طالبة استشارتكم

[اتمنى اكون ملكة]

السلام عليكم

شخباركم يا حلوات ، ان شاء الله بخير وعافيه بغيت اسألكن وتنصحني باللي ينير دربي ، انا بصراحة صارلي شهر اعامل الكل بالمجاملات فقط!!!!!! ولقيت الكل يعاملني بالمجاملة بعد!!!!!!!!!

الذيب (عمي ابو زوجي) صار مثل الهرة في تعامله معاي !!!! و(عمتي ام زوجي ) اللي يطلق عليها الاقارب (العفريته) صارت تعاملني بلطافة تضحك وتسولف معاي وتكلمني وتحاول تتقرب مني ولدرجة انها بدأت تفضفضلي!!!!
(زوجة اخ زوجي الكبير) اللي كانت تسعى انها تسويلي مشاكل وتخرب حياتي الزوجية الحين صارت تبتسم لي وتكلمني بطريقة غير وتتقربلي لدرجة انها اخذت هدايا للبيبي اللي انتظره !!!!!
زوجي الخائن الكذاب اللي كنت ما اطيق اشوفه ، من عاملته بمجاملات جابلي هديتين طقم ذهب واخر موديل ايفون ، وغير انه صار كل شوي يتصلي عشان يطمن علي !!!!!


المهم ...... قبل كم يوم صارتلي مشكلة مع زوجي ، كنت تعبانه ويالسة انتظر الخادمة تنظف الغرفة فرجع حضرته من الدوام بشكل مفاجئ وبموعد قبل موعد رجوعه بساعتين.. ولاحظ الخادمة تنظف فقمت وقلتله لين تخلص خذلك شاور عطيته الفوطة وابتسم لي وراح يسبح بعدما خلص دخل الغرفة وقالي :
<< انتي ماتهتمين بشي وما بتتغيرين وانتي مصلحجية وطول عمرج بتمين (بتبقين) مصلحجية !!!! >>
مارديت عليه طنشته انصدمت من كلامه بس فالنهاية قلت الكل يعاملني بهالطريقة وقت اللي اكون طيبة واضحك واتكلم وياهم يعاملوني بجفا وبعبوس ولا يعطوني ويه واذا عاملتهم مثلما يعاملوني يضحكون لي وينادوني تعالي ويبتسمون لي وانا اكون عابسة ومبوزة وما اعطيهم ويه ! يعني معاملتهم واولهم بو شنب هذا مبنية ع مصلحة ، فانا بعد بجامل لكن مصلحتي هي ان ماتصيرلي مشاكل..

سؤالي الحين :
انا احس الحين اني منافقه نمبر ون وهالشي مب حلو اني اعيش وانا اعرف الكل يجاملني وانا اجاملهم! فشو تشوفون في حالي الحين ؟ استمر ع هالشي ؟ ارجع ع طبيعتي ؟ وبو شنب كيف اعامله؟

 

[أم عمر العمانية]

تصدقي أمس كنت أفكر فيك
طولتي الغيبة

كيفك مع الدورة؟
يبدو إنك استفدتي وبديتي تشوفي نتائج الدورة عالواقع
بس ما أظن اللي تعمليه مجامله كثر ماهو تطنيش وترفع عن الأشياء التافهة
لأن اهتماماتك تغيرت وماصرت تفكري كيف أرضي فلان وعلان
وأنا أنصحك تستمري وتشغلي نفسك فيما يفيد

 

[اتمنى اكون ملكة]

تصدقي أمس كنت أفكر فيك
طولتي الغيبة

كيفك مع الدورة؟
يبدو إنك استفدتي وبديتي تشوفي نتائج الدورة عالواقع
بس ما أظن اللي تعمليه مجامله كثر ماهو تطنيش وترفع عن الأشياء التافهة
لأن اهتماماتك تغيرت وماصرت تفكري كيف أرضي فلان وعلان
وأنا أنصحك تستمري وتشغلي نفسك فيما يفيد

هلا اختي ام عمر ، انا بخير الحمدلله حبيبتي طمنيني عليج ..

انا متابعة الدورة الحمدلله .. خصصت يوم محدد في الفترة الصباحية من كل اسبوع للدورة ادخل واقرا واحل التدريبات ، الحمدلله شوي ارتاحت نفسيتي بمتابعتي الدورة ..

صح كلامج انا ابد ما قمت افكر ارضي حد ، احس ان انا الوحيدة اللي تستاهل وغيري لا ..
وما قمت اهتم بالاشياء التافهة قمت اشغل نفسي ان ما لقيت شي ايلس اسمع وانصت لعمتي او عمي واقول بقلبي كبار بالعمر محتاجين احد ينصت لهم ويسولف ويسمعلهم، وما قمت اعتمد على زوجي او اي شخص فالبيت عشان يسعدني او يكلمني او يهتم فيني ، بالذات زوجي ، اهتم بالامور اللي واجب علي اسويها وبسسسسس

وضعي مع اهل زوجي ناجح الحين ماعندي مشاكل الحمدلله وبالذات من زوجة اخو زوجي الوحيدة بين الكل اللي تحاول وبكل جهد انها تدمر حياتي الزوجية..
اما زوجي الوضع مادري كيف بصراحة !