طريقة سهلة لتخزين الثوم

[راجيه الرضا]

دي اسهل طريقة لتخزين التوم:????????????????????



1-بنشتري التوم اخضر وقشرته طرية وده بيسهل علينا عملية التنضيف لانه ببساطة قشرته طرية والفصوص مكونتش قشرة لسه فبنقشره زي البصل بالظبط زي الصورة



2-بنقطعة اربع تربع او اكتر حسب حجم التوم ونفرمه في الكبة مع رشة زيت ورشة ملح زي الصورة




3-نحطة في اكياس ونفردها بحيث يكون سمكها رفيع عشان نقدر نكسر منه بسهولة لما يتجمد زي الصورة



4- نرص اكياس التوم طبقات فوق بعضها في علبة بلاستيك في الفريزر زي الصورة وبحطه في العلبة بعد مااكيسه عشان ميطلعش ريحة في الفريزر

ملحوظة
?????
*اهم حاجة عشان يفضل التوم محتفظ بلونه وريحته وطعمه نحطلة رشة زيت وملح وهو بيتفرم ومينفعش نطلع العلبة من الفريزر تفك ابدا بنكسر حته اد الاستخدام وندخله الفريزر علي طول من غير مايفك

*مش برمي العود الاخضر بقطعة صغير ولو فيه حتة ناشفة برميها وبفرمه مع فلفل اخضر ورشة زيت وملح وده بيبقي للمخللات وتتبيلة السمك والكبدة زي الصورة

معلومة احب اوضحها:
الكلام عن التوم المجمد انه بيسرطن وبيسمم والكلام ده كله طلع غلط جدا وملوش اساس من الصحة ومفيش نشرة علمية حقيقة مبنية علي اساس علمي اتكلمت في الموضوع ده ولاحتي صدرت من جهة رسمية محلية او اجنبية.. كلها اشاعات.. وده مش كلامي كذا خبير تغذية نفي الموضوع
وحتي لو في فعلا نوع بكتيريا بيبقي في التوم المجمد فاكيد بيموت بمجرد مايتعرض لحرارة عالية واحنا اغلب اكلنا بنحط التوم علي النار


منقووول

 

[زهر الاقحوان]

انا اقشره واضع ضمن اكياس بلاستيكية في الثلاجة واطحنه حسب الحاجة