عااااااااااااااااااااااجل ساعدوني

كلي احساس وحلا

كلي احساس وحلا

New member
إنضم
2010/10/16
المشاركات
237
السلام عليكم ورحمة الله وبركاته

بنات انا مالكة وقريب بعرس وزوجي مايحب ياكل من يد الخدامه وانا معاه لاني زوجته وواجب علي اطبخ له بس المشكله ان زوجي يقولي ان شاء الله يوم بتكونين عندي بتطبخين حق البيت كله مع العلم خواته يدرسن ومحد فاضي وحريم اخوانه يشتغلون وانا لا يعني انا اطبخ حق البيت كله وهم ياكلون وبس..

بس انا رديت عليه قلت له انا ماقدر اطبخ بروحي لازم حد يساعدني قالي يصير خير..

بنات قولولي اذا كلمني مرة ثانية في الموضوع شو الرد المناسب الي اقوله انا مابي اكون طباخة في بيت اهله ومابي اقصر عليه ابي اطبخ له بس مب للبيت كله خاصة اني مكلمله دراستي ومايباني اشتغل...
 
قوليله انت اطبخلك من عيوني اما الباقين كل وحده تطبخ لنفسها
اللي ابغى افهمه هو متاكد انو حتى لحريم اخوانه يبغاك تطبخين ولا بس لاهله ؟؟؟
اذا كان قصده بس لبيت اهله يعني امه صعب تقولين لا
وافضل شي لاتفتحين السالفه الا اذا تزوجتي
 
اما حريم اخوانه ماله اي حق يطلبك تطبخين لهم
وحتى اهله بما انو عنده اخوات المفروض هما يطبخون
طيب الحين مين يطبلخهم ولا ماياكلون من البيت
 
هم ياكلون من يد الخدامه، حتى حريم اخوانه بس انا مااقدر اطبخ حق البيت كله ترا البيت ملينان اخوانه الشباب والبنات وامه وابوه وبنفس الوقت استحي اطبخ حقه بروحه وهم يطالعوني احسه فشله.
 
يعني انتم ساكنين ببيت واحد اقصد كلكم تجلسون سوا
اذا انتوا كذا كلي معاهم وايام اطبخي وهو نايم وطلعيها غرفته يمكن يصير يحب ياكل لحاله وانتي معاه وينسى سالفة الطبخ للعيله
 
اختي انك تطبخي الاكل مو لعيله لعوائل صعبة جدا .احنا ننكرف بالطبخ لما يكون في ضيوف في مناسبة او اجتماع عائلي ما ينتهي الطبخ الا الوحدة تعبانه غير ريحة الطبخ الماسكة في الجسم . طيب كيف يكون الطبخ كل يوم وبكميات كبيرة .انتي لازم تاخذي موقف من ذحين عشان ما يعتمدو ا انك فاضية وما وراك شغلة وبعدين يصير كل شيء على راسك . اول سنة زواج دلع لنفسك وزوجك وراحتك مو يجي زوجك من الدوام وانتي ريحتك طبخ ومو فاضيه له وبعدين يشتكي من تقصيرك معاه وانك منتي مهتمه فيه . (بالتفاهم ممكن يمشي الحال بتقسيم الطبخ على الجميع مثلا البنات الصغار للسلطة والكبار كل وحدة تسوي صنف وفيه اصناف المشغولة تسويها تكون سريعة وما تاخذ وقت وكذا اصناف كثيرة من غير تعب كثير ) وهذي الطريقة بالتقسيم اتبعناها في الجمعات العائلية كل وحدة تسوي صنف ما عدا صاحبة البيت عليها الكبسة لانها لازم تكون حارة وما ينفع تتسخن وبكذا ارتاح الجميع وما في تعب على احد .
 
انا مستحيل اطبخ حق حريم اخوانه لو شو مايصير, انا مستعده اطبخ لزوجي بس استحي من اهله اني اطبخ حق زوجي بروحه والشي الثاني بعد ماتخلص الخدامه تطبخ حق البيت ادخل انا واعفس المطبخ واطبخ حق ريلي اخاف هذا الشي يضايقهم...
 
انتي بتسكني معاهم
اذا زي ما قلتي لازم احد يساعدك
 
و ليش هو ياكل هلا من ايد الخدامة؟ قوليلة الخدامة تعمل الاكل و انا اسويلك طبقك بايدي ما اقدر اسوي كل شي
 
يعني كده من بدايتها انتي لو جد قلك لكل العيله حتى حريم اخوانه لاتسكتي ولاترضي ماله حق

هو يعني بيتزوجك عشان هالشي وهما جالسين يتنظروكي تجي تخدميهم

انتي من البدايه خلي لك كلمه وشخصيه عشان لايسيطر عليكي بعدين

ترى وربي بتتعبي يعني هما كيف عايشين مين بيطبخلهم ....؟؟؟

وانتي سوي نفسك مشفغوله زيهم عشان لايلاقوا حجه يمسكوها عليكي

اما اذا كان له ولامه وابوه عادي زي اهلك بس اما للباقي حريم اخوانه واخوانه لا ماانصحك
 
ادلعي عليه وقوليله بصوت لطيف جدا: حبيبي ترضى لمراتك تصير طباخة لحريم اخوانك؟ حبيبي انا احبهم بس بحس باهانة لكرامتي ولك لاني زوجتك و كرامتي من كرامتك.. حبيبي انا رح اطبخلك انت فقط لانك زوجي وعمري والثانيين يستمرو على نفس نظامهم ... وحطي توابل كتير هههههههه انتي ادرى


المهم لا تقبلي تطبخي للكل لان هذا اول تنازل سخيف بتقدميه ببداية حياتك الزوجية .. لا تقبليه على نفسك
 
انا اعرف وحده من بعيد تطبخ هي لزوجها والخدامه

تطبخ لباقي البيت واذا شفتي انه ملزم انك تطبخين

بس اوقفي عند الخدامه وصيري مشرفه عليها بالطبخ

ماعليك لزوجك اوكي بالمناسبات والعزايم عادي اطبخي

اما كذا تجين وانتي عرس وتقعدين تطبخين للعايله وش

متزوجك له شغاله يعني نصيحه لاتوافقين لان اذا شافك

رافضه ماراح يقول شي والا اذا قعدتي تطبخين لهم كل يوم

راح كل شوي يتشرطون ماعليك منهم بس زوجك عادي

سؤال؟
هو الحين وين ياكل من الخدااااااااااااامه؟
 
مالوا حق يقول كذا قوليلوا حبيبي الي جالس يطبخلهم الحين يطبخلهم بعد مايتزوج وانتي قوليله انا مجبورة فيك انت وبس
 
هو ياكل من يد الخدامه حاليا بس نادرا اكثر شي ياكل من برا لانه مايحب اكل الخدامه..

انزين وعادي ادخل اطبخ بعد ما يطبخون يعني مش فشله اني ادخل المطبخ بعد ماخلصت الخدامه تطبخلهم ونظفت المطلخ ادخل يعني يمكن يضايقهم بيقولون عفست المطبخ بعد مانظفناه وشي ثاني يمكن يتضايقون من الاستهلاك يعني يمكن يقولون مرتين طبخ الاكل بيخلص..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل