طلبتكم لا تردوني

[love4life]

السلام عليكم ورحمة الله وبركاته

أخواتي في الله الغاليات ..

أنا جايتنكم اليوم وكلي أمل في انكم تساعدوني وتشورون علي :blushing: يمكن هذي أول مشاركة لي بس والله أنا متابعتكم من زمان وجزاكم الله خير على كل اللي استفدته وبستفيده الله يسخر لكم أزواجكم ويرزقكم بالذرية الصالحه وانا منتي معرسه الله يرزقج بالريل الصالح اللي فيه كل ما تتمنين

أنا جالسه أكتب لكم والدمعه حابستنها :icon1366: بتقولون ليش الدموع بقولكم لاني ما أعرف أتصرف .. مب لأني حزينة (الله يبعد الحزن عن الجميع)

وحتى ما أدري اذا هذا القسم المناسب من المملكة (آسفة اذا غلطت)

السالفة ..
أنا من وااااااااااايد قريب مالجة (عاقدة القران) ما كملت اسبوعين .. وريلي الله يسخره لي ويحنن قلبه علي انسان وايد طيب ومحترم وخجول.. نتكلم على التليفون :bye1: والحمدلله الأمور تمام ..


مشكلتي شيئين
1. ما أعرف شو أكلمه أنا كله ساكته أو أضحك .. أحاول أسال سؤال أو شي بس :blushing: بموت من الحياء ساعات أحس قلبي بيوقف .. هو مرة سألني "من أنا؟" (ينتظر أقول زوجي) طبعا بعد جهد جهيد جاوبته وتميت أصيح (هو ما يدري) من الحيا والله .. مب اني مغصوبه عليه ولا شي بالعكس أنا الحمدلله مرتاحه منه .. وعقب هو عرف وسألني ليش صحت قلت له من الفرح وهو ارتاح والحمدلله الموضوع عدى ..

بس .. بس .. أخافه يمل من كثر ما أستحي وهو كله يقول بزعل عليج ليش ساكته مب انا ريلج .. والله اني مب وايد ساكته اتكلم اوكي بس لما ايقولي تحبيني وله شو اتحسين انخرس :blushing:


2. هو ما سواها بس أخافه يتمادى في الكلام (من اللي قريته فالنت ان في شباب يتمادون) .. والمشكلة اني ما اعرف شو قصدهم بيتمادون؟ .. يعني يمكن الفقير يقول لي شي عادي وأنا اتحراه يتمادى .. حد يقول لي ويدلني .. شو من الكلام عادي وشو مرفوض .. مثلا انه يقول أريد العب في شعرج او هالاشياء عادي؟ أو ضميني او عطيني بوسة وقربي مني ضميني مدري شو :blushing::blushing::blushingبالتليفون يعني مب بالواقع) لاني أدري هو مستحيل يرضاها ولا يسويها (من هالناحية مطمئنة) ساعات يقول ليش انتي مب حلالي ما أستاهل وتبيني أزعل وهالسوالف



:nosweat:
وطبعا بعد ما ضغط علي مرة بزعل ومدري شو قعدت أصيح (لا تخافون ما أخوفه بس دموع) بس هو حس فيني (مب متأكد اني صحت بس حاس) وسألني ليش خايفه ومدري كيف قلت له مطمئنه ومدري شو .. :blushing: ووصل لموضوع اني خايفة من العرس (وقصده الدخله) وقال انه بيفهمني ولازم ما اخاف .. عاد انا مب خفت في هذيك اللحظية بس قلبي وقف :crazy: لاني جد والله ما كنت مفكرة بهالشي .. كان صياحي اني مب عارفه أرد عليه وبعد لأني اتضايقت من نفسي خفت أكون مثقله عليه ..

وهو ما شاء الله عليه تم مصر انه "يخفف" علي الخوف وهو مب عارف ان مب هذا خوفي (على الاقل مب في هذيج اللحظة) بس أنا قلت له اذا بنتكلم فهالشي يكون قريب العرس وانه هو دخل الفكرة في بالي وخوفني أكثر (لأنه كان مصر ان الفكرة في بالي).. وعقب هو اتضايق .. (على حد قوله اتضايق من نفسه انه استعجل وفتح الموضوع أسرع من اللازم) .. بس والله انه ما قال كلمة .. :blushing::blushing::blushing:



هو ولد خالي بس في عايلتنا ما نختلط فيهم ولا نقابلهم ولا شي .. فأنا عمري لا شفته ولا شافني (قبل الملكة)




الله يخليكم ساعدوني انصحوني .. أنا مالي خوات أكبر مني (2 صغار وفالاعدادي) وأمي أستحي اكلمها

 

[ميوسه]

عزيزتي الحياء شي حلو بس له حدود

بكائك معاه معناه انو تقطرين انوثه ونعومه ورقه كنت مثلك اول قبل الزواج بس الدنيا ربتني

اسلوبك كان حلو وطبيعي بس الى هنا وخلاص لازم تتعودين عليه


لان الرجال بهالوقت يحبون زوجتهم تكون قويه شخصيه وجريئه شوي بس شوي بالكلام لو مجارات بس


وهو حلالك الان لو طلب اي شي بس يفضل انو مايتعدى بوسات حقيقه مو بالتليفون لانه زوجك


استمتعي في هالفتره معاه ولاتفكرين انو تسوين شي غلط لانه زوجك واضحكي وجاريه بالكلام لو ردود قصيره وخجوله شوي شوي تتعودين



موفقه

 

[love4life]

تسلمين يالغاليه الله ييسر لج أمرج ويسخر لج زوجج .. احس "شوي" ارتحت ما قصرتي

يمه والله أحس قلبي بيطلع من جسمي:blushing::blushing::blushing:

وياريت لو أسمع كذا رأي عسب أعرف رد فعل الأخوات من المناطق المختلفه .. لا تردوني بلييييز

 

[الحُرّه]

لا عادي شي طبيعي انك تستحين!

ومع الايام الخجل هذا بيروح!

لاتخافين ...وتوكلي على الله وربي يوفقك!

 

[love4life]

تسلمين مشرفتنا الغالية الحُرّه .. والله يسخر لج كل الخير ان شاء الله (زوج ان كنتي عزابيه أو زوجج ان معرسه)


بنات تكفون أنا نسيت بعد أقول ان ملكتنا 5 شهور تقريبا يعني العرس في نص شهر 7 .. متى يكون مقبول انه يفتح الموضوع "إياه" :blushing: أنا يوم حاول (هو بطيب نية علشان يطمنني ويزيل حاجز الخجل أو الخوف) أنا قلت له قبل العرس يعني 5 أو 6 .. هو أصر بس أنا بعد أصريت :blushing: وحسيته زعل .. هل أنا غلطت؟

لو في وحده اتحس انها تبا تراسلني عالخاص :blushing::blushing::blushing: تتفضل .. أنا طالبه مشورتكم:icon26:

 

[love4life]

شو اتجوفون موضوعي ما يستاهل؟ .. والله العظيم انه واايد يهمني ومؤرق نومي

سامحوني على الازعاج بس انا ما طلبت الا مشورتكم

 

[عنقود عنب]

اختي ربي يتمم لكم علي خير ويسعدكم و يرزقكم بالذرية الصالحة

ما تمرين به شي طبيعي ...والخجل حلو ...لكن بدون مبالغة

يعني استمتعي بالفترة هذه

ما فيها شي مثلا لو لمس شعرك او لعب فيه ...او حضنك و باسك او مسك يدك

لكن زيادة عن كذا لا ...لا ترضين له

بعدين اختي ..الكلام الرومنسي اسهل من الفعل ..مثل التقبيل او الحضن

اذا قال لك من انا ...قولي له زوجي حبيبي

اول مرة صعبة وبعدين تتعودين ...لا تخلين الخجل يسيطر عليك و يمنعك من الاستمتاع بفترة الخطوبة

وربي يهنيكم

 

[duh]

السلام عليكم،،

غناتي ربي يسعدج ويهنيج ويتمم لج ع خير....

أول شي.. حطي فبالج ان هالأيام من أحلى الأيام اللي بتمر عليج فحياتج"جعل ربي أيامج كلها سعاده" واللي ماتتكرر،،فنصيحه من القلب: عيشيها بكل حلاوتها واستمتعي كل لحظه فيها

ثاني شي.. الحياء شي طبيعي بالعكس حلو ويدل على تربيتج، واذا حسيتيه تضايق من حياءج الزايد قوليله :حبيبي لاتلومني تراني صدق استحي يعني انا ماتعودت اكلم ريال غريب عني غير ابويه واخواني، وادلعي عليه شوي وقوليله تحملني واصبر علي لين مااتعود عليك ان شا الله ماتشوف الا اللي يسرك

ثالث نقطه.. صح المستحى حلو، بس انت "فكيها" شوي،، يعني في مواقف يحليها الحيا، وفي مواقف يبالها شوية جرأة،، يعني هي فتره مهمه تتعرفين عليه وعرفين شو يحب وشو يكره، اهتمااته، توقعاته،طموحه..أشيا وايد ممكن تسولفون فيها، أما السوالف الخاصه الها نكهتها بعد بس اذا حسيتي ان بدا يتعدا ممكنتغيرين الموضوع بلطكف ولباقه، والسوالف العميقه تو الناس عليها

الله يوفقج، ولاتنسين تدعين دوم : "اللهم جعله قرة عين لي واجعلني قرة عين له"

 

[love4life]

حبيباتي وخواتي عنقود عنب & duh ..

أشكركن شكراً جزيلا على مروركن الرائع ومشورتكن علي .. والله انكم اتريحوني

أختي .. duh هذا اللي مخوفني .. انه يدخل فالعميق (والمشكلة ما أعرف شو القصد من العميق) :blushing: يعني هو يمكن يقول شي عادي وأنا أجوفه عميق كيف أعرف .. واذا دخل فالعميق :blushing: :blushing: :blushing: شو أقول له وما يزعل .. عمتي الله يحفظها قالت لي ما أوقفه وله بيتضايق وانه ريلي ويقول اللي يقوله .. بس أنا والله مابا .. أخاف والله أخاف لما مجرد يتكلم عن الحضن أخاف انه يتحمس بزياده وهالشي مرعبني أحس من طريقة كلامه ويتحول الخجل لخوف :tears:

ومثل ما قلت ما أعرف شو العميق وشو العادي :nosweat:



الله يريح بالكن وييسر لكن أمركن ويسخر لكم الأزواج الصالحين ان كنتن بنات ويسخر لكن أزواجكن ان كنتن معرسات ..

أختكم love4life

 

[أحلام الطفولة]

ههههه الله يا حياتي .. ذكرتيني .. يأيامي .. كانت ا يام حلوه كثيييير ..
شوفي حبيبتي .. البنات ما قصروا معاك كلامهم جدا رائع من ناحية انك تفكين الخجل هذا شوي .. عاد تصدقين انا كنت جريئة في التلفون .. واقدر ا قول كل الي في خاطري .. وخوفي منه .. وشوي شوي .. هو فهمني وقالي لا تخافي راح اعطيك مهلة اسبوع اواكثر الين تاخذين علي كان خوفي من الرجال شي مو طبيعي .. بس الحمد لله مرت الايام واحلى منها مافي .. انتي بس فكيها شوي .. وقولي له انه ما يدخل في العميق شوي خلينا بس نتعرف على بعض الين بس ناخذ على بعض .. بعدين يصير خير يا وجه الخير،،
والله يوفقك يا قلبي ويسهل لك الخير،،

 

[duh]

السلام عليكم،،

أسميج خوافه....وشكلج متأزمه بالقو ومأزمه الريال وياج، خذيها مني وأنا أختج وتذكريها في كل لحظه: هاي الأيام من أحلى أيام عمرج واللي ماتنعاد ولاتتكرر عيشيها واستمتعي فيها، لا تخربينها بالعقد والخوف ا لزايد وكل شي يزيد عن حده ينقلب ضده،،

وترى الشاب اذا حس بج زايغه ممكن انه يزودها،،

يعني اذا انت ساكته طول المكالمه ، هو لازم يفتح مواضيع وعاد هم هاي السوالف اللي تعيبهم، لكن لو كنت انت المبادره فالسوالف بيكون شي ثاني انت اللي توجهين المواضيع وتختارينها: تسألينه عن طفولته، ذكرياته فالمدرسه، علاقته بأهله، الأكلات اللي يحبها ....

نقطه مهمه يالغاليه: انت الحين زوجته وحلاله وهالأنسان صار ريلج ، يعني من حقه انج تعفينه بالكلام الحلو والمشاعر، خليه يتكلم فقير خليه يقول اللي فخاطره، جاريه شوي اذا حسيتيه تعمق اسكتي لاتردين عليه ،اذا مصخها قولي له بطريقه حلوة تو الناس على هالرمسه...
ما أقدر قولج شوهو العميق لأن الناس تختلف في تقدير هالأشيا ، امشي ورا احساسج وعقلج..

الكلام الحلو هذا وقته، واذا ماتعودتي تقولينه الحين بيصعب عليج عقب،لازم تعودين عمرج ان لسانج يكون حلو وذرب وياه،اذا هو مب قادر شوفج ولايلمسج حرام كيف يحس بمشاعرج غير بالرمسه الحلوة ،أملي عليه دنياه ترى هالشي الله ياجرج عليه، يعني انت المستفيده ربج ياجرج وريل يتعلق بج

لاتأزمين الأمور خذي الأمور ببساطه، صدقيني حبيتج لانج ذكرتيني بعمري يوم كنت أم الهول (لا أسمع لا أتكلم لا أرى) يوم أتذكر هييج الأيام أحس اني كنت مليييييقه ودمي ثقيل ما اصطلبت الا بعد ماعطاني كلمتين فالعظم خخخخخ، حاسبتنج اختي الصغيره وخايفه لا تسمعين اللي سمعته ويحترق ويهج..

​

موفقه الغاليه.

 

[love4life]

أحلام الطفولة
أشكرج على تواصلج الغالية ومشاركتج لرأيج وان شاء الله خير ..

duh
تسلمين حبيبتي على مرورج الثاني الأروع وايد عنى لي انج مهتمه بموضوعج ..

أمس أنا يتني ضحكة وأنا أرمسه :blushing: هو يتريا شي وأنا أقول له شو الدوام والصيف اللي طاف شو سويت .. حسيته بينتحر خخخ :blushing: والله مب قصدي أخرب عليه مخططاته :nosweat:

بس المشكلة يوم أقول له بعدني شوي يزعل ويقول شو بعدج مب أنا ريلج وليش ما يحق لي أو ما أستاهل؟ وليش خايفه مني ومستحيه بزعل عليج (يقولها بطيب بس قلبي يعورني).. عقب يحلف انه ما زعل بس والله حاسه من صوته انه زعل:no:

أصلا بدون ما أتكلم يعرف .. أصير ما أقدر اتنفس وهو يسمع نسمي ويعرف .. أمس اعتذر لي .. ما كنت اباه يعتذر والله بس يوم سألني اذا اخاف منه قلت له اني اخاف من اللي يقوله مب منه وله أنا متطمنه له .. بس تم يقوللي ليش ما تبيني وانا قلت له مب جذي السالفة بس اخاف من اللي اتقوله .. بس احس (الا اتمنى) انه ما بيعيدها (ان شاء الله ان شاء الله ان شاء الله :harhar1 .. أعرف ان الناس تختلف في حدودها بيناه وبين زوجها بس أنا ما أقدر على هالشي (مع ان يمكن غيري يحبه) .. هل يحق لي احط له حدود فالكلام وله أنا غلطانه .. أفيدوني رجاء (اذا غلطانه انا مستعده أتغير أما اذا من حقي فطمنوني وريحوا بالي)

أنا بروحي بديت أتضايق من نفسي أحس اني يمكن مزودتها وشادة عالريال مع انه مافي داعي وأخافه يكرهني على هالحركة (مع انه طيووب)

 

[duh]

امممممم والله حيرتيني، مب عارفه احينه انت الخوافه والا هو اللي مصخنها، كلامج ألغاز!!شو اللي يترياه؟وشو اللي يقوله؟

بشكل عام،، اذا كان ينتظر منج كلام الحب والرومانسية والشوق العادي (احبك، اشتقت لك...)، هذا حقه ولازم يالغاليه تبدين تعودينه وتعودين عمرج شوي شوي (كل اسبوع كلمه يديده خخخ)

اذا كان يسألج عن لبسج وعطرج وبلعب بشعرج وبحضنج ع قولتج، فقير يغمض تراه مشتاقنلج ومافيها شي ، تستحين لانج ماتعودتي ع هالرمسه بس لازم تتقبلينها وما تسكتينه تراج عقب بتشحتينها شحاته

خير الامور الوسط حتى فالمستحى...

تمنياتي لك بحياه هااااااااانئه،،، ادعيلي تراني ميهوده بس ادخل اطمن عليج

 

[love4life]

امممممم والله حيرتيني، مب عارفه احينه انت الخوافه والا هو اللي مصخنها، كلامج ألغاز!!شو اللي يترياه؟وشو اللي يقوله؟

بشكل عام،، اذا كان ينتظر منج كلام الحب والرومانسية والشوق العادي (احبك، اشتقت لك...)، هذا حقه ولازم يالغاليه تبدين تعودينه وتعودين عمرج شوي شوي (كل اسبوع كلمه يديده خخخ)

اذا كان يسألج عن لبسج وعطرج وبلعب بشعرج وبحضنج ع قولتج، فقير يغمض تراه مشتاقنلج ومافيها شي ، تستحين لانج ماتعودتي ع هالرمسه بس لازم تتقبلينها وما تسكتينه تراج عقب بتشحتينها شحاته

خير الامور الوسط حتى فالمستحى...

تمنياتي لك بحياه هااااااااانئه،،، ادعيلي تراني ميهوده بس ادخل اطمن عليج

سلامتج حبوبة .. ويزاج الله ألف خير والله يسهل ويخفف عليج والله يسخر لج كل ما فيه خير


هو ساعات يقول أشياء أجرأ من العطر والشعر أو اذا تبين الصدق يقول أشياء (قد تكون شبه فالسليم) ولكنها تؤدي إلى الأجرأ :blushing: :busted_red: :tears: بس أنا مانعته .. وعن منو الغلطان .. الاثنين .. انا خوافه بزياده وهو بعد قاعد يمصخها (يعني ما أعتقد فهالمرحلة المتقدمة من العلاقة لازم يقول هالأشياء :blushing: ولا حتى يلمح لها .. ما يهمني اذا عادي .. أنا مب مرتاحه من اللي يقوله :busted_red: :icon1366:.. سؤالي هل من حقي اني أوقفه مع العلم انه بيزعل ويشلها في خاطره أم مالي حق

 

[duh]

يقول أشياء (قد تكون شبه فالسليم) ولكنها تؤدي إلى الأجرأ
أحلى يالشرح بس الحين فهمت أكثر،،،

فعلا الله يهديهم الشباب هالفتره وايد يضغطون على البنت ويستغلون رهافة حسها وخوفها من زعلهم عشان تتجاوب أكثر، هي مش حرب لكن سبحان الله هاي اهتمامات الرياييل بينما الحرمه في عالم ثاني تبغي مشاعر وأحاسيس....

سؤالي هل من حقي اني أوقفه مع العلم انه بيزعل ويشلها في خاطره أم مالي حق
جوابي والله أعلم خلج ع طبيعتج اذا فعلاما رمتي وقفيه..بس خلي أسلوبج حلو ولاتركزين ع هالأمر وااايد ولا تقولينله كل شوي زعلت ولا وتحلفينه لا هني هو عارف انج متلومه فيه، بالعكس قولي ادريبك ماتقدر تزعل مني، والا أقولج اقلبي السالفه عليه وقوليله ترى انا اللي بزعل عليك خخخخخ

أقولج انت حاسه ان محد فالموضوع غيري انا وانت؟؟ حسيت جني عالمسنجر!

 

[love4life]

ههههه صدقج والله مسنجر ..

يزاج الله ألف خير أختي الغالية .. بتم لج شاكرة وبدعيلج طول عمري لأنج ما تتصورين اشكثر وقفتي معاي وطمنتيني .. يمكن سالفتي عاديه ومضحكة للمعرسات بس أنا قلبي كان بيوقف وانتي والخوات يزاكن الله خير طمنتن قلبي :blushing:

بمساعدتكم وبمشورة وحده ربيعتي الغالية علي يزاها الله خير يوم خذت بايدي وهدتني وشرحت لي كل شي ..


اختي duh الله يسهل عليج وييسر لج أمرج ويسخر لج زوجج ويرزقكم بالذرية الصالحة وبكل ما تتمنين مما فيه خير لج


شكراً لكل من مر وأدلى برأيه .. وايد ساعدتوني .. يزاكن الله خير

وأختي أحلام الطفولة اسمحي لي ما شكرتج .. يزاج الله خير وأسعدج مع ريلج وسخره لج ورزقكم بالذرية الصالحه


أختكم
محبة الحياة