ضربني ورحت لاهلي وبيتزوج..

عزت علي نفسي

عزت علي نفسي

New member
إنضم
2007/08/21
المشاركات
58
مساااء الخير اخواتي العضواات....
انا ضربني زوجي ورحت لاهلي وصارلي عندهم حوالي 10 ايام
واخت زوجي دايما تكلمني لانها قريبه مني احيانا نطلع انا وياها نتمشى
المهم امس داقه تقول ابيك ضروري اني انا زايره اهلي وتقول ان زوجي ماراح يجي ياخذني لو اجلس عند اهلي سنين اللي وداني يجيبني وانه بيتزوج يقول ماعندي حرمه بالبيت وانا ابي حرمه ...
واننا متفقين ماتطلع من البيت من دون شوري وش مايصير ..طبعا ماتفقنا بس مارديت عليها قلت عقله براسه يعرف خلاصه اذا هو بيبدلني بوحده ثانيه كيفه ماراح اوقف بطريقه اذا هو مرخصني كذاا..
وانا بصراحه ضاييقه الدنيا فيني ودي انام شهور واذا صحيت مالقى الآم تعبانه بس مومبينه لهم مبينه قويه وماهمني وانا مقدر اكل اللقمه فراقه مو سهل لاني مستحيل ارجعله بعدمايتزوج بس الله يكتب اللي فيه الخير...
انتم شرايكم؟...
 
سلامات-- ليه ضربك ماوضحتي السبب؟
عموما اذا الي بينكم اكبركلميه وتفاهموا
وأخته مهما كانت تحبك تحب اخوها اكثرهذا طبيعي جدا
وحتى لو تنازلتي وتفاهمتوا عادي بعد ماتعلقينه فيك خذي حقك منه
ونصيحة لاتدخلين احد بينكم لا اخته ولا يحزنون

موضوعك مو واضح مرة بس صدقيني اذا هو طيب ويستاهل واحسن من غيره تنازلي وغيروا طريقتكم مع بعض
وترا احتمال كبير هذا تهديد بس وهو عارف انه بيوصلك فلا تخلين احد بينكم
وربي يهدي نفوسكم ويلم شملكم
 
يــــــــــــاذكيه زوجك يحبك.... من كلامه إنه بيتزوج وهو أكيد عارف أن أخته بتنقلك الكلام .... عشان تغارين وتخافين على بيتك وبترجعين له .... إذا كان أسباب الضرب هينه ... وكان غير مبرح روحي لزوجك يابنت الحلال ... الطلاق مر ... وكل البيوت فيها مشاكل بس ماتنحل بهالطريقه ... أتمنى من الله أن يصلح أمرك وأمري وأمر خواتي المسلمات \ آمين
 
حرب الأحساس قال:
سلامات-- ليه ضربك ماوضحتي السبب؟
عموما اذا الي بينكم اكبركلميه وتفاهموا
وأخته مهما كانت تحبك تحب اخوها اكثرهذا طبيعي جدا
وحتى لو تنازلتي وتفاهمتوا عادي بعد ماتعلقينه فيك خذي حقك منه
ونصيحة لاتدخلين احد بينكم لا اخته ولا يحزنون

موضوعك مو واضح مرة بس صدقيني اذا هو طيب ويستاهل واحسن من غيره تنازلي وغيروا طريقتكم مع بعض
وترا احتمال كبير هذا تهديد بس وهو عارف انه بيوصلك فلا تخلين احد بينكم
وربي يهدي نفوسكم ويلم شملكم
أنقر للتوسيع...

كلامك صح حرب الاحساس
وضحي اكثر قصتك سبب ضربك وكيف رحتي لاهلك
 
اختي الخاينه قد كتبت موضوع عن ضربه لي قبل هالموضوع مو ضرب عادي واسبابه تافهه وموو اول مره يضربني اه والله اني تعبانه
 
الله يعينج حبيبتي,
بس عطي نفسك فرصه,
ان جاء وحاول يراضيكي عطيه وجه,
وحسيسي أخته أنج لسه تريدينه,
 
الله يهديه ان شاء الله ويهدي الجميع

اطلبي له الهداية واستغفري كثير

وارجعي بيتج الغالية مالج الابيت ريلج
 
دام انك تحبينه عطي نفسك فرصه اخييييييييييره وارجعي بيتك
الله يصلح مابينكم وترى الطلاق صعب
هذا رأيي وانتي ادرى بحالك وظروفك
 
المهم امس داقه تقول ابيك ضروري اني انا زايره اهلي وتقول ان زوجي ماراح يجي ياخذني لو اجلس عند اهلي سنين
أنقر للتوسيع...


هذي خطه حتى ترجعين..


عليك بالدعاء
 
قبل عشرين سنه طلعت زوجة اخوي ومعها طفلها من بيته قال اللي وداها يجيبها كان يحبها وتحبه وانتظرها ومارجعت والنتيجه= تزوج وتركها تلوم نفسها -الله يرحمه توفى بعد 10سنوات من فراقها وهي للان ماتزوجت تبغى تتزوجه في الجنه ان شاء الله لاتغلطي غلطتها والمسامح كريم
 
زي ماقالو البنات

ارجعي له ولو كرر ضربه لك لو ضرب خفيف اتركيه لأنه راح يتعود على ضربك وإهانتك وبقول هذي ماعندها سند ولا أهل تعز عليهم بنتهم ..

 
الله يصبرك حبيبتي ويملى قلبك بحب وطاعة الرحمن
ياقلبي اي حب هذا اللي يضربك ضرب مبرح على قولتك وبدون سبب وتبين ترجعين له وهو هاينك اعرف بيقولوا لك كثير اصبري وهذي مو اهانه زوج ويادب زوجته بس انا لا والف لا ضد هذا العنف والتسلط على الحرمه عشانها ضعيفه لاحول لها ولا قوه وقت ماتصير تحت يده احفظي مابقى من كرامتك ياقلبي وخليك في بيت اهلك يبيك يجيك ويراضيك وانتي حبيبتي بترضين تعيشين مع واحد يحب اللف والدوران حتى يوم فكر يرجعك ارسل مراسيل الله يصبر قلبك والدنيا ياقلبي مثل مافيها الشين فيها الزين واذا ربي كاتب لك تكملين معه بتكملين لو انتي بالمريخ بيوصلك واذا مو لك راح ياحبيبتي اللي اغلى منه وكملنا حياتنا
واسفه عالاطاله
 
برأيي خلي أخته توصل له أنك يترجعيله لكن بشروط
يتعهد أمام الله أنه ما يرفع يده عليكي ول يهينك
موفقة
 
وكل من ضربها زوجها طمرت لأهلها ؟؟؟؟

اذا مانتحمل ونصبر وشلون نصير حريم وراعيات بيوت ؟؟؟؟







حبيبتي : وش مصلحة اخته انها تغثكـ بها الكلام ؟ اللي يحب شخص ماينقله الا اللي يسر الخاطر ؟
 
والله اذا تحبينه رديله ومره ثانيه لاتطلعين بروحج خل اهو يوديج عند اهلج عشان مثل ماطلعج يردج

لا وتردين بشروطج حزتها

ردي بس لا تسلمينه نفسج وادبيه من غير تبينيله يعني تعبانه خل يفرفر عليج
 
اختي له ثلاث سنين يضربني ومارحت لاهلي من قال اني اطمر لبتهم اول مايضربني بس مع الوةقت بدا يتمادى بضربه لي يصير فيني كدمات واخر مرره ضربني ضرب ماقد فكرت بحياتي انه بيصير لي عشان كذا طقت كبدي ورحت لاهلي انا ابي ردود تفيدني مو تستهزيء فيني
 
مشكووره اختي الخاينه اعتقد ان رايك هو الصح انا صبرت كثير وهو تمادى ماقدرلي صبري
يضربني ولا يعتذر يزعل بعد ويطلع من البيت ويتركني كم يوم لحالي
 
اختي تقولين خليه هو يوديك لبيت اهلك
هو يبيني عنده زي الحماره يضربني واذاا قلت بروح لاهلي بدا يهدد ويتوعد ومايبي اروح اهدا شوي عندهم واريح اعصابي
اضطهاد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل