ضوابط فترة الخطبة

[راجيه الرضا]

-ضوابط فتره الخطوبه .

?الخطوبه ما هي الا وعد بالزواج
قبل الخطوبه في رؤيه شرعيه لازم العريس يروح للعروسه ويشوفها كويس كويس جدا لحد ما يقتنع ويرتاح وهي كذلك .
ضوابط الخطوبة لازم أن يكون متفق عليها بين المخطوبين في البدايه ل منع حدوث خلاف بعد ذلك( يعني كل واحد عامل ل نفسه اعتبارات وبعدين يتفاجئ بحاجه تانيه خالص )

مينفعش الجلوس مع الخطيب بدون محرم ( لازم باباكي او اخوكي الكبير لحد كتب الكتاب)
الخطوبة ليست للحب ،الخطوبه ما هي الا سوء اختبار ل أفكار وميول وشخصيه كل فرد ل يتعرفوا هل ينفع نكمل ولا لا؟
بلاش الدنيا تبقي بامبي اوي ونبدا نتغافل علي حاجات مش عجبنا ومش هنعرف نكمل فيها بس بنتغافل عشان لازم نكمل مع بعض مبقناش قادرين نعيش منغير بعض ،نحاول نتجنب الشعور ده الفتره دي بذات من أصعب الأوقات اللي بيمر بيها الشخص الفاهم المدرك ل أصول الحياة صح هي الفترة دي .

ل اسئله ومناقشات تكون بشكل اعتيادي (لا منفره ولا ميوعه وتساهل الاعتدال حلو )

غص البصر فرض في الخطوبة على فكرة (فرض عليك وعليها)
مش معني إنكم اتخطبتوا يبقى تطلقوا البصر .. لأ لازم كل واحد يغض بصره عن التاني "أتأملوا السجاد بيكون حلو أحسن ما تاخدوا ذنوب ويكون ليها عواقب مش كويسة "
ودي نقطة هتعرفوها طول الخطوبة يا تري هو بيغض بصره عامةً ولا لأ .. هيدخل يقعد في مكان يكشف منه البيت كله ولا هيقعد في مكان ميجرحش البيت!!
دي كلها ملاحظات بتاخدوها على بعض من غير كلام خالص
وغض البصرفرض?

مينفعش التعبير عن المشاعر من اي طرف (يعني كلام حبيبي وحبيبتي مينفعش مينفعش نكنسل ونهدا علي نفسنا لحد كتب الكتاب هيكون ليها طعم تاني اقسم بالله "الحلال طعم مختلف " الخطوبه مش هي الحلال )

هتتخطبوا زي المتجوزين متزعلوش لما تتجوزوا زي المطالقين ( ما عند الله لا يؤتي إلا بطاعته ) (امير منير)

تتكلموا في حاجة مباحة من الكلام ..تتفقوا على الشقة والالوان والديكورات ..والشغل والدراسة تتعرفوا اللى قدامكم بيتعامل ازاى مع الناس واسلوبه .. وحياتكم ماشية إزاى وهتمشوها إزاى بعد الزواج

اية العبادات اللى بتعملوها ..واللى عايزين تثبتوا عليها ..وازاي تقربوا من غير رومانسيه ( بلاش بلاش اصل هو بيصحني عشان الفجر اصل بنسمع ل بعض القران بلاش الله يهديكم تقدري تحفظي وتعملي كل ده مع حد من صحابك لحد ما تتجوزا احفظوا براحتكم ) العبادات وانتوا بتتفقوا عليها يكون جد وبحدود ومافيش حاجة أسمها رومانسية إسلامية في الخطوبة

التليفون للضرورة وقدام محرم

وبلااااش ننسي انا طاعتك لربنا في الخطوبه هتخلي ربنا يباركلك في حياتك بعد الزوج .
بلاش موبيليات وتس وفيس ابعدوا عن الميديا كلها بالله عليكم .
بلاش نستعجل في كتب الكتاب غير لما يكون في راحه علي الاقل بنسبه ٩٥ في الميه .
اوعي احضان الخطوبه اللي بقت منتشره علي الميديا والتساهل في حفلات الخطوبه تنسيكم ان
(قال رسول الله صلى الله عليه وسلم( لأن يطعن في رأس أحدكم بمخيط من حديد خير له من أن يمس امرأة لا تحل له" ))
بلا شغل التجمل في الخطوبه وان كل طرف بيظهر احسن ما عنده ويخبي صورتة الحقيقة ده اسمه خداع ياريت نعيش بطبعتنا اللي هنشوف بعض بيها في الزواج ٢٤ ساعه .
الخطوبه مش دباديب وقلوب وهدايا ومكالمات فقط الخطوبه ما هي الا التعريف علي الشخصية اللي هكمل حياتي معاها ،بلاش نخليها تاخد كيرف تاني مش لونها .
مينفعش تخرجي مع خطيبك منغير محرم .
بلاش لو اهلك متفقين معاه علي حاجة مثلا زي انك متتكلموش غير في وجود حد من الاهل او انكم تخرجوا او أي حاجه زي كدا ،تروحي انتي من وراهم وتعملي اللي في مزاجك وتخوني ثقة اهلك فيكي ،هتنزلي من نظره هو أول حاجه تاني حاجه هيراجع نفسه كتير جدا جدا جدا انه يكمل معاكي ولالا انتي خونتي ثقة اهلك مش هتخوني ثقته هو وبيته اللي هيامنك عليه ،بلاش ترخصي نفسك وهم اهلك عزينك .

إذا كنتي منتقبه مختمره تقعدي معاه بنقابك وخمارك هو شافك اول مره في الرؤيه الشرعيه ووافق عليكي خلاص .
لبسك الواسع بلاش كل ما يجي اكنك عرض ليه احتفظي بحيائك ي اختي .
ماعند الله لا يؤتي الا بطاعته
من استعجل بشئ قبل اونه عوقبه بحرمانه

خطيبك مش حلالك .
#وسام #عمران
#