طفلتي تخاف من الموت

[نجمه مضئه]

السلام عليكم .كيفكم بلقسيات ؟؟ اول مره اكتب بالقسم هذاا اتمنى تساعدوني
بنت اختي عمرهاا 8سنوات مشكلتهاا تخاف من الموت بطريقه عجيبه يعني مثلا لو احد يقولهاا جعل اختك تموت او اخوك طول اليوم تبكي وتراقب تصرفات اخوانهاا لدرجه مره دعت وحده على امهاا بالموت والله اسبوع ماتنام احلام وبكي تخيلوا لو احد يمزح معاهاا من الصغار ويسوي نفسه ميت تتنكد طول اليوم بكي وماتنام اللي محيرنا انو ماتعرضت لموقف موت .ماادري اش السبب وكيف نتصرف معاهاا .هل تنوديها الطبيب ماادري اش الحل ارجوكم وضعهاا يخوف تكسر الخاطر ..

 

[مملكتي انا]

الله يطمن قلوبكم عليها وحاولي تسألين فيه مركز الاستشارات النفسيه عندهم اعتقد السبت والاحد تقدرين تستفسرين عن الي تبين من خلال الهاتف والي ترد عليك اخصائيه نفسيه

 

[واثقة]

لا تهملون الحاله حتى لا تتطور


ربما عندها الخوف من الفقد


قد تكون مرت بهذه المرحله



طفله من معارفي مرت بهذه المرحله وكان السبب ان امها تضعها في الحضانه وتذهب عنها وهي تبكي


فلازمها الشعور بالخوف من فقد من تحب حتى وهي كبيره.

 

[جيانة]

ويمكن قد شافت في التلفزيون مشاهد عن الموت00000او سمعت من احد قصة وأثرت فيها
بس حرااااااام تتركونها من غير استشارة أهل الاختصاص00
ضروري احد يشوف حالتها
وبالتوفيق

 

[بنت الشيبة]

بصراحة مع اني مب اختصاصية

بس ابتكرت حركة الرسم مع الطفل لمخاوفه و تصغير حجمها بنفسه بالرسم

مثال :

الرسوم و الأفلام لها تأثير اجرامي بصراحة على نفسية الطفل

ولدي عمره5 سنين

ما أدري وش المنظر اللي شافه بالتلفزيون و قبل عن ينام يقولي
ماما أنا خايف في وحش فبطني و ارح يفجره و يطلع الدم:icon1366:

وبعد ليلتين من الاجهاد و السهر

جلست وياه
وجبت دفتر رسم و ألوان

قلت له ارسم الوحش اللي فبطنك
قال انت رسمي
رسمت وحش بحجم النملة و شكله لطيف جدا
قلتله هذا الوحش اللي فبطنك ... حلو؟؟
قال وايد حلو
قلتله إذا شفته اضربه بالنعال عشان ما يدخل فبطن اخوانك
وبعدها ارتحت
طبعا الحوار كان أطول بس هذا المختصر

...........................

وعندي لك اقتراح
لا تخلونها بالليل تنام و الجو هادي لأنها بالمرحلة هذي الخيال واسع و لازم تشغلينه
خصوصا وقت النوم .. و أنا حاسه فيها .. لأني مريت بنفس المشكلة بعمرها

وكنت وايد خايفة لدرجة كنت أصلي و أقيم الليل .. تتخيلين:biggrin:
خلوها تنام على صوت التلفزيون وفي قنوات مفيدة ومرحة مثل طيور الجنة و براعم و الجزيرة للأطفال عشان تنشغل

إلى أن تتخلصون من هالمشكلة

وتدريجا ابعدون عنها التلفزيوعشان تنتظم بنومها و الله يعينها المسكينة

 

[دمعة المظلوم]

خل امهاا تحااورهااا ترى الحواار مهم جدا

والبنت راح ترتاح لامها وتعلمهااا سبب خوووفهااا

 

[رمرامة]

عندي فكرة ممكن تساعدكم ... تعالوا يوم تجمعو وسووا انفسكم مو منتبهين انها جالسة تتسمع وتكلموا عن الجنه ونعيمها طبعا لاتحاولون انكم تبينون انكم تتكلمون تبغونها تسمع لا خلوه كلام كبار وسووا كانكم مبسوطين وانتم تسولفون وقولوا والله الواحد احسن يموت ويرتاح من هالدنيا ويدخل الجنة ويرتاح

 

[نجمه مضئه]

الله يجزاكم خير ماقصرتوا معي الله يريح بالكم .