عاجل لاحلى دكتورة ** تم الرد **

[ام طلاااااال]

دكتورية
كيف حالك انشاءالله بخير؟
ودي باستفسار غاليتي
انا اسناني متفرقة قليل الاربع الامامية فقط وليست متقدمة
وبعد الناب مفقود يقول الدكتور سبب تفرقة فقدانك للسن
سبب توسعة وكل فترة الاحظ بزيادة بالمسافة
+ اصفرار قوي بالاسنان وكل سن لي تقريبا بة حشوة حتى الامامي
وكل سن عندي حتى الامامية به حشوات اسوي له تنظيف بس بعد فترة ترجع صفراء علما اسناني ضعيفة ويوجد عامل وراثي
سويت تقويم مدة 6 شهور وبعده صفت لكن بااصفرار قالي الدكتور لازم تركبي السن المفقود
والا ترجع المسافات بس انا اهملت ورجعت تتوسع
ماهوافضل طريقة لاسنان بيضه وصف بدون مسافات وبتكلفة معقولة علما عمري 26 عندي ولد
وانا من الرياض
ومارايك بتلبيس لاني اخاف بعد وقتة تسقط واسوداد اللثة لاني شفت اكثر من وحده كذا
وهل احس انه غير عن طبيعية بالنسبة للاكل هل تتحرك وتطلع ريحة
وشكرا جزيل

 

[د.هنادي]

هلا فديتج

نبدأ أولا بقصة الفراغات والناب المفقود... مثل ماقالج الدكتور, لازم تركبين ناب مكان المفقود ولا الفراغات بترجع
هذا بالاضافة لأنه مكان الناب حساس جدا..ونصيحة نسائية إذا ماعوضت مكانه راح تلاحظين ظهور مبكر للتجاعيد في منطقة الفم
ممكن تركبين ناب بوحدة من ثلاث طرق:
1- طقم متحرك: عبارة عن ناب بس, شكله زين ومابين.. بس عيبه انه يحتاج لعناية وتنظفينه بعد كل وجبة..
2-تلبيس: طبعا غني عن التعريف..يعتمد نجاح الطقم على عدة عوامل مثل مهارة الطبيب ودقة مقاساته- مهارة المعمل إللي يصنعه- المادة المصنوع منها - نظافة المريض وعتايته بأسنانه- حالة اللثة...إلخ
والأعراض الجانبية إللي قلتيها يكون سببها من خلل في هالعوامل
3-الزراعة:تعتمد على زراعة جذر معدني في داخل اللثة..ويترك لمدة 3-6 أشهر ..وفي حال عدم حدوث مضاعفات يتم تركيب السن عليه
وأعتقد ان هذه هي الأنسب بالنسبة لج..بس ماأعرف إذا يسوها عندكم في السعودية بالمستشفيات الحكومية (مجانا) ولا لأ!!!

أما عن اصفرار الأسنان.. فياريت تراجعين موضوع"ماذا تعرفين عن اصفرار الأسنان" للدكتورة مها ..في المواضيع المثبتة من هذا القسم.. يتكلم عن المبيضات الطبيعية.. وما أنصحج أبدا بالتبييض الصناعي (إللي في العيادات)لأنه بصراحة يضعف الأسنان مع مرور الوقت.. وحسب ما فهمت ,انت مش ناقصة

أتمنى أكون أفدتج
وأي استفسار ..حاااااااااااااضرين.. وطمنيني عليج الغالية