طفلي والصرع ... دكتورة ارجو المساعدة ؟؟

[هند بنت عتبة]

دكتورة الله يخليج ساعديني ؟!


انا طفلي معه الصرع السلامي slam attach وهو يتعالج عند دكتور مخ واعصاب وياخذ ادوية ديباكين و غير ماعرف ...

المشكلة ان اول ما اصاب ابني المرض منعوه من التطعيم وهو الان عمره سنتين ونصف ولم ياخذ غير تطعيم الثلاثي في عمر ال شهرين وبعدها لم ياخذ اي جرعة

انا سالت الدكتور وقال طعميه بس قوليلهم انه في صرع فراح يكون تركيبة الدواء غير

بس انا متخوفة م التطعيم ..


ياريت تساعديني دكتورة وتشورين علي ؟؟

 

[د/همسه هذيل]

السلام عليكم عزيزتي :
اولا الف سلامه على ولدك ما يشوف شر انشاءالله .. ثانيا الطفل الي عنده صرع يتعامل كأي طفل اخر بالنسبة للتطعيمات هو الخوف من التطعيم بس انه في بعض التطعيمات تسبب حرارة بعد اخذها و ممكن الحرارة تسوي تشنجات حراريه فتهيج النوبه الصرعيه و لكن يأخذ بعد التطعيم اللي يسوي حرارة باراسيتامول لمدة 24 ساعة بعد التطعيم لتجنب ارتفاع الحرارة وهم في الاول منعوه من التطعيم لحد ما تستقر الحاله و يتأكدو من نوع الصرع و يجعلونه تحت السيطرة لكن الان الحاله مستقرة و كل شئ تمام صحيح؟
اذن عادي يأخذ التطعيمات طبيعي بس زي ما قلتلك يأخذ بعد التطعيم خافض للحرارة .. التطعيمات اللي تسوي حرارة هي :
اشهر واحد و اكثرهم انتشارا تطعيم السعال الديكي و اللي يؤخذ مع الدفتيريا و الكزاز dpt
والتطعيم الثاني هو النكاف و الحصبه و الحصبه الالمانيه mmr
الباقي لم يسجلو اي حالات ارتفاع للحرارة .. فبس بعد ما يأخذ هذول تعطينه اي نوع باراسيتامول وان لم ترتفع الحرارة لاخذ الحيطه فقط ... سلامته انشاء الله .. و طمنيني عليه

 

[هند بنت عتبة]

تسلمين الغالية والله انج ريحتيني

خلاص ان شاء الله باجر اودي للتطعيم


مشكووورة وايد طمنتيني

 

[د/همسه هذيل]

يعطيك العافية .. لا تترددي بأي سؤال..