طلاق وعشان ايش؟؟؟؟

  • بادئ الموضوع بادئ الموضوع لموسي4
  • تاريخ البدء تاريخ البدء
لموسي4

لموسي4

New member
إنضم
2007/08/19
المشاركات
459
:sad_1:
اخواتي ساعدوني
لي اربع سنوات بالضبط من زواجي عشت فيها على الحلوه والمره لحد ماجاني زوجي وقالي انا عندي سفره اسبوعين لدوله فشرق اسيا عشان عمل شكيت فالموضوع وصرت كل يوم الح عليه عشان يقولي الصراحه لحد ماتأكدت بنفسي من دوامه انه كذااااااب ورايح مع شله عشان تمشيه صارحته على طول واتشاديت معاه بالكلام قالي يعني وش تبين قلت ابي الطلاق انا مليت من المشاكل قام على طول قالي انتي طالق:schmoll:
زعلت وظفيت اغراضي بس مالقيت احد يوديني لهلي قعدت اكلم اخواتي اللي اكبر مني بالتلفون واقولهم انهبلو علي وقالوا دامه كل كم سنه مشيها له لكن هذا ماهو تصرف صحيح.....
ولما شفت ان الموضوع كبير قمت اتصلت عليه ورجعلي وقلته اوعدني تكون اخر مره (مع العلم اني قبل الزواج وعدني انه مايسافر الا معي)المهم قالي انشالله(طبعا مايدرى عنه) وراجعني بس سافر وانا الحين الله يعلم اني طاقتني الضيقه وادعي ربي الليل والنهار انه ماينبسط غير معي وانا ماااااا اطيق السفر والشي الادهى ان ابوي درى بسالفتي وضاق وعصب وقالي قوليله قبل يجي ياخذك يجيب تقرير انه سليم مع العلم ان ابوي يصير عمه ويقول ابوي طاح من عيني:thumbdown:
وش اسوي تكفون شورو علي
معلومه اضيفها زوجي بصراحه مو مقصر معي بشي وحليل ومايسفهني فامور كثيره
صحيح عليه احيانا بعض الحركات لكن كلش يهون عندي عند السفر​
 
يابنت الحلال دامه مب مقصر بشي وحليل معك ماله داعي تسوين كذا

صدق من حقك تقولين له لاتسافر برا لكن باسلوب رايق ومقنع

وادعي ان الله يهديه ويسخره لك وستغفررررررررررررررري
 
راجع حساباتك اذا كانت حسناته أكثر من سيئاته
اصبري وحاولي معاه بسلوب هادئ
 
السلام عليكم انا مع ابوكي لانه خايف عليكي ومادام زوجك كذب عليكي معناها فيه غلط بالموضوع لما يجي من السفر خليه يروح المستشفى وانتي معاه ماتضمني الشيطان وانا لاسمح الله ما اشكك بزوجك بس لاسمح الله ماتضمني الرجال ابدا كلهم ممكن في لحظة شيطان يضعفوا والله معاكي
 
عزيزتي الله يهون عليك انا مثلك عندي فكرة سفر الزوج من دون اهله الهدف تمضية الوقت في السفاهة والحرام لهذا من يوم خذته قلته اليوم الي بتسافر لوحدك اورقتي قبل التذكرة واهو طبعا مو ناسي هذا الامر بس عارف اني عنيدة والحين يالغالية اهو سافر لازم ادزين له رسايل حب وشوق تذكير بالله وتخلين اولاده يكلمونه طول الوقت ارجع احنا مشتاقين لك ومن هذا الكلام وكلام ابوك صحيح بس الافضل ما تجي منك خلي ابوك اهو الي يتفاهم افضل لان في ها الزمن كل شي يصير ولا تتركين الدعاء وقيام الليل الله يوفقك ويرده لك سالم
 
يااختي هي موعلى سفره وبس .. هي على الامراض الي يجيبها من سفره ..
خيتو لازم يسوي تحليل اذارجع خافي على نفسك .. من الامراض ..
الله يهدي زوجك ويسخره لك ..
 
يا اختي هدي اعصابك ولا تخلين زوجك اكبر همك نبهيه وذكريه بالله بطريقه غير مباشرة عن طريق قصص واقعيه...

وادعي الله انه يحفظك ..لكن اذا كنتي متاكدة انه بيسافر عشان فساد لا زم تبينين زعلك عليه وانك خايفة على نفسك

واطلبي منةيسوي تحليل على اني متاكدة انة ماراح يوافق..
 
اشوف انه دام هو مو مقصر معاكي بشي
خلاص خليه يسافر
امكن هو يتراح مع اصحابه
يعني اشوف انه مو سبب مقنع للطلاق
ماتعرفون انه ابغض الحلال ند الله الطلاق
استعذو بالله وصفو الامور مابينكم
وتقربي منه وسويله حركات حلوة و حسسيه انج بتحبيه ولا تعيدين عليه موضوع الطلاق مرة اخرى
تراه مب سهل
ارجال مهما يكون هو ستر للماره صح ولالا
 
يمكن هو كان يريد يسافر مع اصدقائه عادي تمشيه بس خاف انج ترفضين وتسوين مشاكل
انتي للأحتياط سوي نفس ما قال ابوك
لانه مابيفيدج بشي لو لا سمح الله جاب مرض وعاداج
 
انا اشوف انك تتعوذين من ابليس اولا

وثانيا مدام كبرت السالفه وابوك تكلم

اشوف خلالالالالالالالالالالالالالاص

ابوك عمه وادرى بسوالف الريجيل

خليه هو اللي يدبر كل شي

اذا تدخل ابوك يحس لك ظهر وان اهلك مقدرينك ويخاف بعدين من سفراته

يقول كل ماسافر عمي بيسوي لي تحليل
بيستحي على دمه

نصيحه طيعي ابوك وماراح تخسيرين

ياما بنات تنازلوا وزعلوا ورضوا وماسمعوا كلام ابوهم

ورضوا على شانه وبالاخير مايشوفها شي

رفعي وقدري نفسك انتي غاليه عند ابوك لا ترخصينها خليه يشوف الصح

وزوجك ادعي ربك يهديه

للمعلوميه ابوك خايف على ولد اخوه كثر ماهو خايف عليك


بس يبي يقرص اذنه شوي


ذا اللي اشوفه


والله يسعدك
 
تسلمون والله اخواتي على الرد انا بصراحه صحيح عليه حركات لكن انا اتوقع والله اعلم انه
ماراح انشاالله يوصل للرذيله بحكم عشرتي معه وهو حكى معى بهالموضوع على اساس انه انشاالله ماراح يوصل لهالشي؟؟؟؟؟؟
وانا فكرت اخليه منه لابوي
لكن اكثر توقعاتي انه بيرفض وش بيصير بهالحاله؟؟؟؟؟؟؟؟؟؟؟
واللي قاهرني اكثر مدة السفر طوييييييييييييييييييله مره سبحان الله مالهم قلوب يشتاقون لعيالهم
وبعدين هل اكلمه بشوق عادي او ما اعطيه وجهه
لانه يتصل تقريبا يوم ورا يوم رغم اني ارسلتله رساله وقلت لاتكلمني لين ترجع قبل يروح
لا واللي زاد وغطى يقولي ليش انتي كذا اخوياي زوجاتهم مرتبين شناطهم وحاطين لهم سجادات ومعطرينها ........ا ا ا اه يالقهر يحرضونه علي
قلتله اصلا هذولي ما يحبونهم والا كان غارو
 
اول شي حبيبتي اسمعي كلا ابوج واللي قاله صح 100%

لا زم يسوي تحليل اول مايرجع

ثانيا لازم توقفين بوجهه بكل قوه

علشان الموضوع مايصير عادي عنده

واذا جاء يسافر مره ثانيه يحسب للسالفه ألف حساب

وبعدين هل اكلمه بشوق عادي او ما اعطيه وجهه
لانه يتصل تقريبا يوم ورا يوم رغم اني ارسلتله رساله وقلت لاتكلمني لين ترجع قبل يروح
أنقر للتوسيع...

لا لاتكلمينه بشوق ولا تردين عل اتصالاته
لازم تحسسينه انه غلطان

وشوفي هذه القصه للإستاذه ناعمه

بائعة الإيدز
http://www.niswh.com/vb/t8198.html

في القصه كاتبه استاذه ناعمه عن شتسوي الوحده لما زوجها يسافر

ومن ضمن الاشياء ان الوحده لازم ماتتصل عل زوجها وتكلمه عادي وكأن شي مب صاير

لا واللي زاد وغطى يقولي ليش انتي كذا اخوياي زوجاتهم مرتبين شناطهم وحاطين لهم سجادات ومعطرينها ........ا ا ا اه يالقهر يحرضونه علي
قلتله اصلا هذولي ما يحبونهم والا كان غارو
أنقر للتوسيع...

صحيح هذول زوجاتهم ياغافلين لكم الله

حتى لو كانو رايحين سفره عاديه وماراح يخربطون فيها

انتي وش اللي يضمن لج

اهناك البنات هم اللي يرمون نفسهم عل الرجال

هم اللي يلاحقونهم

وفي القصه قالت استاذه ناعمه اذا جات الوحده ترتب شنطة زوجها

تطبع صور من النت حق حريم ورجال فيهم تقرحات يعني صور تقرف وتحطهم بين الملابس

اتمنى انج تقرين القصه كامله

راح تفيدج وايد

أرق تحيه
 
تسلمووووووووووووو والله يفرج علي وعلى المسلمات اجمعين ياااااااارب
 
مو شرط يسافر يعني معناااه رايح لشسمه !!!!

الله يهدي الجميع
 
انا مع اولادي كل حياتي لانه لازم ينحط له حد للسفر لدول شرق اسيا هذه كلها مصايب عشان اذا جا مرة ثانية يسافر يعرف ان فيه الف شغلة لازم يسويها بعدها يترك ها السفر ووجع الراس والله يكون بعونك
 
ترى مب كل رجال يسافر مممكن يزني احسني النيه فيه (تفائلو بالخير تجدوه)كثير رجال يحبون الجمعه والوناسه في السفر مع اصحابهم الي يبي الخراب تراه الحين في كل مكان مب لازم يسافر ويفضح نفسه ويخسرفلوسه يعنيلو كنتي مكانه وجتك سفره مع صديقاتك ترضين يفكر فيك انك ممكن تسوين شي في السفر
شوفي اهم شي في الزواج انه يكون فيه ثقه متبادله في اي وقت وفي اي مكان
وانا ضد انك تطلبين منه يسوي تحليل صراحه كانك تقولين له انا عارفه انك رحت تخربط ومهمني انك تخوني بس لا تجيب لي امرض يعني انت ماتهمني اهم شي انا
نفترض انه سواء تحليل وطلع سليم هل معنا هذا انه ما سوى شي او طلع مريض وش بتسوين تطلبين الطلاق وبعدين
 
شووفي يالغلا الله ينور طريقك ويفتح بصيرتك عن تجربه وتارب بنات كثير في عائلتنا السفر اذا بينه يوقف وما عاد يسافر ويشيل الفكره من راسه لازم له درس ما ينساه بحياته وقفه قوويه تعالى نكلم بصراحه صحيح بينفتح جرح بس عشان يتعالج صح
الحين زوجك او اي رجل يسافر ويكذب ومع شله بالله عليكي لييييش؟
يشم هوا مثلا؟
يشم هوا مع زوجته طيب وش المانع يشممها الهوا معاه؟؟
طالع داعيه للاسلام مثلا؟؟؟
طالع علاج لا سمح الله؟؟
واضح ليش مسافر هو ولا غيره عشان يغير ويجرب ويستمتع غلطتك انك اتصلتي عليه وخليتيه يرجعك بسهوووله كان ثقلتى عليه شوي وش بيصير يعني؟؟
بعدين فكري ابووك ليش قال ككذا؟؟
لييش قال لازم تحليل؟؟
الا عشاانه متاكد انه راح يجامع بالحرام بنات الحرام ومعه حق على فكره كثييييير رجعوو وجابو مصااايب لعيالهم وزوجاتهم امراض مالها عدد ولاعلاج ليش تدفعين انتى ثمن رغبته ومتعته؟؟
انا م رئي انك تصبرين على نفسك شوي واجلسي بيت اهلك معززه مكرمه وخلي ابووك يتدخل وفهمي ابوك وزوجك انك خايفه من الامراض وانك ما تقبلين على نفسك مثل ذا التصرف منه ابدا
وبينك وبين زوجك العبي لعبه بريئه بس قويه وماثره في نفس الوقت ارسيلله رساله وهو هناك وقوليله انا تعباانه ولازم اروح لدكتوة نساء الموضوع ما ينسكت عليه وبس لا تزيدين...
بيتصل علييك فورا وش فيه وبيستفسر قوليله انا لي فتره تعبانه بس ما حبيت اقول لحد على بالي الشغله بسيطه بس زادت وطريت اروح لطبيبه وقالت لي لازم تسوين تحاليييل ضرووري وبينيله انها كانت مصرره وانك مستغربه واسكتي
اذا قالك سويتيها ما طليه كم يوم ايه سويتها بس ما طلعت النتايج للان مادري وش تقصد الطبيبه بكلامها الله كريم بعد كم يوم بيتصل هاه بشري وش صار لانه دائما وحطى في بالك الي مسوي جريمه وعارف وش موي من قبل وبعد راح يحووم حولين الجريمه ويبي يعرف لانه سلامتك من سلامته يعني لو انتى ما فيك شي هو ما فيه شي اممم كيف اشرحها مثلا هو عامله عمله بيتاكد بطريقه غير مباشره عن طريقك انتى فهمتي على؟....
المهم قوليله طلعت النتايج واخذت منى مسحه وزراعه من المهبل وكذا وطلعت النتايج تقول الطبيبه ان عنده مايكروووب وهو الي مسببلك التعب وهامايكروووب ما ينتقل غير عن طريق الجنس لازم زوجك بعد يتعالج واعطيه بعدين مضاد حيويه ما يخالف بس هوليله السالفه وانه الزوج ممكن كون معاه هالمايكروووب وناقله لك وما تطلع العراض غير عن طريق زوجته او اذا فحص الزوج..
خلييييه يهوووجس يفكر سدي نفسه وهو هناك ورمى بالكلام انه المرض لا سمح الله ان الله كتبه على احد لا واقي ولا غيره يقدر يمنعه الله يعافينا من كل الامراض انا الي ابيه منك انك تشتتي تفكيره الحين وهو مسافر الييين يرجع وبعدين ابووك هو الي يتدخل وزعلي يا اختى لك فتره ما يضر ويتعهد انه ما عاد يسافر لحاله ابدا رحلات مشبوووها وبعدها لمن الله يصلح بينكم وكذا حاولي تكرهي بالحرام عن طريق القصص مثلا يوووه ضايق صدري وشو فيه يا فلانه حرام بنت كنت اعرفها ايام الدراسه زوجها الله يهديه راعي خرابيط وحارم ومرض ونقل لها ولعيالها مساكين الحين هم بالمستشفى المشكله زوجها بيتجنن كيف جاله المرض مع انه ياخذ احتياطته ما يدري انه الله سبحانه وتعالى شديد العقاب وكمان بنات اليل وسخات من واحد لواحد يعني بايعتها ولا يهمها مرض ولا غيره واحيانا يكون الشاب مريض وما يدري حتى باتحاليل ما يطلع لانه يكون الفايرس في حالت احتضان في ناس عشره سنين الين بين معاهم انه مريض وكذا خليييك فتره معيشته في رهااااب نفسي اليين يطلع قلبه ويتربا ما عاد يطالع للحرام ابددا ويشيل هالفكره من راسه تمااااااما والله انها طريقه فعااااااله جدا جدا وجابت نتايج مبهره بس يبيلها شوي تعب وصبر وثقل وذكاااااء اذا اجتعوو مع بعض شووفي كيف ترتاحي باقي عمرك معاه اتعبي كم شهر ولا طوول الدهر والله يفرجها عليك وعلى كل مسلمه يارب
تحياتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل