عااااااااااااااجل الرجاء الرد بسرعة

[ذكرى السحايب]

اسعد الله اوقاتكم بكل خير
دكتورتي الفاضلة عندي بنتي الصغيره عمرها سنة وشهرين تعاني من اسهال لكن له ريحة مما سبب لها طفح جلدي قوي وتشقاقات تنزف دم واذا تبولت او برزت تقعد تبكي
الاستفسار الثاني: بأذن الله غدا انا مسافره مشكلتي مع بناتي كلما سافرنا يتغير عليهن الجو بسرعة ويتعبن اذا ممكن دكتورتي تعطيني نصيحة أتفادى تعبهن خصوصا مع هذا الجو البارد

ودمتي سالمة

 

[د/همسه هذيل]

السلام عليكم عزيزتي :
بالنسبه للاسهال لازم تودينها تسويلها زراعة للبراز لازم تأخذ الدواء على حسب نتيجة التحليل لان هذا ليس اسهال عادي انما واضح من الوصف انه بكتيري ..
بالنسبه للسفر اي طفل يتغير عليه الجو لازم لازم مهما اخذتي احتياطاتك لازم واحد فيهم يمرض و لكن انشاء الله سوي الي عليك و الباقي على رب العالمين :
1. لبسيهم عدل اذا الجو بارد اذا مو بارد كثير مافي داعي للطبقات عشان كثرة اللبس تمرض بعد .
2. لا تقعديهم في تيارات هواء.
3. استنظفي الاكل الي اطعميهم اياه .
4. ابعديهم عن الاماكن الزحمه المكتضه بالناس
5. ما يشلحون الشرابات ابدا .
6. ابعد يهم عن المرضى المصابين بالبرد .
7. وهو اهم شئ ان يأخذو التغذية المناسبه و اهم شئ فيتامين سي الموجود في البرتقال و الطماطم و الخضراوات ذات الاوراق الخضراء و الكيوي ..
8. اخيرا لا تلخبطي نظامهم مواعيد اكلهم و مواعيد نومهم لانه النوم الكافي يقوي المناعه ..
يعطيك العافيه و تروحين و ترجعين بالسلامه انشاء الله .. الله يحفظلك اياهم .