صييييح.....لاني احب نفسي اكثر منك!!!

[HTYM]

مرحبا خواتي...انا عضوة يديدة عليكم...
بس كنت اتابعكم من سنة و نص..ودايما اراقب مواضيعكم اللي نفعتني وااايد...
و اقولها بصوووووت عالي:
شكرااااا من قلبي لكل وحده قريت لها موضوع ساعدني في حياتي الزوجية للافضل..
والله يجازيكم عني خير الجزاء....

انا ام لثلاث اطفال حلوين بنت و ولدين...
متزوجة من 5 سنوات...تجربتي مثل تجربة اي وحده تعرظت لخيانة من زوجها لسبب بسيط...هو حملي و ولادتي المتكرر..

انا الحين عمري 28..جميلة جدا و لله الحمد..جامعية و اجتماعية و شخصيتي طيبة جدا و مرحة جدا...
لاحظت على زوجي التغيير بعد حملي ببنتي اللي حملت فيها بعد ولادتي لودي البكر ب4 اشهر!!!
قامت تزيد سفراته مع ربعه...و سيراته للفجيرة للغوص...و كامبينج و مزارع وميالس...
لين نسيت هالريال كيف شكله(مابالغ صدق نسيت شكله لاني اساسا كنت استحي احد عيني في عينه)
كنت في الشهر الثاني من حملي ببنتي...
اشوف تيلفونه يرن، مره...مرتين...ثالث!!!! 10
مرات!!! كان يرن بإلحاح!!!
خفت يكون حد من الاهل و شي مستوي... رديت..... هدوووووووء!!!! ألوووووو؟؟؟....ألوووووو؟؟؟و الطرف الثاني ساكت!!! و سكرت...رديت و شفت الرقم، هذا رقم بيت!!!!
رديت اتصلت!!! محد رد...مرة...مرتين...ثلاث...!!! محد يرد.

ترييته لين رد البيت، و سألته: رقم منو هذا؟؟؟
طبعا احساسه بالخوف الشديد اللي سببه سلوكه الخاطئ خلاه يرتبك و بدون اي احساس مد يده و صفعني بشدة طحت عقب عالارض و رفسني في بطني بقوه!!!!
قمت...و وقفت!!! و ماصحت!!!و بكل ثقه قلتله: لاتظرب وتصفح الشريفه عشان خاطر بنت(.......) ماتسوى ثرريلي....
دفرته بكل قوتي و سحبت شنطة كانت فالكبت...وقمت افرفر ملابسي فيها....وهو يهدد ان طلعتي من البيت مالج رده!!!
سكرت الشنطة و صديت اواجهه...و قلتله: انا خذتك و انا ما اعرفك...وماسمحتلي الفرصة من تزوجتك لين اليوم اني اتعرف عليك اكثر...!!! و اذا معرفتي لك يحصل من وراها قلة احترام وانعدام للحشمة وقلب مكسور...فجهلي بك افضل عندي مليون مرة من معرفتي فيك!!
انصدم و قالي: باخذ ولدي و مابخليج اتشوفينه!!!
قلتله: من صووووووبك!!! و يووووم اللي بيي ولدي عندي، وحياتك بيكون بأمر من المحكمة و أنته اللي بتييبه!!!

يوم شاف ان التهديد ماينفع معايه قالي: ياحرمة اعقلي؟!!
ظحكت...وظحكت و هو مستغرب مني؟!!!
سألني: ليش تظحكين؟ قلتله: تبا تعرف؟!!
قالي هيه!!....
قلتله: لان الحرمة العاقل هيه اللي ينقص مقدارها وتنهان كرامتها لانها بكل بساطة حشيم....بس مثل ماقلتلك انا ماعرفك؟!!...وانته ماتعرفني؟!!....وأنا براووويك الحشيم يوم تعقل شوووتسوي!!!
قالي: شو يعني تتحريني بخليج تظهرين...وكيف بتروحين بوظبي؟؟؟
قلتله: مايهمك الحين بييني اخويه وبياخذني.....
ركظ وقفل الباب و شل المفتاح وفراه فوق الكبت!!!!
قالي يلسي "يابنت" بكلمج....قعدت اطالعه لاول مرة اطالعه ويطالعني و ماكسرت عيني!!!!
لين صد عني و سحب الشنطة ونزلها عالارض....
اشرلي بيده على اسرير و قالي تعالي اقعدي عدالي!!!
سحبت كرسي التسريحة و قعدت مجابلتنه وعيني في عينه....نعم!!!شوعندك؟!!!

وللحديث بقية.......

 

[UmmRashid]

حرمة
والله انج حشيم

كملي اختي ...نترياج

 

[Miis]

ياعيني هذولا الحريم ولابلاااااش

كملي ياحلووه متابعتك

 

[دفء الجليد]

تبردين الكبد كملي معاااااااااااااااااااااك

 

[الليالي]

الله يصلحكم
اللهم ردة اليها رداا جميلا
الله يكون بعونك يا الغلا

 

[بقايا حُلم..]

الله يساعدش ..
يلا حبيتي كملي ننتظرش..

 

[ورده زمرديه]

والله خطيره

 

[سيدة الحور]

والله انك سنافيه وبنت رجال والله الله من هالقوه الحين الرجال ماينفع معهم الطيبه خليك قويه لكن بدلع

 

[كيان إمرأة]

كملي حبيبتي

 

[أريسا]

كملي الله يسعدك
ماشاء الله عليج

 

[هند السعد]

الصراحه اول قصه احس فيها قوة للمراه روعه متى البقيه

 

[خدود حمراء]

حرام عليكم لا تخربون المره

 

[عجايب]

ماشاءلله تبارك الرحمن عليك وربي عجبني اسلوبك اللي سويتيه مع زوجك

كملي انتظر البقيه.,..

 

[HTYM]

شكرا خواتي على التفاعل!!!

المهم...قعدت اناظرة و سألته: شوعندك؟؟؟
قالي: انا اسفة مادري شو ياني عصبت عليج ومديت يدي وانتي حامل...
قلتله: لأ!! انته اسف بس تدري ليش عصبت و مديت يدك وانا حامل!!! فلا تقول مادري لأني مابصدقك!!
قالي صدقيني هذي حرمه عووووده معانا فالدوام كانت تباني اساعدها في موظوع..وهي انسانه فقيرة و مطلقة وعندها ولد ...وو!!!
قلتله: بس لا تكمل!!! يوووم بتحيدني سألتك عن القرحة ودواها...خلاف اقعد و فسر على كيفك...
أساسا ماهميتني في يوم لأني ماحسيت بمشاعر انجذاب من ناحيتك.... ولا بتهمني الحين!
هو فاتح عيونه و ثمه عالآخر...مش مصدق ان ام عياله اللي قاعده تتكلم...الانسانه الرقيقة الطيبة المسالمة...اللي مايسمع عالسانه غير روح الله يحفظك والله يوفجك...وماتطلب ريال عشان ماتكلف عليه وتكدر خاطره....!!!!
قالي: مستحيل تكونين انتي حرمتي!!! انتي امبدله!!! من متى ترفعين عينج وحسج وانتي تكلميني..؟!!
ابتسمت...و قربت الكرسي منه و تقربت من جسمه لين وصلت عدال ويهه...و ارتكزت بيدي على ريوله...!!
قلتله بصوت خافت: ليش؟! متى اخر مرة قعدت فيها معايه واتكلمنا في شي يخصني ويخصك عشان الحين تستغرب من تصرفاتي معاك؟!!....أساسا انته تعرف انا منو؟!
عقب ابتسمت و قلتله: يا خسارتك...تعرف ليش؟!!
cause you will never know
مااااااااااات....هلككككككككككككك!!!!
قمت و خذت الموبايل مالي ودخلت الحمام
قعد يدق باب الحمام و يقولي: اطلعي....ادري انج بدقين لخوج عشان ياخذج...بس اللي بيخليج يا بنت...!!! (((لاحظوا انه للمرة الثانية يقولي يابنت...وانا مستانسة...لانه من تزوجني كله يناديني يا أمي...وكنت اتظايج...)))

طبعا اختكم فالحمام ساكته...بس كنت اتمتم على اساس اتكلم فالموبايل...و عقب اظحك...!!!
لين بغى يكسر عليه الباب!!!

فتحت الباب ولا هو ساحب الموبايل عني بالقوة...يطالع فالارقام....طلعت انا تكرمون من الحمام و دخلت الكبت...بدلت و لبست قميص نوم كركمي و فليت شعري....طلعت و يلست جدام التسريحة و و تعطرت و انا اغني(على فكرة صوتي حلو وااايد وكنت من جماعة الانشاد فالجامعه)..سويت هذا كله وهو فاتح عيونه مش مصدق اللي يشوفه جدامه....شفته يتخاتل ورايه ووقف يطالع..!!!

قالي: تدرين انج واااايد حلوة!!! لأ... جذابة!!! كأني اشوفج لأول مرة في حياتي!!
قلتله: و تدري انك بترقد فالغرفه الثانية الليله...لأن الخاين ماله مكان في حجرتي...ويالله شل فراشك و اطلع!!
قالي: يالله عاد ام خلووووف...والله محد يسواااج!!
قلتله: و الله ادري انه محد يسواني...و بذات انته...ولأني احب نفسي وااااايد و اتعز عليه وااااايد أقولك....برررررع!!!
قالي: انزين انا اسفة و الله!!! انا حمار اللي ماقدر الالماس وأساويه بالرماد...!!
قلتله: as if I care
هنيييه:مسك يدي و تم يحببها و يقول: دخيلج عاده لاتعذبيني اكثر...والله ترى بصيح...!!
سحبت يدي و قلتلك: اذا كنت بتصيح على شي...فلاتصيح على عنادي و عدم مسامحتي لك....صيح لانك في يوم رظيت اتمد يدك على حرمتك لجل وحده ماتسواها!!!
قال: شو يريحج؟!! تبيني اقطعها لج!!! انزين اصفعيني...وبهالطريقة بنتساوى!!!
عطيته نظرة احتقار...وخذت الموسده وفراش كان الكبت...و فريتهم عند الباب...
قلتله: المفتاح اللي فريته فوق فالكبت...اتييبه..ويالله افتح الباب وفارج رجاءا.....لاني برقد تعبانه!!

و طفيت الليت ورقدت...وهو واااافق يمكن ربع ساعة فالظلمة...اسمعه مثل اللي يصيح...و فتح ليت الكبت و خذ المفتاح...و سار الغرفة الثانية!!!

و للحديث بقية.....

 

[أمووورة]

ههههههههههههههه
والله عجبتني شجاعتج بالحيييييل

 

[أمووورة]

ننتظرج يا بطل

 

[احلام المستحيل]

كملي قصتك ارجوووووووووووك

 

[أحلى رواضي]

كملي الغاليه اترياج

 

[هجووووووورة]

ماشالله عليج

 

[$بسمه أمل$]

نترياج<<تحمست هههههه