طلبتك ادخلي وساعديني ولدي متعذب

[أستغفررر الله]

السلام عليكم
اخواتي عندي ولد عمره سنه ونص من 5 شهور اصابته حاله اللي هي مايخرج وانتو بكرامه الا لما يتمسك فيني ويتعصر ويصيح بقوه ويعرق حتى لو كان بعيد عني اذا بيسوي شي يبكي ويجي عندي ماما ماما ياقلب امه
ومن شهر كم مره الاقي دم مع برازه وانتو بكرامه
علما ان اخراجه عادي مو امساك مررره جربت له زيت الزيتون وملينات ماغير بالوضع شي
وديناه لدكتور قال معاه احتقان (ضوق) بفتحه الشرج
ودكتور ثاني يقول احتقان فتحه الشرج عيب خلقي يصير مع الطفل من الولاده مستحيل يجي الطفل بعد سنه من عمره
كل الدكتورين عطونا كريمات موضعيه ماااافادت بشي
والله يتقطع قلبي كل مااشوف حالته وماصدقت ان فيه ضوق الا لما جته حراره عجزت ادخل التحميله فيه ويصيح صياح مو طبيعي
تكفون اللي تعرف عن هالموضوع شي لاتبخل وربي اني بهم وضيق​

 

[أستغفررر الله]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ميوسه]

عزيزتي

حبيت ارفع الموضوع

مايشوف شر الحلو

بس خذي اكثر من راي طبي

وان شاء الله تلاقين امهات لهم خبره بهالشي

 

[بااااتي]

ياعمري عليه الله يرزقك بره ...انتبهي لاكل حاولي تركزي على الفوااكه تساااعده يكون البراز سائل ....واتمنى انك تنزعين الخوف من قلبه لانه اكيد صار يخاااف
اذا جااله براااز .....حبيبتي حاولي تروحين اخصائي او روحي اعرضيه على عيااادة الطفل السليم ....يطمنونك اكثر عليه ..
اتمنى اني افتدك ...

 

[dodojojo2]

السلام عليكم حبيبتي اعرف وحده عانت زيك من ها المشكلة سارت تعطي بنتها مع كل وجبة ملعقة زيت زيتون يعني تقريبا ملعقة او ملعقتين باليوم والان بنتها طبيعية جدا وان شاء الله ربي يشفيها

 

[أستغفررر الله]

ميوسه
الله يرفع قدرك ويخلي لك ماعطاك

باااااتي
الله يجزاك خير ويطمن بالك

دودو جوجو
الله يجزاك الجنه
مشكلته ان البراز عااادي مو قاسي مره المشكله بالفتحه عنده اخاف يصير فيه بواسير ولاشرخ والله مدري وش فيه تكفون طمنوني

 

[مراميرا]

الله يشافيه لك

وعليك بالدعاء له والاستغفااااااااااار

وسترين العجب

 

[أستغفررر الله]

وينكم بنات انا خايفه يقولو لازم تدخل جراااااااحي

 

[مراميرا]

اذا احتاج تدخل جراحي

لاتتردي بعد الاستخارة

لانه الدكاترة بعد الله ادرى

والعلم في الطب كثييييييير تطور

وولدي عند عمر 6 شهور اكتشفت انه ما يبول مزبوط

ووديته عند استشاري وقال فتحة البول بالمجرى البولي كلها ضيقة

مما يضر بالكلى

وانه عيب خلقي ولابد عملية

والحمدلله سويتها له واكيد لما تسوي العملية وهو صغير افضل

ونتايجها احسن

انصحك توكلي على الله والله يسهل اموركم ويفرح قلبك بسلامته

وتبشريني بحالته المستقرة الطيبة

موووووووووووفقة

 

[مكان القمر]

يمكن الحليب له دور
اما انك من النوع اللي تخلينة ثقيل او تخلينه خفيف

 

[nona--]

حبيبتي ادهني فتحة الشرج بزيت سمسم كل ثلاث مرات في اليوم اوكل ماغيرتي الحفاظ واذا ماعندك انا عندي وانا من اهل الرياض ومستعدة اوصلة لك او تجي انتي تاخذية لازم يكون زيت معصور مباشرة من المعصرة وانا ابي فية دعوه بظهر الغيب اذا تشافى ولدك

 

[amal7yatee]

الله يفرج عنه إن شاء الله

 

[انوار المحبه]

لالالا تسوين جررراحه ولا شئ اخوي كان كذا مسكين وامي كانت تستخدم له الشرنقه على معتقد كذا اسمهااا اللي هي ملينه للبطن

وربي يحزن كنت اتذكر بكاءه

وقالوا لنا ضيق بفتحة الشرج والحمد لله شوفي الان رجال عمره 13 سنه الله يحفظه ويخليه


ودي​

 

[الأمــ فجر ــل]

الله يشفيه اختي انتبهي لولدك وديه اكثرمن دكتوراناولدي 18سنه يعاني من امساك وينزل معه دم صارمعه شرخ..........الله يشفيه ويشفي ولدك.

 

[وردته]

الله يطمنك عليه يارب..ويخليه لك

 

[اتعبني غروري]

انا انصحك تفطمينه

نفس حالت ولد اخوي

ما خف الا لما ترك الحليب

جربي انشاء الله يخفف من المه

 

[مييسو]

اعرضيه على جراح متخصص الله يشفيه وداومي على زيت الزيتون مع وجباته وبالنسبة للتحميلة حبيبتي اذا عطيتيه حطي عليها مزلق

 

[نسيت انسى]

الله يعينك بس ياأختي أنا كان عمري 23وصار ينزل معي دم لما ابرز الله يكرمكم وتعذبت والله بالرغم كنت طول عمري عاااادي ماعمري حسيت بشي وقالي الدكتور ضيق بالشرج عيب خلقي وانا عمري ماحسيت شي بس اذا كان ملتهب يصير فيه ضيق الى درجة تحسيه مقفول بس تتحسن حالته يرجع طبيعي حاولي تكثيرله من السوائل وادهني المنطقه بزيت زيتون وخليه يجلس بماء دافئ وارقيه أهم شي

 

[@ام عذاري@]

السلام عليكم
عزيزتى اولاد اختى نفس حاله ابنك
لكن اطمنك فتره وتروح لانه عند طلوع الضروس تجيهم نفس الحاله يتعضرون من الالم عرضهم على اكثر من دكتور مافادهم في شي
بس الحمد لله الحين طيبين واحدعمره 6 والاخر 5
اهم شي الحليب مايكون فيه حديد والعنب والتمر كويس

 

[أستغفررر الله]

مراميرا الله يعطيك الجنه و يطمنك على ولدك ومايشوف شر ان شاء الله

اتعبني غروري مكان القمر
ماادري بس انا غيرت حليبه اكثر من 3 مرات وبكل الحالات نفس الوضع

نونا ياقلبي الله يجزاك خير ماتقصري يالغلا ومو مشكله انا اشتريه واعطيه وهو بس دهان موضعي؟؟؟
يعني مااشربه من الزيت شوي؟؟
وماطلبتي شي ابشري بالدعوات انتي وكل من رد علي

امل حياتي وردته
الله يعطيكم الف عافيه عالدعوات والله يخليلكم غاليكم

انوار المحبه الله يطمن قلبك وش هي شرنقه؟؟
عشبه ؟؟
وكيف اطبخها ولا كيف طريقتها؟؟