الله المستعان
مشكلته يقارن نفسه بأصحابه يقول ليش عايشين فترة الملكة مع زوجاتهم زي مايبون وعلى هواهم قلت له أصحابك مو صادقين يشوفونك اكيد تشكي مني ومن اهلي قاموا يسوون حبه ونص وانهم احسن منك واحنا نمشي كلمتنا على اهل زوجاتنا وهم ماعندهم ماعند جدتي:bigsmile:
*يفداني بقلبه آآآآآآآآآآآآآآآه والله كنت رافضه الملكة الطويله بس صار اللي صار أنا ما اظلمه بالعكس عشت أياااام حلوة مرررره بس في الاخير خربها صدق الشي اذا زاد عن حده انقلب ضده
والله ما ادري وشلوووون اشكركم ياعزيزاتي بس الله يقدرني وارد جميلكم ومالكم الا الدعوات الزينه الله يسخرلكم ملائكة السماء وجنود الارض اميييييييييييييييييييييين:c016:

 

[دلوعةحبيبها]

عفوا رب احفظ من احب مشكورة ياروحي غلطت باسمك ومشكوره على ردك ويارب اسوي اللي قلتيه