طفلي والكذب

[ربيع الايام]

السلام عليكم
طفلي عمره ست سنوات يدرس بالصف الاول
في طفولته كان مايكذب ابدا ابدا حتى لو يعرف انه راح يعاقب كان يقول الصدق هو كثير حركه ودايما يخرب واخته الاصغر منه يضربها دايما
لكن كانت فيه ميزه انه مايكذب حتى امي كانت تقول انه صادق كانت فيه ميزه الصدق الان يكذب بشكل مو طبيعي حتى اذا جاء يتكلم في اي موضوع مايحتاج انه يكذب فيه صاير يكذب انا شبه منفصله عن والده حاليا اول مره اكتشفت كذبه في رمضان اخذه ابوه هو واخته الصغيره مشوار ويوم رجع صاريقولي كلام عن ابوه في البدايه صدقته يقول بابا دق على زوجته وهاوشهها كلام كانه صادق ومع الوقت بالصدفه اكتشفت انه كاذب بصراحه انصدمت منه كيف انه يكذب لاني صرت اساله واساله وكل مره يختلف كلامه وعرفت انه كاذب الحين طايح يكذب بشكل موطبيعي ولايبان عليه ويلعب الدور صح يكذب في انه يقص قصص او اذا اخذ شي يقول ماخذته ولايبان عليه لين الاقيه في جيب الثوب حقه يعني ينكشف كذبه ويستمر يكذب يقول الثوب مولي يعني يكذب لاخر لحظه ويصر احيانا اقول انه يتخيل واحيانا اقول لامادري وش اسوي معه تعبت منه مره مره اخوانه صاروا من كثر مايكذب في اي سالفه حتى لوكانت بسيطه يقولون له كذاب كذاب خلاص ماعاد يصدقونه
عذرا للاطاله لكن ابي حل الله يجزاكم الجنه​