2gether4ever
New member
- إنضم
- 2008/03/23
- المشاركات
- 5
مالي الا الله ثم انتم شوفولي حل احترت بحياتي معه وماودي احد من اهلي يتدخل بحياتي ويجبره يتعدل لأني سويتها معه بس ماستفدت وماشفت حل قدامي الا اني اجمع ملابسه بأكياس وقلت اطلع برا رح لأهلك وخلني بحالي...
لأني بالمسمى متزوجة لكن بالحقيقة أنا الرجال وأنا الحرمة في البيت يجي اكله جاهز ياكل ينام يلبس يطلع وهذي حياته عديم المسؤلية وشايف نفسه أروح أشتغل طول النهار وأجي تعبانة أدخل بابتسامة وهويكون طالع من دوامه قبلي وماخذله غفوة ومروق ولازم أقابله بالمثل كل شي ماقصرت معه فيه ولاحتى يملى عينه حتى الكلمة الطيبة ماأسمعها منه لايودي ولايجيب حتى لو بنته تعبانة يقول دبري نفسك شوفي أحد من أهلك والا اخوانك وهو فاضي وماعنده شي ،من يجي العصر يطلع واذا جا وقت العشاء جا ميت من الجوع يبي عشاه ومو أي عشا يرضى فيه ..وخميس وجمعه يولع فيتي يالله خلصي جمعي أغراضك أوديك لأهلك لاتربطوني معكم هذي فرصتي برتاح وبجلس مع ربعي على راحتي وهذي حياتي معه من 6سنين وياما مليت وقلتله انت رجال البيت مالنا غيرك مسؤول عنا انت اللي لازم تشوف التزاماتنا من طلعة من ترفيه من تغيير جو ..لكن كل ماأشوفه حتى بناته يتعبون قدامه ولايهتم يوديهم أقول لنفسي ليش أطالبه بكماليات وهو حتى أساسيات ماتصير معه...والله اني أطلبه أسافر وأحجز وأدفع ويكون حتى البنزين على حسابي بس عشان أطلع وأغير جو من الضغوطات اللي أعيشها وعمري مارجعت الا متنكدة من نفسه الشينه يصرف على البيت ومايقصر أبد..ويتوقع هذا بس واجبة وأنا متحملة مصروفي وبناتي الثلاث وراتب العاملة ونص الأجار معه وحتى السيارة مطلعة له جمعية وأسددها كل شهر من راتبي وعمري ماتمننت عليه بريال بس لو أطلبه شي يجيه الموت ومايقول ابشري ومع هذاماقصرت بحقوقه لكن هو مو راضي يعيش كزوج يبي يتم عزوبي ومايحس بالمسؤلية أبد ...الييييين انفجرت عليه وقلت اطلع من البيت ماعاد ابيك بحياتي وعطني ورقتي دامي ماخذه زوج بالإسم بس وغيرك هو اللي يوديني ويجيبني ويكفي ماشوف منك الا الكلام الشين والسب والشتيمة طول الوقت...
حياتي معه مُرررررة وماحسيت بحبه لي أبد مع أني أحبه علشان كذا ماراح اتحمل مسألة أنفصل عنه وودي بس يتعدل ويشوف بيته مليت من هالحياة واللي سويته كان ردة فعل مدري أنا أخطيت وإلا ما أنلام يوم طردته وأدري عزة نفسه ماراح تخليه يرجع بس جربت كل الطرق وصبرت أكثر من اللازم شورو علي ياخواتي وش الحل ولاتقولون أكلمه وأتناقش معه اللي عندي ماعنده أسلوب ولايعرف يناقش ودايم يحب يهرب ومايواجه أبي شوركم ودعواتكم تكفووووووووون
لأني بالمسمى متزوجة لكن بالحقيقة أنا الرجال وأنا الحرمة في البيت يجي اكله جاهز ياكل ينام يلبس يطلع وهذي حياته عديم المسؤلية وشايف نفسه أروح أشتغل طول النهار وأجي تعبانة أدخل بابتسامة وهويكون طالع من دوامه قبلي وماخذله غفوة ومروق ولازم أقابله بالمثل كل شي ماقصرت معه فيه ولاحتى يملى عينه حتى الكلمة الطيبة ماأسمعها منه لايودي ولايجيب حتى لو بنته تعبانة يقول دبري نفسك شوفي أحد من أهلك والا اخوانك وهو فاضي وماعنده شي ،من يجي العصر يطلع واذا جا وقت العشاء جا ميت من الجوع يبي عشاه ومو أي عشا يرضى فيه ..وخميس وجمعه يولع فيتي يالله خلصي جمعي أغراضك أوديك لأهلك لاتربطوني معكم هذي فرصتي برتاح وبجلس مع ربعي على راحتي وهذي حياتي معه من 6سنين وياما مليت وقلتله انت رجال البيت مالنا غيرك مسؤول عنا انت اللي لازم تشوف التزاماتنا من طلعة من ترفيه من تغيير جو ..لكن كل ماأشوفه حتى بناته يتعبون قدامه ولايهتم يوديهم أقول لنفسي ليش أطالبه بكماليات وهو حتى أساسيات ماتصير معه...والله اني أطلبه أسافر وأحجز وأدفع ويكون حتى البنزين على حسابي بس عشان أطلع وأغير جو من الضغوطات اللي أعيشها وعمري مارجعت الا متنكدة من نفسه الشينه يصرف على البيت ومايقصر أبد..ويتوقع هذا بس واجبة وأنا متحملة مصروفي وبناتي الثلاث وراتب العاملة ونص الأجار معه وحتى السيارة مطلعة له جمعية وأسددها كل شهر من راتبي وعمري ماتمننت عليه بريال بس لو أطلبه شي يجيه الموت ومايقول ابشري ومع هذاماقصرت بحقوقه لكن هو مو راضي يعيش كزوج يبي يتم عزوبي ومايحس بالمسؤلية أبد ...الييييين انفجرت عليه وقلت اطلع من البيت ماعاد ابيك بحياتي وعطني ورقتي دامي ماخذه زوج بالإسم بس وغيرك هو اللي يوديني ويجيبني ويكفي ماشوف منك الا الكلام الشين والسب والشتيمة طول الوقت...
حياتي معه مُرررررة وماحسيت بحبه لي أبد مع أني أحبه علشان كذا ماراح اتحمل مسألة أنفصل عنه وودي بس يتعدل ويشوف بيته مليت من هالحياة واللي سويته كان ردة فعل مدري أنا أخطيت وإلا ما أنلام يوم طردته وأدري عزة نفسه ماراح تخليه يرجع بس جربت كل الطرق وصبرت أكثر من اللازم شورو علي ياخواتي وش الحل ولاتقولون أكلمه وأتناقش معه اللي عندي ماعنده أسلوب ولايعرف يناقش ودايم يحب يهرب ومايواجه أبي شوركم ودعواتكم تكفووووووووون
