ضعـي سؤالك هنــا

[قـطـريـة]

الله يجزاكم خير انا في ورطة عويصة بالنسبة لي


كنت كاتبة ملفات بالوورد


وبغيت ارسلها


فضغطت عليها يالماوس يمين واخترت ارسال الى واخترت مستلم البريد


ولا ادري وين راحت اللي تعرف ترد


الله يفرجها لكم من اوسع ابوابه ​

اختي في كذا خيار

ممكن تلاقينها على سطح المكتب
أو
تلقينها في المستندات
أو
تلقينها على شكل ملف ضغط من نفس المكان الي ارسلتيها منه
أو
روحي على البحث من قائمه ابدأ واكتبي اسم الملف وهو يقولج وينه ^_^

بالتوفيق

 

[قـطـريـة]

السلام عليكم

الله يعطيك العافيه ابغى ايميل الاستاذه ناعمه الهاشمي

الله يجز خير اللي ترد

اختي ارسلي رسالة للادارة وعلميهم بطلبج وان شاء الله يلبونه لج

 

[الحنان الضايع]

برنامج فيستا

كمبيوتري المحمول نوع إل جي فيه ويندوز فيستا حاولت إني أنزل الورد2007 أوفيس لكن مافي فايدة
أو حتى أي برنامج ثاني ما أقدر أنزل أي برنامج
ساعدوني الله يفتح عليكم

 

[ضَوءْ]

والله ماعندي خلفيه عن الفيستا ان شاء الله البنات مايقصرون معك

 

[أنثى وردية]

ابي حل

اهلين يابلقيسات الحاسوب ..
انا عندي مشكلة ببرنامج الانتي فايروس وهذي المشكلة هنا موجود مع صور توضح المشكلة بالضبط ..

http://www.niswh.com/vb/showthread.php?t=114026

وابي اسئله هذا البرنامج اللي عندي زين ولا احذفه لاني احس انه خربوطي
عندي برنامج الافيرا يقول بابي انه ممتاز جدا ..احذف البرنامج اللي عندي وانزله ولا في حل للمشكلة وشكرااا ..

 

[أنثى وردية]

اهلين يابلقيسات الحاسوب :
انا لاب توبي أل جي ويندز أكس بي ..وماله شهرين شاريته .. وبرنامجه الحمايه هو اللي كاتبته قبل هنا ..
سؤالي ولا عليكم امر..
اول كان الاب توب سرررررريع ويفتح من البدايه على طول ..اللحين صااااار بطيئ ويالله ينفتح وكلمة مرحبا تجلس لها شوي على بال مايفتح .. والله ماكان كذا ..
مع اني شلت كل اللي فيه من صور ومجلدات وحطيتها بهاردسك خارجي .. ونفس المشكلة ..
عندي شاشة توقف اللي على شكل مطر وبروووق تجنن شكلها .. يمكن هي اللي مثقلة الجهاز ؟ لو هي حذفت والدينها بس اهم شي جهازي يرجع زي اول ..
طولت عليكم ..
تحياتي ..

 

[أنثى وردية]

ودي انبهه الاخوات اللي تبي تنزل برنامج لمكافحة الفيروسات لازم وضروري تحذف البرنامج الاول وتتاكد انه انحذف ويمكن تحذفه عن طريق برنامج حذف البرامج من جذورها .. واذا انحذف سوي ريد ستارت للجهاز وبعدين نزلي البرنامج الجديد اللي تبين ..
تقبلوا لقافتي بس احس انه ضروري هالشي (يازين الاحساس بس )
عندي البرنامج ياليتك ياقطريه تعلميني كيف انزله للبنات علشان يستفيدون منه ..

 

[قـطـريـة]

ودي انبهه الاخوات اللي تبي تنزل برنامج لمكافحة الفيروسات لازم وضروري تحذف البرنامج الاول وتتاكد انه انحذف ويمكن تحذفه عن طريق برنامج حذف البرامج من جذورها .. واذا انحذف سوي ريد ستارت للجهاز وبعدين نزلي البرنامج الجديد اللي تبين ..
تقبلوا لقافتي بس احس انه ضروري هالشي (يازين الاحساس بس )
عندي البرنامج ياليتك ياقطريه تعلميني كيف انزله للبنات علشان يستفيدون منه ..

اهلين اختي

طريقة تنزيل البرنامج نفس طريقة تنزيل الصور

يعني حمليه بموقع تحميل وانسخي الرابط الي يعطيج اياه وحطيه بالمنتدى

وبالتوفيق للجميع

 

[قـطـريـة]

كمبيوتري المحمول نوع إل جي فيه ويندوز فيستا حاولت إني أنزل الورد2007 أوفيس لكن مافي فايدة
أو حتى أي برنامج ثاني ما أقدر أنزل أي برنامج
ساعدوني الله يفتح عليكم

اختي هل فيه رسالة معينه تظهر لج وقت تحملين الاوفيس او البرامج ؟؟

 

[أنثى وردية]

بنات ابي اغير صورتي الرمزيه وكل ما حاولت يقول غير قادر على حفظ الصورة ؟؟؟ لماذااااا .. انا كنت اسوي نفس طريقتي دايم وعادي يحفظها ..

والله يجزاكم خير ويختم لنا ولكم بحس الخاتمة ..

 

[كاتلوج بترفلاي]

السلام عليكم ورحمة الله وبركاته
انا شريت لاب توب جديد وتوني مامداني اتهنيت فيه

المهم نزلت عليه برامج الحماية AVG ودخلت على الجوجل ادور على موقع اميتاب باتشن الممثل الهندي لأنه زوجي يحب افلامه المهم فتحت رابط من الروابط اللي تعرضتلي ....

وبعدين طلعلي تحذير من برنامج ال AVG وضغطت على I AGNOOR وبعدين طلعتلي صفحة مكتوب عليه بالانجليزي انه في هكر اخترق جهازك وماركزت من اللبكة

وعلى طول قفلتها واللي أذكره انه الصفحة كانت مرة مرتبة .....ايش يعني دا الكلام هل هي مزحه ؟؟ولا احد اخترق جهازي ...
فهموني الله يجزاكم خير​

 

[كاتلوج بترفلاي]

يوجد لدي في القائمة أكثر من 100 شخص كيف اقوم بتنظيف الماسنجر ؟؟يعني اللي حاذفني احذفه انا كمان ... بطريقة سريعة

؟؟؟؟؟

 

[قـطـريـة]

يوجد لدي في القائمة أكثر من 100 شخص كيف اقوم بتنظيف الماسنجر ؟؟يعني اللي حاذفني احذفه انا كمان ... بطريقة سريعة

؟؟؟؟؟

مري عليهم واحد واحد وحطي حذف لهم ^_^

خلي احد من العائله يساعدج

بالتوفيق

 

[قـطـريـة]

بنات ابي اغير صورتي الرمزيه وكل ما حاولت يقول غير قادر على حفظ الصورة ؟؟؟ لماذااااا .. انا كنت اسوي نفس طريقتي دايم وعادي يحفظها ..

والله يجزاكم خير ويختم لنا ولكم بحس الخاتمة ..

اختي احذفي الصورة الرمزيه القديمه بالاول

وبعدها حملي الجديده

ويمكن اذا كانت الصوره كبيره ما يحملها لج فجربي انتي صوره صغيره وشوفي