البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم
والسلام عليكم ورحمة الله وبركاته،
في معرض الخريف شفت طنجرة المندي وعجبتني وايد، وكنت سامعة عنها من صديقاتي، فقلت ما في إلا أشتري لي وحدة،
وخذيت الحجم المتوسط،
وطبقت عليها طبق المندي اللذيييييييذ، كان كلش خفيف والدياي حده لين،
يالله معانا
مندي الدجاج باستخدام طنجرة المندي
المقادير:
دجاج منظف ومبهر في (كركم+بهارات مخلوطة+خل التفاح+سماق+بهارات تندوري+فلفل أسود+ملح+ثوم مطحون+رشة دقوس) وإنتي لج الحرية بالنسبة للبهارات
أرز مغسول
خضروات منوعة (خليت بطاطس + باذنجان + فلفل بارد مقطع + فلفل حار)
كوبين تقريباً جزر مبشور
بصل مقطع شرائح
بهارات المندي المعروفة (أعواد الدارسين+مسمار+حبات الهيل+فلفل أسود حب+مكعب+ملح)
الطريقة:
أول شي خلي في الطبق التحتي ماااااء، وخلي الشبكة الخاصة، وفوق الشبكة حطي الدياي + الآلو والباذنجان (ملحتهم من قبل)، وغطي الجدر، علشان يستوي الدياي شوي.
عقب تقريباً نص ساعة، الماي بيغلى والدياي بيستوي نوعاً ما،
أحين شيلي الماي اللي في الجزء السفلي وإحتفظي فيه، وحطي شوية دهن وحمسي البصل،
- وضيفي الجزر والفلفل
- بعدين ضيفي البهارات الخاصة بالمنتدي + الماي اللي احتفظنا فيه (بشرط يكون يغطي الأرز فقط) + الرز
ورجعي الشبكة اللي فوقها الدياي،
وغطي الجميع بالألمنيوم وخليه تقريباً أو أكثر بشوي، لين ما العيش ينشف والدياي يلين أكثر،
عقب ما فتحت المغطى، الدياي صار لين هو والآلو، وهذا شكل العيش،
وإهني لما نجبت للبيت،
وهذا بعد نفس الشي، وعليكم بالعااااااااافية:32:
التعديل الأخير بواسطة المشرف:
