عاجل الله يخليكم شورو علي قبل يرد زوجي من دوامه

[همس النسيم]

السلام عليكم
انا زوجي ملتزم ....وفتحت الكمبيوتر وحصلت صور خايسه مره وهذا الشي اللي ماكنت متوقعته ابدا
صدقوني من الصدمه ماني عارفه اكتب وابيكم تشورون علي هل اواجهه ام لا
لاني والله مابيه يشوف صدمتي فيه محتاره

 

[حياتى بلا حنانك]

حاولى انك لا تجيبى طارى اى صور انت شفتيها ..... ترى كل الرجاجيل يشوفون ويغازلون ...زفاذا هو يشوفها حبا فى الاطلاع او فضول جزاه عند الله .... واذا هو يشوفها رغبه منه فجزاه عند الله ....بس انتى لمحى له انه هناك حريم تشتكى من ازواجهم يشوفون صور للحريم وهذا ما يجوز من الله وحرام ولابد للانسان ان يغض بصره ويتقى الله فى نفسه وراح يسال الانسان عن عينه وكيف زنت ....ومن هذا الكلام وكل شوى ذكريه بالله

 

[بنت العربّ]

ليش ما تمسحينهن !!!

هو يعرف أنج تفتحين الكمبيوتر !!

و ظنج إذا مستحي الصور بيتجرأ وبيسألج ليش مسحتيهن ؟ خاصه انج تقولين انه ملتزم

بيعرف أن اللي سواه غلط وما بيسألج

وحطي له برنامج أذكار يذكره بمخافة الله ...

وإن شاء الله تنفع وياج

 

[تناهيد الخفوق]

وعليكم السلام والرحمه

اختي الكريمه ممكن تقعدين مع زوجك وتتكلمين معاه بخصوص اللي شفتيه بس اهم شي الاسلوب وأأكد على اهمية الاسلوب خليك هاديه وحسسيه بحبك وحنانك واهتمامك وخوفك عليه من الذنب
لو هاجمتيه شي طبيعي راح يتخذ اسلوب الدفاع
ونبرة صوتك ونظراتك ايضا مهمه خلي صوتك هادي ومنخفض ونظراتك مسالمه
والله يوفقكم ويسعدكم

 

[اسيرة قطر]

لا حبيبتي نصيحة لاتقولين له اي شي ولا تجيبين له طاري والله بتخربين علاقتكم وراح يقلب السالفة عليج

وثاني شي حبيبتي لازم الوحدة تتوقع اي شي من زوجها عشان ماتنصدم وترى اغلب الرجال والشباب يشوفون الصور والافلام الاباحية وللاسف صاروا حته البنات وانا شفت هاي الشي من اطفال في الابتدائية وحته رجال مسنين في الــ 80 والسالفة منتشرة بكثرة اكثر من السابق بسبب الانترنت والقنوات

انا ماشجع هاي الشي بس انصح اي مرة لو تكتشف انه زوجه يشوف هاي الاشياء ماتهدم بيتها عشان هاي الشي ومواجهتج له بتسوي مشاكل بينكم خليكي ساكته وتحملي

والله نصيحة اخت المواجهه ماراح تكون في مصلحتج

 

[المنقبة]

لا تقوليله شئ بينكر وما راح تستفدين شئ وبعد لا تشلين الاحترام الي بينكم راح يقول خلاص عرفت يصير يسوي قدامج اي شئ ولا عاد فيه احترام لج

 

[@الأحساس@]

حبيبتي الرجال الله يهديهم ما ادري وش صابهم استغفوا الواحد موقادر يعطيهم الثقة لانهم في اي لحظة ممكن يصدمونك المهم نصيحة لا تواجهينة لانة بينكر بس حاولي تذكرينه بالله او تسمعينة فتوى بهذم السالفة والله يفرج عنك وعنا يارب..................

 

[نفث الخزامى]

انا مع الاخت بنت العرب في كل حرف قالته

جربي امسحي الصور او المواقع ولاتتكلمين بكلمه وهو اكيد لانه يتابع هذي الاشياء بيحس على دمه خصوصا انه مثل ماقلتي ملتزم

وبيني له انك الزوجه الي تحبه وغرقيه بعطفك وحنانك وشيليه برمش عيوونك وربي بيرجع لك خاضع ونادم

 

[سحابه صيف]

امسحيها على طوووووووووووول

 

[القلب الرقيق]

لا تواجهينه ...وامسحيهم ...وادعي له الله يحفظه ويصلحه ويهديه
اعرف حرة لما تحسين انج مخدوعة باعز الناس...الله يبرد على قلبج

 

[بنت الحشام]

اوووف منهم ... معقول للدرجه هذي ادمان القذاره هذي صعب التشافي منه !!!
نفس مصيبتي مع زوجي هو الثاني بعد ملتزم و قاعد لي على الحبه ... يعني لو مره سمع دندنة ميوزك في نغمة الجوال سوى لي سالفه و طلعني مافيني خير ... وهو غرقان لشوشته في صور و افلام الجنس

شكل توك جديده على الزواج ... ذكرتيني بنفسي لما اول مره اكتشفت حب زوجي للشغلات هذي كانت صدمتي كبيرة و ماوجهته ... و حاولت اعوضه و حاولت اتوافق مع ذوقه من ناحية اللبس و الشغلات الثانية و صرت ما اخلي و ما ابقي شي ... بس هو ضل على عمياه
و لما قبيت و واجهته و هذا ما حصل مني الا بعد سنواااااات ... اكلني اكل و دخلنا في زعل تجاوز الشهر و صار يفكر يطلقني و الحالة صارت هباب الله يجيرك .... يعني سوى فيني - خوذوهم بالصوت لا يغلبوكم - و الان انا ماعندي خبر هو بطل عنهم او لا
لاعت كبدي منه و معاد ابي اعرف شي

 

[remmas11]

والله ما اعرف شقول لك .. بس اتوقع انك ما تعلمينه بشي وتمسحينهم عشان يكون له مؤشر انك مو نايمه على ودانك،، و حاولي تثيرين فضوله ناحيتك وتحسسينه ان عندك اسرار خاصه فيك حتى لو كانت تافهه بس على الاقل تخلين باله مشغول في تصرفاتك (عاد لا تبالغين ).،،والله يعينك يارب وان شالله تكون هالصور مجرد فضول لان الرجل مخلوقه فيه الغريزة من ربنا .. وياريت قبل لاتلومينه تراجعين نفسك وتغيرين في حياتك وتتثقفين اكثر عشان تكونين انتي اللي يشوفك بدل هالصور .. انا عن نفسي قاعدة اعابل في جسمي على الله يرجع سمبتيك و مشدود مثل قبل و ابط عيون زوجي عشان ما يطالع مني والا مناك .. وحتى لو طالع اكون واثقة من نفسي ..

 

[remmas11]

اوووف منهم ... معقول للدرجه هذي ادمان القذاره هذي صعب التشافي منه !!!
نفس مصيبتي مع زوجي هو الثاني بعد ملتزم و قاعد لي على الحبه ... يعني لو مره سمع دندنة ميوزك في نغمة الجوال سوى لي سالفه و طلعني مافيني خير ... وهو غرقان لشوشته في صور و افلام الجنس

شكل توك جديده على الزواج ... ذكرتيني بنفسي لما اول مره اكتشفت حب زوجي للشغلات هذي كانت صدمتي كبيرة و ماوجهته ... و حاولت اعوضه و حاولت اتوافق مع ذوقه من ناحية اللبس و الشغلات الثانية و صرت ما اخلي و ما ابقي شي ... بس هو ضل على عمياه
و لما قبيت و واجهته و هذا ما حصل مني الا بعد سنواااااات ... اكلني اكل و دخلنا في زعل تجاوز الشهر و صار يفكر يطلقني و الحالة صارت هباب الله يجيرك .... يعني سوى فيني - خوذوهم بالصوت لا يغلبوكم - و الان انا ماعندي خبر هو بطل عنهم او لا
لاعت كبدي منه و معاد ابي اعرف شي

حبيبتي موجوعه .. قريتي قصة برود ومطر ..احسها نفس حالتك ياريت تستفيدين من النصايح اللي قدمتها الاستاذة ناعمة في هذي القصة .. ووالله يعينك و يعينا ..

 

[@حضنه يكفيني@]

ياحليله هذا ملتزم كووووووووووووول


الله يعينك بس من راي امسحيها وادخلي بعينه لين سأل عن شي

 

[بنت عسير]

امسحيهم ولا تقولين له صار لي نفس حكايتك وزوجي برضه ملتزم وصرت اتقزز منه وبعد كذا صارحته لاني خلاص ماني قادره اتجاوب معاه وقال انه مايدري عن شي فسألته اذا كان احد من أصحابه استخدم الللاب توب حقه بالذات انه سبق انه اخذه مره معه للمدرسه ومره الاستراحه فقال لي على واحد هو عزابي ومو ملتزم كثير بس برضه ما قتنعت فقلت انه شفت الموقع قبل ماياخذ اللاب توب معاه قعد يحلفلي قلت انا ما همني بس شوف الله يعلم انا ماادري وتراني ماراح اسامحك على كل نظره ناظرتها لحرمه غيري سواء في التلفزيون حتى لو كانت اخبار والا في سفرياتك
نصيحتي لك تصلين الاستخاره وتشوفين وبعدها اللي تحسين انك مرتاحت له سويه وعليك بكثرة الاستغفار

 

[هبـا]

لامش كل الرجال يغازلون
كلام غير سليم مع احترامي لك
انتي حاولي اذا جا تكوني باحلى حلة وحطي الغدا ومكياج ولبس اخر موديل واذا راح الغرفة كلمي بسلوب وقوليله شنو السبب وهو لحاله راح يخبرك بس باسلووبك الحلو لاتجين بالصراخ لانه بيعند

 

[ام احمدان]

مسااااء الفل والياسمين
يا هلا ويا مرحبا
اول مره اشارك واكتب في المنتدى وان شاء الله تتكرر مشاركاتي وآرائي
حبيت اقول لج يا اختي ويا عزيزتي، ترا امثال زوجج كثير وهذا شي بسييييييييييييط من الي يسوونه بعض الرياييل ، في ناس عيني عينك يسوون كل ما تشمأز منه النفس ويغضب رب العالمين وفي رياييل يسوونه في الخفاء حتى لو في بيتهم أو خارجه
إنتي لا تعطين الموضوع اكبر من حجمه ولا تزعلين وتصارخين ، لان ابدا ما راح اييب لج نتيجه
وخاصه اذا قلبه تعلق فيهم بتصيرين انتي الغلط لانج هاجمتيه في شي يحبه ومتعلق قلبه فيه!!!
بس راح يصير بينكم قل احترام ومشادات وبتحتقرينه لفتره ، يا انك تتعودين على الموضوع لانك صرحتي له انج عرفتي بحركاته في الكمبيوتر! ويمكن على التلفزيون بس في عدم حضورج!!! الله العالم
الافضل انج تسكتين ، ودايما ذكريه برب العالمين وعواقب اي انسان يقع في الاخطاء واكثري من الاستغفار جدامه وقولي مايدري الواحد في يومه شنو سوا من خطأ بسيط بسلامة نيه يحاسب عليه ، فأنا احب اكثر الاستغفار مفيد ، حاولي تسمعينه نصايح بطريقه حلوه ، لا تستخدمين طريقة الهجوم والمعاتبه والتوجيه والاتهام!! ماراح تنفع مووووووووووووول بتطلعين انتي الشينه صدقيني
واتمنى اكون افدتج عزيزتي

 

[هديل001]

أنا من رأيي لاتجيبين طااااااااااااااااااااااري أبدااااااااااااااااااااااااا

لاتمسحيها ولا شي خلي علاقتك بزوجك طيبة ومثل ماقالوا الاخوات ترى بيقلب السالفة عليك

وانتي حبيبتي وشطارتك تقدرين تخلي زوجك يبتعد عن هذي الأشياء المحرمة

لاتعطيه فرصة يناظر الكمبيوتر أعطيك حل مؤقت أقطع السلك مثلا حتى لو جاب واحد ثاني غيره

وكل شوي أطلعي بسالفة

ماعليه بس عليك في هالفترة تجننيه بلبسك واغراءاتك

الله يعينك ياقلبي

 

[ضحكتي دموع]

حاولى انك لا تجيبى طارى اى صور انت شفتيها ..... ترى كل الرجاجيل يشوفون ويغازلون ...زفاذا هو يشوفها حبا فى الاطلاع او فضول جزاه عند الله .... واذا هو يشوفها رغبه منه فجزاه عند الله ....بس انتى لمحى له انه هناك حريم تشتكى من ازواجهم يشوفون صور للحريم وهذا ما يجوز من الله وحرام ولابد للانسان ان يغض بصره ويتقى الله فى نفسه وراح يسال الانسان عن عينه وكيف زنت ....ومن هذا الكلام وكل شوى ذكريه بالله

انا راي الاخت لا توجعين راسك وتفتحين عليش باب مالا نهاية واكيد هو مدام ملتزم يعرف الحلال والحرام يعني مو مستنيك توجهينة اتركية لربة هو كفيل بة :schmoll:

 

[ديم الغيم]

حبيبتي انا من رأي بعض الاخوات لاتواجهينه لانه ممكن يعند معاك وحاولي انتي تملي عينه ولاتخلي له فرصه ابد يطالع غيرك ..

واذا حابه اختي انا منزله موضوع بقسم الحاسب وهوعباره عن برنامج الاذكار ممكن اذا زوجك مايمانع اذا حطيتي برامج ع الكمبيوتر ..البرنامج هذا يشتغل مع فتح الجهاز وكل شويه يطلع بالشاشه دعاء وذكر سبحان الله يمكن زوجك وهويطالع يقرأهم وتكون سبب بعد الله بتذكيره وهدايته

الرابط لو حبيتي تنزلي البرنامج :

http://www.niswh.com/vb/showthread.php?t=86118

الله يسخر لك زوجك ويعافيه مما ابتلاه يارب..