طقم الذهب والكفي شوب ( ساعدووووووووووني )

[الفارسه الحسناء]

السلام عليكم ورحمة الله وبركاته


اولا اهنئكم صراحة على المنتدى الراااااااااااااااااااااااااااائع جدا

ثانيا ابي اقولكم قصتي ..

انا ولله الحمد متزوجه من اربع سنوات تقريبا وزوجي ولله الحمد رااائع ورومنسي ومو مقصر معاي ابدا ..


المهم انا وياه كانت خطبتنا تقريبا سنتين وفي هالسنتين انا تخرجت من الجامعه وقام زوجي وشرا لي هديه بمناسبة التخرج عبارة عن طقم ذهب وما تتخيلون وش كثر كانت سعادتي بالهديه وعن حبه لي وتقديري له ...

وبعدها ولله الحمد تم الزواج وفي ثاني سنة من زواجنا زوجي عزمني في كفي وبعدها عزيمه في المطعم ورحنا الكفي وكاااااااااااانت جلست جدا راااائعه واجواء رونسية بمعنى الكلمه ...

المهم تكلمت انا وزوجي عن فترة الخطبه وجاب سيرة طقم الذهب وكيف انه تسلف وحرم نفسه من اشياء كثيره عشان يجيب لي الطقم لانه بوقتها كان طالب في الجامعه ....

وسألني عن الطقم قال لي سنتين ما شفت لبستيه ولا مره وحده ...


فانا وبكل صراحه قلت له ان الطقم اللي اهداني اياه تبرعت به للاغاثة .... لمن كان فيه حمله لمساعدة المحتاجين في فلسطين ......


طبعا زوجي تفاجأ من كلامي ومن تصرفي وتغيرت ملامح وجهه ...

قال لي انا تعبت والله وحرمت نفسي من اشياء كثيره عشانك وعشان اجيب لك الطقم وعشان اعبر لك عن حبي لك وانت بكل سهوله تقومين تتبرعين فيه ..

ليش ما قدرتيني وليش ما احرتمتي مشاعري ... طبعا حاولت اوضح له انها صدقه لي وله ولكن كان غير مقتنع في كلامي ....

وبعدها التزم الصمت ووداني للمطعم عشان وعده لي وعشاني ورجعنا البيت وبعدها يمكن جلس يومين ما يكلمني مصدوم من موقفي ومن تصرفي ولكن ولله الحمد عادت المياه لمجاريها ...


لكن المشكله ان صار للموقف هذا سنتين وزوجي يقول لي والله ماني قادر انسى الموضوع ولمن اتذكر الموقف هذا يجيني حزن شديييييييييد ويضيق خاطري ....


انا يا حبياتي يا بلقيسيات ابي انسي زوجي الموقف اللي صار وابيه ينسى سالفة الطقم ولكن ماني عارفه وشلون ..؟؟؟؟؟؟؟؟؟؟!!!!!!!!!!!!!!!

زوجي متأثر جدا من تصرفي ...

ومع ذلك والله مو مقصر معي بشي وانا والله اموت فيه ولكن ما ني عارفه كيف اتصرف عشان انسيه !!!!


سااااااااااااااااااااعدوني ولكم مني خالص الدعوات ​

 

[ملكة ببلقيس]

حبيبتي هو من كثر ما جاب تعبه وجهده
على شان يقدم لك الطقم
توقع منك انك تقومين بالحفاظ والاهتمام فيه
مو مشكلة اللي انتي سويتيه
لان الصدقة فضلها عظيم في قلبك على شان كذا انتي تصدقتي به
وبالنسبة لزوجك يحسبك تنازلتي عن اكبر شيء يعبر فيه عن حبه لك وهو الطقم
واكيد انه متهاون في شأن الصدقة
دورك الحين على شان ينسى اللي سويتيه
انك تصارحينه او الافضل انك ترسلين له رسالة على الجوال بيكون افضل
زوجي..
قد ايش كانت فرحتي بهديتك وماني قادرة انساها
على الرغم من انها مر عليها سنين
وانت تعرف فضل الصدقة وانو الشخص اذا اراد ان يتصدق فانه يخرج افضل ما عنده
وما كان افضل على قلبي من هديتك عندي على شان كذا انا اخرجتها لوجه الله
والله بيكتب لك الاجر انت اول لانك بذلت كل ما عندك
بسبيل اخراجها
وبيكتب لي الاجرانا بعد لاني اخرجت احسن ما عندي
ويمكن لو انها عندنا بتجلس شهور او سينين على الاكثر وبعدها نبي ننساها او نبيعها
لكن بما انها عند الله فهو مو ناسيها ويبي يكتب لنا اجر عليها
...........................
الله يوفقك الى الخير

 

[محرومه من زوجي]

المشكله حنا مو بعهد الصحابه,,,من المتوقع هذه الصدمه له,,يقول في نفسه جمعت الريال على الريال علشان رضاها واخر شي يروح لجمعيه,,لو

 

[وردة الحنون]

تصرفك حسااااااااااااااس
مالقيتي الا الهدية هذي
بس راحت
انا حزنت عليه

كلام مملكة ببلقيس حلو لتقنعينه به

 

[me~4~you]

قولي له لو غلط انا بعترف لكن هذا مو غلط انا اعطيت الاغاثه اغلى شي واهم شي عندي وكلي ثقه ان الله بعوضني خير عنه وماتدري يمكن هالموقف يشفع لي ولك في يوم يتمنى الواحد يلاقى حسنه او مخرج امام الله .. وقولي له انج مقدره كل لحظه فكرت فيني وهديتني شي تعبت عشان تقدمه لي ولاني غاليه عندك قدمت غالي ..وصدقني يوم برضي الله وثم انته انت الربحان .. والحمد لله اني مافرط في هديتك من اجل امور دنيويه لاثياب ولا سفر ولا شي بالعكس كان في شي سامي ومفروض تشجعني وتفرح ..وبمزحه قولي مفروض كل سنه طقم مو مره وخلاص خخخخ وسلامتج .

 

[أم الأقمـــــار]

حرااااااااااام عليك والله كسرتي خاطره

انا من رايي انك تقولين له انه عند اختك وانها تلبسه وبترجعه لك عشان ينبسط

والله انا لهم 12 سنه مابعتهم ولا تصدقت فيهم لانهم احسهم عزيزين على قلبي وخصوصا اللي يوم تخرجي

لو انا مكانها صحت اسبوع من الصدمه

والله كسر خاطري وماأتوقع فيه حاجه تنسيه

حاولي اذا معك مبلغ تجيبين زيه مهما كان عشان مشاعره

ترى فيه نوعيه من الرجال يحسبونها اساءه لهم ويشيلونها لك حتى ان بعضهم يتخذها حجه عليك

صديقتي مره زوجها تعبان ظهره وتقول يتشكى مو قادر ينام وانا كنت تعبانه قلت له انسدح على ظهرك ونام وتقوم ان شا الله الصبح زين ولفت ظهرها ونامت المسكينه

الحين لهم سبع سنين وهو كل ماتخانق معها قال انتي لفيتي ظهرك ونمتي وخليتيني وانا اتألم

لدرجة انه فكر يوم يتزوج عليها بس تراجع خخخخخخخخخخخخخخخخخخخخ

.
.


الله يهدي بالكم

 

[coffee]

قد ايش كانت فرحتي بهديتك وماني قادرة انساها
على الرغم من انها مر عليها سنين
وانت تعرف فضل الصدقة وانو الشخص اذا اراد ان يتصدق فانه يخرج افضل ما عنده
وما كان افضل على قلبي من هديتك عندي على شان كذا انا اخرجتها لوجه الله
والله بيكتب لك الاجر انت اول لانك بذلت كل ما عندك
بسبيل اخراجها
وبيكتب لي الاجرانا بعد لاني اخرجت احسن ما عندي
ويمكن لو انها عندنا بتجلس شهور او سينين على الاكثر وبعدها نبي ننساها او نبيعها
لكن بما انها عند الله فهو مو ناسيها ويبي يكتب لنا اجر عليها
...........................
هذا كلام مقنع انا معاها ...الي يبي يتصدق يتصدق باحسن شي عنده الله ييسر امرك انشالله بس زوجك شكله جنوبي وحساااااااااااااس من خاطر...الله ييسر امرك..

 

[coffee]

انا من رايي انك تقولين له انه عند اختك وانها تلبسه وبترجعه لك عشان ينبسط
لا اوافقك على هذا الكلام لان حبل الكذب قصيييييييييييييييييييييييييييييييييييييير

 

[نور كندا]

بصراحة لو تبرعتى بهدية امك او اختك كان افضل لكن بما انه يلى حصل حصل حاولى دائما تزكريه بفضل الصدقة والاجر العظيم عند الله ومع الوقت بينسى انشالله

 

[Dan Dan]

صراحه ما الومه مع احترامي الشديد لك

 

[آنسه بنفسجيه]

حبيبتي هو من كثر ما جاب تعبه وجهده
على شان يقدم لك الطقم
توقع منك انك تقومين بالحفاظ والاهتمام فيه
مو مشكلة اللي انتي سويتيه
لان الصدقة فضلها عظيم في قلبك على شان كذا انتي تصدقتي به
وبالنسبة لزوجك يحسبك تنازلتي عن اكبر شيء يعبر فيه عن حبه لك وهو الطقم
واكيد انه متهاون في شأن الصدقة
دورك الحين على شان ينسى اللي سويتيه
انك تصارحينه او الافضل انك ترسلين له رسالة على الجوال بيكون افضل
زوجي..
قد ايش كانت فرحتي بهديتك وماني قادرة انساها
على الرغم من انها مر عليها سنين
وانت تعرف فضل الصدقة وانو الشخص اذا اراد ان يتصدق فانه يخرج افضل ما عنده
وما كان افضل على قلبي من هديتك عندي على شان كذا انا اخرجتها لوجه الله
والله بيكتب لك الاجر انت اول لانك بذلت كل ما عندك
بسبيل اخراجها
وبيكتب لي الاجرانا بعد لاني اخرجت احسن ما عندي
ويمكن لو انها عندنا بتجلس شهور او سينين على الاكثر وبعدها نبي ننساها او نبيعها
لكن بما انها عند الله فهو مو ناسيها ويبي يكتب لنا اجر عليها
...........................
الله يوفقك الى الخير

عين العقل ماشاء الله

 

[*سندرلا زوجها*]

الصراحه معليش رفعتى ضغطى فضل الله واسع يعنى كنت تبرعتى باي شى غير الطقم ومن رآى انك ماتقولين عند اختى او امى باالفتره هذى لاجيبين سيره الطقم وروحي السوق الذهب دوري مثله واذا مالقيتى تقدرين تقلدين مثله (انا مثلا مقلدة على الاماس بس ذهب وطلع كأنه الماس)وخليك حريصه ترى مارررررررررررح ينسهى طوووووووول عمره صدقين

 

[^^ غرور أنثى ^^]

معليش ’’ تتبرعين بهديه زوجك الاولى لك ؟؟

والله احس انك ما تحبينه ,, انا انسرق من الطقم خاتم بس قعدت سنه اصيح

ما لقيتي الا الطقم تتبرعين فيه ؟؟؟ اي شي ثاني ’’ مو لازم ذهب لو 500 ريال ولا 100 ريال حتى ,, مو قاعدين ينتظرون طقمك ,, ومو انتي لحالك تبرعتي ,, انا تبرعت ,, بس مو اشياء عزيزه علي !!

غريب امرك ،،

 

[gara3]

ميخالف تبرعي فيها الله ايجاركم بس ما تقولينله حراام راح ايحس انه هديته مالها قيمه لا مادية ولا معنوية وذوقة مو حلو


انا لو بدالج اروحله وافتح الموضوع مره ثانيه وقوليله صراحه انا فشلانه منك لاني جذبت عليك بس غصبا عني ما عرفت شقول فاجئتني بالموضوع ، قوليله انه بنت خالج او رفيجتج او اي احد انتي اتشوفينها اتناسب الوضع شافتج مره لابسته ويننننت عليه ( حرام علشان يستانس) وخذته منج تبي تلبسها حق مناسبه بس ضاع او انباق او خدامتها باقته وانحاشت انتي شوفي قصة ، وانج واايد واايد زعلتي لانج تحبين الطقم لانه غاالي عليج وعاجبج وكل ما تلبسينه الحريم يمدحون فيه

وترى هذي يسمونها جذبه بيضه لانج حبيبتي كسرتي بخاطر ريلج وهوا ما يستاهل والله كسر خاطري

 

[الفارسه الحسناء]

شكرا على مروركم العطر...


وهو فعلا خاااااااااااااااطره منكسر من الموقف هذا واحيانا يجلس مسرح او يفكر اقوله وش فيك يقول لي بكل صراحه ( ماني قادر انسى كيف تنازلتي عن الطقم بكل سهوله )

انا بينت له اجر الصدقه وعظمتها وانه ما يحرم من الاجر واني لمن تصدقت بالطقم كانت نيتي في الاجر لي وله ....


والله محتاره

 

[واثقة]

اللي راح راح..

ويبي له فتره حتى ينسى..


المطلوب منك الحين اي هديه منه تحافظين عليها وتستخدمينها في كل مناسبه..


حتى تشيلين اللي في خاطره..


وباين ان زوجك عاطفي.. في كل مره يجي الموضوع على باله اعتذري منه وضميه وقولي مو عارفه وشلون اكفر اللي سويته..


خليه يحس انك حاسه فيه وحاسه بمشاعره..


لأنها قويه عليه يضيق على نفسه عشانك وعشان يفرحك وانتي تتنازلين عنه بكل سهوله...

 

[نايس هواوي]

ماادري وش اقولك بس الله يساعدك

 

[القطرات الندى]

صراحه ما الومه مع احترامي الشديد لك

 

[المتفائله بالله]

السلام عليكم يا اختي من عمل برضى الله وسخط الناس رضي الله ورضي الناس ومن عمل بسخط الله ورضى الناس سخط الله وسخط الناس فما عليك سيكون الله معكي وفي يوم من الايام سوف يشكركي ويكبر موقفكي والى الامام واثابكي الله واسعدكم في حياتكم الزوجيه

 

[**بحر الأمل**]

صرراحه من حقه يزعل وما اعتقد تقدرين تنسيه لان في الطقم هذاا تعب عشاان يجبلك اياااه انتي لماا تتعبين في الشي تنسينه مستحيل فالافضل انك تقنعيه ان الصدقه لهاا اجر عظيم عند الله ورااح يفتح عليكم وييسر امركم
هذااراي انشااء الله تتقبليه مني