عاجل ابي الحل

[النفوس الحائره]

اناعندي مشكله ابي حل تعبت ماعاد اقدر اتحمل اللي عنده حل يفيدني اذا الاستاذه ناعمه تقرا رسالتي تفيدني باسرع وقت قبل ماتنهدم حياتي والله ماادري وش فيني عصبيه جدا مع زوجي واولادي ماحترم زوجي ارد عليه حتى لوكلمني بحب واحترام اتضايق من كلامه ارتاح نفسيا اذا كان ماهو موجود بالبيت لوطلعنا لاي مكان لازم نتهاوش اذاطلب مني حاجته اتضايق واعصب واصر على الرفض ويزعل ومافكر حتى اني اعتذر واراضيه يعلم الله اني ودي اتغير بس ماني قادره
دائما اسمع زميلاتي في المدرسه وهم يتكلمون عن حياتهم وكيف يحبون يرضون ازواجهم ويهتمون فيهم ولما يدق عليها زوجها تكلمه باحترام وكانها تكلم ملك احس بغصه انا ماحسدهم بس ودي اصير زيهم اروح وانا مقرره اني اعدل من نفسي بس اول مادخل بيتي ارجع لنفس الحاله صراخ وضيقه واتقرف حتى منالاكل والشرب وفوق هذا بديت من فتره احس بالام بالثدي وتحت الابط والكتف واحس كل مكان بجسمي يعورني ياربي تعبت مدري وش هالحاله تكفون لاتهملون رسالتي ابي حل باسرع وقت:8:

 

[أحساس امرأه]

ارقي نفسك ..

 

[فراشه روعه]

عليكي باذكار الصباح والمساء لاتتخلي عنها ابدا

 

[ميانج&]

ياحبيبتي علاجك ماهو عند الاستشاريات علاجك بالقران ارقي نفسك انا كنت زيك ماهو عصبيه الا احس نار تبغي تنفجر تغلي جوي ماني طايقة صوت ولدي ولابيتي
واتضح عندي مس
انت اتدكري متي جاتك الحاله ؟ وتحس فيها قريب المغرب ؟ تجيك احلام واكوابيس
والله كلام كثير ودي اقولك اياها بس اي كان مافيك حبيبتي علاجك بالرقيه الرقيه الرقيه

 

[omreef]

مثل ماقالو الاخواات استمري على قراءة القران
والله يكون بعونك ان شاءالله

 

[فطـوم]

أولا و الأهم الآلام الي تحسين بها ما طبيعية ..
و لا سمح الله و الله لا يقدر يمكن تكون سرطان ثدي الله يبعده عنج و عنا ..
لازم تروحي لأقرب دكتور ..

و حبيبتي بالنسبة لمشكلتج مع زوجج ...؟
الصراحة انتي غريبة ..
انتي ما تعرفين انج ملكة و زوجج هو المملكة ..؟
في ملكة ما تهتم في مملكتها ..؟
هذا الي انتي انخلقتي عشان ترضيه بعد رضا الله و والدينج ..

هذا أمانج و سندج في الحياة ..
هذا اللي اولاد بطنج يشيلون اسمه ..
انتي عندج مشكلة .. لكن الحمدلله انج كتبتي هني لأنج تبغين الحل .
و هاذي خطوة حلووووة وايد ..
حبيبتي ..
لما تكوني في البيت كثري من الاذكار و خاصة الاستغفار ..
لما تصلين ادعي ربج يريح بالج .. و يعم الود بينج وبين زوجج ..
الصراحة حبيبتي انتبهي لنفسج قبلما يطيح الفاس بالراس و ياخذ عليج وحدة أو يمل و يطلقج .
ترا ما يهين الرجال إلا ان زوجته تعامله بإزدراء ..
حاولي لما تكوني في البيت تتذكري وصايا النبي .. حاولي دايما تبتعدي عن الاشيا اللي تسبب لج إزعاج و ضيقة عشان ما تطلعين حرتج في زوجج ..
لو واحد غيره كان شبعج ضرب أو حرمج من اشيا كثيرة لكن شكله مستحملنج ..
و هذا دليل على انه يحبج و يودج ..و يحترمج ..
فديتج اختي .. إحترام الزوج شي واجب .. اولما يكلمج حاولي تبتسمي شوي .. و تمسكي اعصابج .. و إذا لقيتي عمرج شوي و بتعصبي ابتعدي عن المكان اللي هو فيه و روحي لغرفة ثانية أو المطبخ لين تهدي ..
يعني لو كنتي واقفة جلسي و ترا العصبية من الشيطان ...^_^

الله يهديج و يريح بالج و يعمر بيتج بالخير و الاحترام و علاقة زوجية صالحة ..​