طيرت عقل زوجي حسبي الله عليها

[موتي ولادمع امي]

السلام عليكم ورحمة الله وبركاته وش اخباركم انشاالله بخير والله ياخياتي اني ماعتبركم الا خوات ماجابتهم امي من نصايحكم وحبكم لبنات جنسكم وانا اليوم ناصيتكم بعد الله وعطوني حل بس تكفون ابي حل مجرب ومثمر مابي اتوهق الله يخليكم000مشكلتي ان زوجي الان عايش قصة حب بالجوال ومكالمات ورسايل وانا شايفه وعارفه ومسويه نفسي قدامه غبيه وبريئه يعني من وراه المحقق كونان طبعا هذي مو اول مره وكل مره يخون واكشفه اقوله واتهاوش معاه ويتاسف ويحلف وبعدين ترجع حليمه لعادتها القديمه قلت هالمره بصكت وشوف وش اخرتها معاه وانا خايفه يتزوجها المهم ان هالبنت هذي الله ياخذ عمرها ويسلط عليها من اقوى مني عليها ويشغلها في نفسها ترسل رسايل تموت وتذوب الرجال ويجيني رجالي متهيج من رسايلها الوسائط طبعا هذا كله وزوجي مايدري اني اشوف جواله الله يصبرني وانا الان محتاره مدري وش اسوي وش رايكم ابدا ارسله انا مثل هالرسايل مع العلم اني والله ياما ارسلتله مثل هالرسايل ولايعطيني وجهه ولايرد الرساله ابد خايفه ارسله مثل هالاشياء ويرسلها لها فقلت والله ماتفرح بها000بعطيكم نبذه عن نفسي والله ماامدح نفسي اني شيك ودلع وهو كم مره يقولي انتي دلوعه وجنسيه وانا الي دايم اجيب له حركات الجماع وسوي له مساج وحركات عسى الله لايحرمني الاجر00لكن حسبي الله ونعم الوكيل والله معاد ادري وش يبي تكفون لاتبخلون علي وعطوني رايكم0000

 

[موتي ولادمع امي]

يتبع

نسيت اقولكم ان زوجي شمالي شرقي وتراني قريت بالمنتدى الرائع عن شخصيته واستفدت كثير الحمدلله والله يجزا كل من ابدت وكتبت شي عن نمط هالشخصيه خير الجزاء وانا طبعا جنوبيه شرقيه0000و وش رايكم استمر صاكته عن الموضوع ولا اقوله ولمح له000ااااااااه والله اني في دوامه

 

[عصفورة البيت]

والله مدري حبيبتي شو بقولك من جد قطعتي قلبي
بس مو معقوله كل المحاولات فشلت
طيب حاولي ترسلي زوجك رساله وتشوفي ردة فعله بس تكون الرساله وهوا عندك
اذا هوا من النوع الي يحب الرسايل والغرام من الجوال ارسليله كل يوم
اتمني اني اعطيتك حل !!!!!!!!!

 

[وصيت قلبي~~]

انا برأيي انك تسوين خطه صح تخلينه
يكره اليوم اللي كلم فيه شوفي اختى كلن يكره الفضيحه....زوجك اذا حس ان سمعته خربت بيتحطم

سوي القصه معه مثلااااا
فلانه كلمتنى قالت وشخبار زوجك فيه وحده من صديقاتها تقول انها عطتني اسم رجال
مثل اسمك وقالت مسكين لعبت عليه وحده لعب خلته يمشي بدون عقل وهو ماشي على الخط ومصدق انها قصه حب وووو
بس قلت تشابه اسماء زوجي متدين ولا يحب الغزل ينزل مستوى الساقطات وهذا الشي يقلل هيبته قدام الناس
انا اول مره اشوف واحد يغازل وحده تعرفه ويعرفها فرضا لو درى زوجها شككيه ان اللي يكلمها تعرفه وتسوى له تسجيل صوتي وتنشره شكلها قاصده تشوه سمعته
وبعدين قولي له انا لو اشك ان زوجي يبيح لنفسه المحرمات ومفضوح امره مافكرت اعيش معه يوم واحد
هذي يمكن تبين لك اشياء ويمكن يرتدع واذا طلب رقم قريبتك لاتعطينه قولي اذا كلمتها هذا اعتراف منك

لان الوازع الديني قليل فالناس الحين ماتخاف الا على مراكزهم

وفكري جيدا قبل التنفيذ هذي جابت مع وحده نتيجه يمكن انتى ماتقدرين تحبكيها
واسألي الله العون
وربي ان الشك داهم كثير من بيوتنا حتى الرجال اذا دخل على زوجته وهو مشتاق لها شكت ان فيه احد محرك مشاعره برا البيت
وكله من ذنوبنا والشيطان يجري مجرى الدم وخاصه نحن معشر النساء
ارفقي بزوجك لا تنفريه منك وبيتك اعطيه حبك وحنانك ولاتفكري بجواله لان هذا سيتعبك
ذكريه ان جوال الزوج اصبح مثل قلبه ان تعدد وان امتلا قاذورات
واللهم حصن فرجه وسمعه وبصره وسخره لزوجته
والله اعلم

 

[احبه موووووت]

شوفي اهي وش ترسله ورسلي له مثلها والكلام الي تقوله تعلمي منها وانتي خططي وخلي لج خطط علشان ترجعينه لج اول شيء دايم انتي ولعيه وخلصي الطاقه الي فيه بلجنس الأن الجنس يحبب الزوج في زوجته كل يوم ولعيه وغيري له جو الغرفه وسوي له حركات تذوب الجليد ليت يتولع فيج وينساها وانتي اشغلي عاطفته بلكلام الحلو حتي لو ما عبرج كثر الدق يفج لحام لين يستسلم ويطيح في حبج وينساها

 

[CANCRO]

صحيح ان زوجي كتله حجر
بس يمكن تستفيدين يا قلبي..
لا ترسلين له شي جديد،،
اذا شفتي شي بجواله من (...) ارسليه ليكي وامسحيه من المرسل بجواله
واول ما يطلع من البيت ارسليه له..
عشان تضمنين انه ما يرسله لها (لانه منها اصلاً)
وشوفي ردة فعله

الله يسخر لك ويسخر لي ويسخر للمسلمين يا رب
ويكفينا شر الاشرار وكيف الفجار يا كريم​

 

[حبيبتي]

الله يعينك أختي
ومايجوز الدعاء على حد

انا واقعه في نفس مشكلتك :schmoll:

بس أدعي لها بالهداية
وماقدر أدعي عليها
لأن لايجوز أدعي على مسلم

أختي اكثري من الاستغفار
ولا تقولين له أنج عرفتي
بس انتي صيري اذكى منها واستغلي زوجج
سمعيه الكلام الحلو
شبعيه جنسيا وعاطفيا
اشغلي وقته

والله يهدي أزواجنا ويبعد عنهم أصحاب السوء​

 

[عسل صافي]

حسبي الله عليها
الله يصرفها عن زوجك وأن يكفيك فيها

 

[حبيبت رشيد1]

اهلين يا اختي الله يهديه لك ويسخره ويحنن قلبه عليك ويبعده عن بنات الحرام
شوفي خذي رقمها من جواله وارسليلها من جوال غريب يعني زوجك ما يعرف الرقم
ارسلي تخيلي انتي تكلمين رجاجيل في الجوال وترسلين لهم رسايل تخدشة با الحياء
وانتي تسوين كذى يجيك ملك الموت وش بيكون مو قفك او احد يدعي عليك با المرض
وانا اقولها لك الله لا يحللك ولا يبيحك وجعلك تشوفينها في نفسك عاجل غير اجل جعلك تشوفينها
وتذوقين حرة خيانة زوجك

 

[lat242]

الله يعينا كلنا اصلاً صار نادر ماتلقين زوج وفي ومخلص اه منهم البنات واللعوبات الله يهديهم
وانا زوجي شمالي شرقي ونفس مشكلتك ودايماً افضحه ويعيد ويعاند مالنا الاالصبر بس مثل ماقلتي نخاف ترسم عليهم وحدة للزواج
حسبي الله ونعم الوكيل

 

[موتي ولادمع امي]

السلام عليكم

الله يجزا كل وحده ردت علي اوساهمت بنصيحه او دعوه عني خير الجزاء وان يجعل الله ذلك في ميزان حسناتها وان يسخر لها جنود السموات والارض ويرزقها من حيث لاتحتسب000وانا انشاالله بستخير واجرب ارائكم لعل الله ينفع بها000
والي عندها راي اخر لاتبخل علي فيه0000000
اختي(حبيبتي) وانا خيتك هالاشكال مالنا معهم حل الا الدعاء لانهم عاثو في الارض الفساد وشتتو البيوت والاسر وادخلو الشك والريبه بين كل زوجين ونسال الله ان ياخذ حقنا منهم في الدنيا قبل الاخره وصار اكثر المسلمين يعانون منهم فوالله انهم اذو المسلمين00 قال صلى الله عليه وسلم(المسلم من سلم المسلمون من لسانه ويده)فا اين هؤلاء من المسلمين؟؟؟؟
فليس لي حيله الا الدعاء وباب السماء مفتوح (وماربك بظلام للعبيد)
ودعوة المظلوم ليس بينها وبين الله حجاب000

 

[مون الليل]

انا اقولج اخذي رقمها وكلميها وقولي لها انج عرفتي كلشي وهدديها
ولا تسكتين او خلي احد من اخوانج يكلمها ويهددها
هذي يبيلها العين الحمرا
لان لو سكتي بيفكر زوجج انج مغفله وبيتمادى بعلاقته وياها وانتي الخسرانه

المواجهه افضل

 

[(:دلوعة بلقيس:)]

انا اقولج اخذي رقمها وكلميها وقولي لها انج عرفتي كلشي وهدديها

ولا تسكتين او خلي احد من اخوانج يكلمها ويهددها

هذي يبيلها العين الحمرا
لان لو سكتي بيفكر زوجج انج مغفله وبيتمادى بعلاقته وياها وانتي الخسرانه​

المواجهه افضل​

كلام مون الليل هو الصحيح

وبعدين اذا كنتي سعوديه ​

اعطي رقمها لهيئة الامر بالمعروف والنهي عن المنكر ​

وقولي لهم عن كل شي وقولي وش مكتوب في رسايلها ​

بس مهما صار لاتعطينهم رقم زوجك او اسمه ​

علشان ماتضرينه بس اسمها ورقم جوالها وخليها عليهم ​

شوفي نصيحتي ونصيحة مون الليل وان شاء الله خير ​

 

[المنقبة]

الله يصبرج حبيبتي و يعيينج

 

[موتي ولادمع امي]

السلام عليكم ورحمة الله وبركاته000
الف شكر لكل الاخوات الي شاركوني وابدو نصحهم وجعل الله ذلك في ميزان حسناتكم00
ااااااااااااااه يااختي تاج الاحزان الله يفرج همي وهمك والمسلمين اجمعين والله مالنا الا الدعاء لاني تعبت من المواجهه لدرجة انه صار يقول عاجبك ولا مع السلامه00واحاول اذكره دائما بالله وانه كما تدين تدان00 واني والله ياخواتي اعرف ان زوجي عاد للخيانه من مواقف اتعرض انا لها من احد الرجال واذا بحثت وجدت البلاوي وان احساسي صادق واقوله الي يحصل لي وينقهر ويعصب ولكن بلا فائده ماشي على نفس الموال000اللهم اهدي زوجي وازواج المسلمين وجعلهم قرة عين لزوجاتهم وابعدهم عن الحرام وحفظ سمعهم وبصرهم وفروجهم اللهم ااااااااااااامين

 

[الحلوة فيهم]

المشكلة مو في الحرمة المشكلة بزوجك لانه لو ماكلمها فيه غيرها ممكن يكلمها اذا ماعنده وازع ديني

 

[الأسطـــــورة]

لازم تتعاملي مع الموضوع بشوية حزم ولاتتهاوني عن النهي عن المنكر

 

[أنا حرهـ]

الله يهديه ويسخره لك
انا رايي ابعدي عن المواجهه وشغلي كيد النساء
لان المواجهه مع الرجال تزيدهم عناد خاصه الشمالي مثل زوجي .

 

[حبيبتي]

الله يعينك أختي
ويهدي زوجك

ممكن سؤال هو بس يكلمها في التلفون
ولا يطلع معاها؟؟

 

[موتي ولادمع امي]

الله يعطيكم العافيه ياخواتي على دعواتكم وردودكم000
اختي يا(حبيبتي)والله مادرى اذا كان يطلع معاها ولا لا بس مااتوقع انه وصل لها لمرحله هذي لانه يبي زواج وهو قد قالها لي ايام المواجهات الي قبل اني ابغى اتزوج وانا قاعد ادور يعني يلعب على نفسه وماخذ العرس حجه لخياناته طبعا ايميله كله مواقع زواج مسيار مشترك فيها وبنت الحلال وهلم جرا000
والله اني ماادري وش اسوي اخاف اواجهه يعاند زياده انا لو واجهته ماراح اقعد عنده ولا يوم لاني كنت حالفه قبل اذا سواها مره ثانيه ماراح اعيش معه وهو مايبيني ادري لان جواله دايم مقفل او موجود طبعا اذا كان عندي غير كذا زوجي ملول يطف بشي ويتركه فانا اقول وش رايكم اصبر على المواجهه اشوي000وانا حاره مااصبر قاعده ادق عليه بالحكي واجيب له قصص عن الخيانات( يعني اياكي اعني وسمعي ياجاره)مادري صح ولا غلط الي قاعده اسويه00وهو الان شكله يدور على رقم جديد مادري له ولا لحبيبته بس مااظن انه له لانه يدور رقم مميز00
ااااه الله يكفيني شره وشرها ويصرف عني كيدهم وينصرني عليهم ياحي ياقيوم برحمتك استغيث اللهم اني مغلوب فانتصر000