ظلمتك يازوجي الغالي سامحني(اللي اليوم ردوا علي يدخلون ضروري)

[*$ الغاليهـ $*]

مدري وش اكتب ووش اقول الا الله لايسامحني ظلمت زوجي حبيبي اللي ماقصر معي ولا عنده احد غيري مدري وشلون شكيت فيه والله اني كنت ماني مصدقه من الاول لكن الشيطان لعب براسي ووسوس لي يابنات اللي اليوم قريتوا موضوعي زوجي ماعنده شي
زوجي بريء الرسايل اللي قلتلكم عليها لواحد من خوياه داخل دوره وقاعدين يتراسلون بهالطريقه يقول انا امسح الرسايل لاني اعرف انك تفتشين وفيه كلام ماابيك تشوفينه بيننا احنا يالرجال وانا والله ماعندي شي
يقول عمري مافتشت جوالك ولا لحقني فيك شكه

بنات انا قلت من الاول انه ماعنده خرابيط بس الشيطان صور لي اشياء اعوذ بالله من الشيطان الرجيم
انا جاء في بالي انه واحد من اخوياه بعدين قلت لا تكفون يابنات انا ماراح اسامح نفسي
انا مالي وجه انا مااستاهله والله العظيم انه مافي مثله وشلون اسامح نفسي احس اني تافهه ومااعرف اوزن الامور في راسي ياربي التوبه احس اني قللت قدري عنده وثقتي في نفسي والله انه متحملني وصابر علي ولا هاوشني ولا قال لي شي لانه يحبني

سامحوني غثيتكم وغثيته اعتذر له للمره المليون وامامكم ياخواتي واتمنى ينسى اني جرحته وشكيت فيه

 

[انثى تعشق رجل]

الله يهديك يارب
ويصلح امورك وامورنا جميعا

بسيطة ياقلبي لا تضيعي الوقت باللوم والعتب
زوجك تعبان وراح ينبسط كثير لو كان اعتذارك له انك تدلليه هاليومين كانه طفل
ولا تخليه يقوم من السرير ولا حتى ياكل بيده ولا حتى ينشف وجهه بالمنشفه بنفسه
وانت اكيد شاطرة وتعرفي كيف تدلعينه

 

[رازيا]

الله يسامح الجميع
ويبعد عنا سوء الظن ووسوسة الشيطان
لانه كل مشاكلنا من ابليس اللعين اعوذ بالله منه
صلي ركعتين شكر لله وزيدي من جرعات الاهتمام فيه
ونصيحة لا تفتشي وراه علشان ما تتعبين مثل ما تعبنا
ودللي زوجك واشتري له هدية صغيرة مثل علبة عطر او ساعة
واذا سالك شو السبب قولي له لانه الله اهداني احلى واروع زوج في العالم
والله يهنيك ويعوضنا احنا بالجنة قولي امين

 

[saniaend]

كفاية اعتذار جل من لا يسهو وندر من لا يخطئ فأنتي إنسانه لك حق الصواب والخطأ فلا تحملي نفسك فوق طاقتها خلاص انتي كانت الدلائل امامك وحكمتي بها والان اعتذرتي خلاص انتهي الموضوع وعيشي حياتك واملئي حياتكم حب وهناء وسعادة ومرة ثانيه تريثي تريثي قبل الحكم علي زوجك

 

[الاميرة ريمي]

الحمدلله على هالخبرية

 

[*$ الغاليهـ $*]

الله يسعدكم ان شاءالله ينسى ماابي اكون شكاكه وموسوسه بس قاعده اتخيل نفسي مكانه ماارضى انه يشكك باخلاقي ومع ذلك سامحني

 

[*$ الغاليهـ $*]

رازيا امين حبيبتي اسال الله لك الدرجات العلى من الجنه

 

[نقااء الثلج]

الله يبعد عنكم الشر

 

[ردية الحظ]

الله يبعد عنكم الشر

 

[هلا الرياض]

دايم نواينا سيئه ودايم نشك فيهم عمرنا مانحسن الظن ويا ويلهم وسواد ليله اذا شكو فينا الله يهدينا يارب ويسخرهم لنا

 

[al.zmorodh]

اصلحك الله ما يصلح تدعين على نفسك ابدليه بالدعاء لنفسك بالهدايه واكثرى من الاستغفار

 

[وردة الحنون]

قولي اصلا الحمل تعبني
واتوهم اشياء تصير ومن حقيقية
كله من تعب المل والنفسيه صفر
وخايفة من الولادة
وخايفة فترة النفاس بكون بعيدة شوي من التعب والصغير ووو

 

[زوجه مغتربه]

الحمدالله

 

[اشقيت روحي]

الغاليه لا تثقين مرررره خليك حذره يعني قالك كذا صدقتيه صراحه قصتك غريبه يعني الي يراسل صديقه يرسله كلام غزل ومافيه مبرر يمسح الرسايل يعني وش بينه هو وزميله كلام خااااص الله يكون بالعون ويعنا على رجال هاليومين صايره الخيانه سهله عندهم**

 

[الخط الفاصل]

مدري وش اكتب ووش اقول الا الله لايسامحني ظلمت زوجي

ليش يابنتي تدعين على نفسك
قولي يارب سامحني
الله يهديك

 

[اغادير-]

الله يهدي الجميع ويصلح الاحوال

 

[*$ الغاليهـ $*]

اشقيت روحي ياقلبي صدقته لاني اعرفه زين والرسايل اللي مسحها لان ذاكرة الجوال ماتتحمل لان جهازه الكشاف وبالنسبه للاسلوب عشان خويه من زمان ماشافه بحكم انه في الدوره ويهايط عليه (بالعامي)

 

[*$ الغاليهـ $*]

انثى تعشق رجل الله يسعدك ياقلبي ويوفقك وين ماتروحين

 

[*$ الغاليهـ $*]

اشكركم خواتي على تفاعلكم وردودكم
يعطيكم الف عافيه

 

[رازيا]

بشرينا عنك