طفلي .......و السهرات الليلية خخخخخ

[غراشيب]

دكتورة ولدي عمره 10 شهور ..
المفروض بعد ما يشبع حليب يرقد رقدة متواصلة على الأقل 4 ساعات او 5
هو يرضع رضاعته الساعه 10 مثلا .. الساعة 12 و نص أو قبل يقوم من الرقاد يوووعان
يرضع زيادة من صدري .. يرقد لحتى 2 .. يقوم بعدها و يرضع المرضعه كلها ..
__ لأنه صدري مب وايد فيه حليب .. خاصة أني ماأكل وايد .. فأساعده بصناعي ( سيميلاك غين بلس )__
يرقد و يقوم على 4 أو 5 .. يكون يوعان يشرب الحليب شرب .. مب أنه يبا يمص .. لو مالقا حليب يصيح..
و أنا خلاااص أكون مدوخة من التعب ..
أخته مالعوزتني كثره .. وايد متلعوزة وياه مب عارفة شو أسويه ..
و المشكلة أنه نحن بحجرة وحده ماقدر أطنشه و أخليه يصيح .. علشان مايزعج أبوه ..
ماعندي حجرة ثانية غير هالحجرة ..

شو رايج سوبر ناني.. ساعديني .. :icon1366:

 

[Pink Dove]

اختي طفلك عنده عشر شهور وما تطعميه الا الحليب فقط ؟؟؟ طبعا له حق يجوع ويقوم 100 مرة مش 4 او 5 بس

حبيبتي لازم تبدأي تطعميه اطعمه مفيدة وتشبعه .. لان الحليب ما يشبع الطفل بعد الشهر السادس والاطباء ينصحوا تغذية الطفل بعد الشهر السادس .. ان شاءالله اجيبلك نظام غذائي مفيد .. والله يعينك حبيبتي

 

[Pink Dove]

من الشهر الرابع وحتى الشهر السادس


يمكن البدء باعطاء صفار البيض والفواكه مثل التفاح و الموز و يكون البدء يدريجيا و تزاد المقادير تدريجيا و يجب ان تحل كل وجبة فواكه محل رضعة من رضعات الطفل و يتم توزيع الوجبات علىاليوم فيعطى التفاح صباحا مثلا و الفواكه الاخرى بعد الظهر و صفار البيض ليلا


من الشهر السادس و حتى الشهر الثامن


نبدأ هنا باعطاء السيريلاك اي مسحوق القمح و شوربة الخضار و مرق لحم الدجاج اضافة لما سبق


من الشهر الثامن وحتى عمر السنة


نبدأ هنا باعطاء بياض البيض مع الصفار و كذلك البسكويت بدلا من السيريلاك اضافة للاطعمة السابقة


سنة و ما فوق


و منذ عمر السنة وما بعد يمكن البدء باعطاء الطفل طعام العائلة العادي مع التذكير بانه من المفضل عدم اعطاء الطفل حليب البقر قبل عمر السنة خاصة للاطفال الذين يتحدرون من عائلة فيها سوابق للحساسية مثل الربو و الرشح التحسسي

 

[Miss-Dior]

حرام عليج يحليله معذبتنه ما تأكلينه عدل ما يشبع عشان كذه ...الغاليه لازم تعطين ولدج 3 وجبات فاليوم هذي الرئيسيه وتكون ((مهروسه)) الفطور والغداء والعشا اما فترة العصر عطيه مهلبيه او كاسترد فواكه لينه مثل الموز وبين هالوجبات الاربعه عطيه الحليب وشوفي كيف ما بيزعجك فالليل (ويفضل وجبة العشا تكون رز مع روب اذا كانت متأخره اما اذا قبل الساعه 7 فالليل عطيه شوربه ويفضل ان كانت شوربة عدس مثلا او بطاطا تضعين فالشوربه كمون عشان ما يعمله غازات اومغص ) وشوفي كيف رح تكون صحة ولدك ^_^ ولا تنسين الاعشاب اذا صحي بالليل ((شاي ميلوبا او نعناع او كمون او يانسون )) ...

 

[كيد النساء]

عزيزتي المفروض ينام بالليل 6 ساعات متواصلة على الاقل ..

اطعميه مثل ماقالوا الاخوات .. وحمميه قبل النوم ودهنيه بكريم ودفيه و نوميه ...

 

[غراشيب]

أنا كنت أطعمه قبل ..

و مادري نسيت سالفة الأكل .. و صرت أعطيه بس حليب ..


زين ذكرتوني ..

مشكووورات من قلبي

 

[غراشيب]

الحمدلله ..
استمريت على الوجبات الثلاث ..

و صار ينام بالليل ..



مشكورات للتنبيه ..

 

[Pink Dove]

يااااااربي .. كنتي ناسيه الاكل خخخخخخخخخخ تلاقي معدته الصغيره كانت تتألم ياعيييييييني .. الله يعينك والحمدلله طمنتينا عنه الله يحفظه لك