zzmmaa
New member
- إنضم
- 2008/12/19
- المشاركات
- 459
وصلني على البريدي للأهمية
بلييييييييز اتفاعلو معانا والله والله (طموحنا الخير يدوم)متحمسين اكتر شي
إلهي يا منقذ الغرقى ويا منجي الهلكى ويا شاهد كل نجوى وياسامع كل شكوى
يا كاشف الضر والبلوى
يا قديم الاحسان يا دائم المعروف يا الله يا ذا الجلال والإكرام وياذا الفضل والنعام أمنن عليا
يا إلهي بجلال اكرامك وتفضل عليا بعظيم نعمك و إنعامك
اللهم اني اعوذ بك من الهم والحزن والعجز والكسل واعوذ بك من الجبن والبخل
واعوذ بك من غلبة الدين وقهر الرجال
السلام عليكم ورحمة الله وبركاته
الحمله دي بعنوان
طموحنا الخير يدووووم
انا بنت عمري 17 سنه واسمي رفيف فكرت انا وصحبتي روان ومعانا صاحباتنا
انو تكون هادي الحمله جديه
الي نبغاه منكم انكم تساعدونا ونكون يد وحده ونكون قروب كامل عشان يدوم الخير ويكتر
انتو عارفين انو نحنا في شهر الخير
فكرنا انو نحنا نجيب ملابس عندنا في الدولاب قديمه او مانلبسها
ونحطها في اكياس بشكل حلو عشان تكون كسوة عيد للمحتاجين
والله ياجماعه في ناس منجد منجد محتاجين لدرجه ماتتخيلوها
حقلكم على حكايه سارت معايا امكن تهزكم زي ماهزتني
دقت على ماما حرمه تبغى صدقه وكدا ولما جات الحرمه دي جابت معاها بنتها والبنت تقريبا كانت في سني
حبيت البنت عشانها طيبه مره وعشان اكسر حاجز الاحراج اللي هيا فيه وسرت اتكلم معاها
ومدري ليش سالتها انتو فين تصلو العيد عشان اشوفك قالت هنا في المصلى حق الحي قلتلها غريبه ماقد شفتك
اغلبية الناس اعرفهم سكتت البنت ورخرت راسها في الارض((الله يبعدنا وايكم انو ننزل راسنا في الارض))استغربت اشبها وقالتلي وهيا الحسره ماليه قلبها
نحنا سته بنات وماعندنا
7
7
7
7
الا وحده عبايه
وكل سنه وحده تروح مننا وارخص عبايه ب50 ريال ونحنا مو لاقين ناكل كيف نشتري لينا السته عبي والسنه دي دور اختي
انا وقتها من الصدمه سكت اللين ماخرجت البنت من عندنا
يالله جلست اقول كم عبايه عندي 1 2 3 4 5 6 7 او اكتر
ماعمري فكرت انو في ناس لدي الدرجه محتاجين
ياربي سامحني كنت اقدر اسعدهم بشي بسيط
الحمد لله يارب على النعمه الي نحنا فيها الحمد الله اغنيتنا عن السؤال
الله يخليكم ترى طلبي مو كتير
لو عندكم ملابس قديمه حتى لو مقطعه وما تتلبس نحنا مستعدين نغسلها ونخيطها ونحطها في اكياس حلوه
ونوزعها على الناس المحتاجه عشان يفرحو بيها زي مانحنا نفرح
اتخيلو لو انتو في مكانهم اتخيلو لو كل الناس الي حولهم لابسين جديد وهما لا
للأسف الفقر والحاجه منعتهم يكونو زينا نلاقيهم جالسين في البيت من الفشله والحسره
كيف يطلعو بملابس قديمه وعيدهم مو عيد يمكن يكون هم ونكد وحسره
على حالهم
وطلبي لكم لو عندكم اي حاجه اي حاجه
ملابس قديمه
جزم الله يكرمكم مخزنه في لدولاب ما اتلبست الا كم مره
مناشف
العاب اطفال
احزمه
شنط
فلوس
تياب
اشمغه
فساتين
اي شي اي حاااااااااااااااااجه
حتى لو ادعيه او مطويات جالسه لها سنين في الدرج برضو خير
لو تكون ابسط من البسيطه وقيمتها ريال في من ياخدها
امانه لاتبخلو عليهم بالفرحه باأشياء ماتعني لكم اي حاجه
والله الذي لا إله إلا هوا كل شي راح يوصل لنا راح نعطيه للناس المحتاجه له
وزي ماقال حبينا محمد عليه افضل الصلاة والسلام (( حب لاخيك ماتحب لنفسك )) وكمان (( من فرج عن مسلم كربه فرج الله عنه كربه من كرب يوم القيامه )) وقوله ((اتقو النار ولو بشق تمره ))
ولا تنسو اننا افضل امه اخرجت لناس
هدفنا انو اهل مكه اطهر بقعه على وجه الارض
كلهم يكونو فرحانين
وإنشاء الله ينتهي رمضان ونكون وزعنا كل الي يجينا من صدقه
وزي مايقول اخونا وقدوتنا الاستاذ احمد الشقيري (( نحن لا ندعي الكمال بس نحاول نكون كاملين ))) والكمال لله عز وجل اكيد
ولوسمحتو حاولو قد ماتقدرو انو الرساله توصل لاكبر عدد ممكن من الناس الي ساكننين في مكه شرفها الله....وكل واحد يقرا الرساله يكلم اهلو اصحابو اي احد
واذا حابين الخير يدوووووووم
راسلونا على [email protected]
الايميل على طول اون لاين
بليييز الجديين يدخلو بلاشي تعارف وهبل زايد بليييييييييييز الحمله دي خاصه لاهل مكة شباب وبنات مكه
لاتنسو تمررو الرساله اكيد مافي احد مايبغى الخير
يدووووووم
اسال الله العلي القدير ان يجمعني وايكم في جنات عرضها السموات والارض
ودعوتكم لي لأطفالي ولزوجي
