سفيره بجمالها
New member
- إنضم
- 2007/12/07
- المشاركات
- 13
السلام عليكم ورحمة اللة وبركاتة شحالكم اخباركم انا مشكلتي الي اعاني منها مع حماتي انا ساكنة مع اهل ريلي بس عمتي دوم تضايقني باسلوب الاستفزاز ياجماعة مايمر يوم من دون ما تسمعني كلام جارح دايم تلمح لي عن اي شي وتتكلم علي عند الناس انة ما مني فايدة اني دلوعة ما اسوي شي في البيت مع انة في خادمة في البيت انا اسوي كل شي لنفسي غسيل ملابسي وحق عيالي وريلي انا اغسلهن وانظف غرفتي يعني ماتسوي لي شي تخدمهم وتطلع الاكل لين غرفهم مع انة لما يكون في ضيوف انا اقوم اضيفهم في كل شيولما سافرت الخدامة اسوي كل شي في البيت انظف واطبخ واسوي كل شي بس واللة مقهورة انة سواء سويت شي ولا ما اسوي مايبين في عينها ابدا انسانة غريبة الاطوار ما قدرت افهم شخصيتها ابد صار لي الحين ست سنوات على هذا الحال ولما اشتري لها هدايا ابدا ما تقول قدام احد انة مني ولو بنتها تيب لها شي بسيط تسوي مهرجان تمدح فيها وتموت من الفرح وتقعد تتفشخر قدام الناسانا تعبت واللة كيف اتعامل مع هذي الانسانةولما نكون قاعدين ما تسولف معاي ابدا تم ساكتة وتسولف مع الخدامة واذا كنت انا وبنتها نسولف اذا بتسولف بس مع بنتها بس وانا كاني جدار او حشرة تعاملني معاملة قاسية جدا وزوجي حرام تعب من كثرة المشاكل وانا خلاص ما اقولة اي شي عشان ما اضايقة لانة يداوم ويدرس في نفس الوقت وما ابي اضغط عليةيحبني ووانا اموت فية شخصيتة ضعيفة وايد قدام ابوة ينبلم ما كان لة راي ولما اقولة خل لك شخصية وحياة مستقلة قدامهم يقول تبيني اعصاهم مستحيل ومايقدر يطلعنا في بيت لانة هو الكبير قال لما يتزوجو اخوانة يسير خير قبعدهم صغار اخوانة يعني بضل نص عمري عند هذي الانسانة تخيلو اسافرنا نغير جوانا وزوجي وعيالي ورابع يوم تطرش مسج تعال ابوك مريض ونرجع بسرعة ونرد والريال ما فية الا العافية وسكت ريلي عرف انها حركة وتخيلوا واحنا مسافرينيوميا تتصل لدرجة اني خلاص اتضايقت بحجة تتطمن علينا وحشوني العيال وزوجي يحب الكورة لما في مباراة تتصل كل دقيقة تخبرة النتيجة اة اة اة اة تعبت وش اسوي قولوا لي كيف اتعامل معاها لا احنا عايشين مع بعض سامحوني
