ضربي المستمرلطفلتي

ش

شمعه البيت

New member
إنضم
2010/02/08
المشاركات
2
السلام عليكم
بختصر الموضوع وبقول مشكلتي مع عصبيتي الزايده عن حدها
بعدست سنوات من الزواج انجبت بنتي الله يحفضها ويهديها يارب
مشكلتي مااتحمل صراخها اوحركتها الزايده من عمرها شهور
وانا اصرخ عليها بصوت عالي واضربها وكفوف وغيره
وحملت عليها برغبه من ابوها وعمرها عشرشهوروالان عمرها
سنتين ومايمر يوم من دون صراخ وضرب:blow:
واقل شي يكدرني احط حرتي فيها وهي عنيده
مابي احديدعي علي ابيكم تدعون لي بالهدايه وتعطوني حل
 
انا كنت زيك وسارت البنت عنيده وماتحس بضرب واحس انها تكرهني بس حاولي تتحمليها الحمدالله انا تغيرت ماصرت اضربها لما تسوي غلط احرمها من شي تحبه او اخليها في مكان معين واقولها هذا المكان للي مو شاطر انتي صلي وادعيلها الله يهديها وحاولي يكون عندك صبر
 
الله يهديك يا اختي احمدي ربك على الذريه غيرك محروم وانتي تخيلي نفسك مكانها امك كل يوم تضربك :( وانتي ادعي ربك يحننك عليها لاحول ولاقوة الابالله.. والله كسرتي خاطري
 
الله يكون بالعون لاني اعاني من نفس المشكله الله يساعدنا يارب
 
اذا كنتي تبين تخسرين بنتج من البدايه استمري بهل الاسلوب لان النتايج بتكون ماتسر

البنت بتتعقد الضرب مب ع كل حركه هذي ياهل والياهل حركته زايده هل الايام وانتي باسلوبج بتبنين فيها شخصية ضعيفه وبتقل ثقتها بنفسها مع الايام والسنيين

بنتج صادقيها حبيها دلعيها بس بحدود

اذا تبين تحلين هل المشكله خصصي لها يوم في الاسبوع تاخذينها للالعاب حديقه البحر اي مكان المهم تغير جو

قبل النوم اقري لها قصه واحتضنيها وحبيها وقولي انتي بنتي الحلوه انتي بنتي الشطوره خليها تبوسج قبل النوم اهتمي فيها اكثر واكثر والعقاب يكون بدايه بالتنبيه وبعدين الضرب لشي يستاهل الضرب وانا ما افضل ضرب الاطفال فهل السن

واي سلوك ايجابي امدحيها عليه لو قاعده وهاديه واتابع كرتون حبيها قوليلها انتي بنتي الشطوره فديت اللي تسمع كلام ماما...

خذيلها العاب اعتمدي الاسلوب الايجابي وسيطري على اعصابج باي طريقه عندج الاسترخاء وايد مفيد....
 
يااارب أهديش وهديني مسكينه بنتي الكبيره دايم أعصب عليها ولاأستحملها أف مني ومن تصرفاتي أي شي أحط حرتي فيها الله يهدينا ونصير حنونات ياااااااااااااااااااااارب
 
الله يهاديكم كلكم
تخيلي زوجك يعاملك مثل ما تعاملينها ترين؟؟

مثل ما تحبين زوجك يعاملك عامليها
وقولي هي امانه وطالعه من عندك يا لقبرها او لزوجها فاكسبيها لصفك

واحسني تربيتا
انا مجربه وعندي اولاد وبنت والله مطلعين عيوني اصرخ عليهم بس اخر شي اسويه الضرب
والله ما يزيدهم الا عناد وتمرد

وخلي الضرب للشيء القوي عشان تحس انها غلانه

بعدين توها صغيره حرام عليك ما تفهم
هذا السن تبيك تلعبين معاها وتسولفين وتنشدين وترقين معاها

اعتبريها عروسه او لعبه عندك واهتمي بشكلها دائما ترتاح نفسيتها ونفسيتك

والله يهدينا وياكم يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل