صررررررررررررراحة جدااااا مقهورة حسبي الله ونعم الوكيل

[المواجهه]

أنا زوجة ثانية وطبعا اهلي ساكنين بنفس البلد , أما زوجته أهلها بالديرة وتضطر تروحلهم كل سنة اسبوعين بس هالمرة صارت شهر :sadwalk:طبعا زوجي مشتاق لعياله كثير.... المهم انا طبعا اروح لأهلي احيانا أيام وأنام عندهم ولما أرجع لبيتي ما يعوضني زوجي على الايام اللي قضاها عندها بحكم إني أنا إللي تخلت عن أيامها ... ومع الوقت اقتنعت بكلامه... طبعا تسألوا وين المشكلة؟؟؟ المشكلة الحين أنها جاية اليوم وهو قالي روحي لأهلك كم يوم اللين ما يجي موعد زواج احد اقاربه وارجع البيت ... طبعا انقهرت :icon28: وقلتله ماني رايحة ويومي بتجيني مثل ما تسوي معاي تسوي معاها .. فقال عاادي خليكي بالبيت وانا راح اجلس عندهم يومين..... حسبي الله ونعم الوكيل قسم بالله حاسة بضعف كبير وعجز كوني يتيمة وهو يهددني دايما بالطلاق او الزوجة الثالثة؟؟؟
دلوووووووني ويش اسوي؟؟ اسمع كلامه واروح لبيت اهلي الين موعد الزواج ... أو اعاند وأجلس ببيتي وأطالب بكامل حقوقي..
تكفوووووووون النصيحة.....

 

[برآءة]

والله يابنت الناس انت مآخذه حقوقك وازود...وبعدين لما تروح هي لأهلها اسبوعين..انتي عنده... خلاص خليه يعوضها ...
ومسألة الغيره والانانيه تخلصي منها..مدامك اخذتي رجال متزوج تحملي اللي يجيك وسدي حلقك..وان تزوج ثالثه عادي هاذي انتي تزوجتيه على الاولى.....

 

[برآءة]

وبعدين احسبي طلعاتك في السنه لأهلك اللي قريب منك...وحاسدتها عشانها تروح اسبوعين في السنه؟؟؟
خافي ربك واتقيه وخلي الفتن ..

 

[كنوزالارض]

ماعندي رد

الله يهديكم

 

[المواجهه]

انا عمري ما حسدتها وإذا قعدت سنة وانا ويش دخلني؟؟... أنا مابي إلا العدل وهذا شي مذكور بالقرآن ... كمان أنا لما أذخذت رجل متزوج اشترطت عليه العدل بينا... وأنا دايما أنام عندي أهلي أيام وأحيانا شهرين بسبب الولادة ومرة ثلاث أسابيع وما قد عوضني بل العكس بمجرد ينتهي يومي يكون يومها بعدين...... أما الحين طالع بشغلة أنك روحي لبيت أهلك لأني بكون مشغول بالسوق معاهم

 

[بقعة ضوء]

وما الحب إلا للحبيب الأولي

شكله يحبها ,, اريح لراسك روحي عند أهلك وإذا مالك نفس قعدي ببيتك وبعيالك وخليه يسوي اللي يبيه

رب العباد راح يحاسبه على عدم عدله بينكم ,,

ريحي بالك ولا تفكري به ,,

 

[مستمعه]

الشكوى لغير الله مذله يابعد عيني وش تسوين ان عاندتي صارت مشكله وكله واحد يبي يطنشك ويبي ينام عندهم
لكن تكوني بكرامتك عند اهلك اهوون بس حاولي دااااائما شد انتبااااهه لج
وتعرفيم المره الاولى دائماا هي الاولى بكل شي
الله يوووفقج ويسخرلج ولا تصيرين حنااانه نصيحه من اخت تحبج
اكسبيه بالود والحنااان
تقبلي مروووري

 

[قلب ألماس]

اختي معاكي حق تطالبين بأنه يعدل بينكم ولكن لو كان هالشي راح يسبب مشاكل بينكم فاقصري الشر وخليه على راحته لاتجبرينه على شي
بعدين هي غابت شهر وهو هالمده كان عندك مستكثره عليها يروح لها يومين
نصيحتي لك اتركيه براحته وعشان تكسبينه احرصي يلقى عندك راحة البال والاهتمام والدلال مو النكد على شي مايستاهل

 

[نور الشرقيه]

مدامك تخذتي رجل متزوج تحملي الاولي تكون طلبتها اكتر لكثر العيال ويكفي انك ذبحتيها وحرقتي قلبها حقها

 

[flower^_^]

والله يابنت الناس انت مآخذه حقوقك وازود...وبعدين لما تروح هي لأهلها اسبوعين..انتي عنده... خلاص خليه يعوضها ...
ومسألة الغيره والانانيه تخلصي منها..مدامك اخذتي رجال متزوج تحملي اللي يجيك وسدي حلقك..وان تزوج ثالثه عادي هاذي انتي تزوجتيه على الاولى.....​

هههههههههههههههههههههههههههههههههههههههه


الله يقطع ابليسج ضحكتيني


المهم انا عن نفسي بيلس بالبيت (وبطرش له مسجات عن العدل ومرات مسجات حب )والله يهدية

 

[نسيان الصمت]

اصبري ووكلي أمرك لله سبحانه وتعالى ، كونك الزوجه الثانيه اذن الموضوع لابد ان يكون فيه تضحيات وصبر وطولة بال ، وعدم الاستعجال ، فالصبر مفتاح الفرج ...
واكثري من الدعاء ولا تعصي كلام زوجك حتى لاتخسريه للابد ويكون لح حجه ليجلس مع الزوجه الاولى على طول ويستغني عنك ..
فاصبري وطالبي بحقك والعدل بينكما ، ولكن بحكمه وهدوء حتى لايغضب ويتركك ... وفقك ربي

 

[غرشوبة راشد]

الله يكووووووووووووووووووووووووووووون بعونج
بس حقج لا تتنازلين عنه ابداااااااااا
مدام سفرها لاهلها هو بنفسه خليه يسفرج بنفسه للديره اللي تبينهاااااا

 

[البيت السعيد**]

آنا ما أشوف إن السالفة تستدعي كل هذا،

حبابة

إنتي مكبرة السالفة،

حرام مسكينة إسبوعين في السنة،

وهالشهر طولت، وهو أخذ راحته معاج شهر بطول وعرض،

وبيكون معاها بس يومين،

وإنتي قلتيها بنفسج،

مشتااااق إلى عياله،

يمكن يبي يكون عند عياله مدة أطول،

وبعد في شي،

خليهم يعدون هاليومين،

يعني معقولة بتجي الزوجة الأولى وبتطالب ريلها يقعد معاها شهر، لأنها كانت غايبة؟!

أكيد لا،

لا تكبرين المسألة، والله يوفقكم ويسهل عليكم

 

[نعومه كول]

والله انتي غريبه وانانيه بعد انتي جيتي على حرمه وماتبينه ياخذ عليك ليه الحرمه اللي انتي جيتي عليها ماتحس؟؟
وانتي تحسين ولا حلال انك تتزوجيه زوجه ثانيه وحرام تجي عليك زوجه ثالثه من انتي احسن من الاولى في ايش؟

 

[jowree]

انتي يا اختي لما تزوجتي الرجال تدرين انه عنده زوجة و عيال و اهما لهم حق لانهم عايلتة الاولى
و مهما يكون اهما عشرة عمر

 

[ياسمينه]

يااختي خليك ذكية الرجال المعدد ، ترا بعض الأحيان يحب يلوي الذراع

يعني سويتي علية نكد يروح للأولى ، عشان يقهرك بعض الرجال كذا ، احسن تاخذين الأمور بالسياسة

يعني مثلا خلية يجيك عشان مشتقالك ، مو عشان يومي وكذا ، لان مااينفع معاه ....

واحسني المعاملة ، واسلوبك معاه خلية حلو ، ولاتقرقرين واجد على راسة وخلية لما يجي عندك يرتاح

ولاتتكلمين عن حرمة الأولى بسوء ، ولاعن عيالة ، إلا بكل خير

وشوفي راح تجي النتيجة كيف ؟!

الرجال من هذا النوع - يكون بطران شوي - ويدور راحته عند الحرمة الاولى او الثانية -

يعني لاتفتحين مواويل عن العدل وغيرة وحقي ، وليلتي ، لانه يطنش ...ويدور الف سبب يطلعك غلطانه

لكن لو خليتيه يجي مشتاق لك ، انت الكسبانه

وهذه نصيحتي لك ياقلبي

 

[RedRose]

انا رائي تجلسين في بيتك ,, وتقولين له روح عندها يومين بس انا بجلس ببيتي

مو حلو يتعود الزوج ان زوجته تنام في بيت اهلها

وصفي قلبك ,, ولا تزعلين نفسك عشان رجال لانهم ما يستاهلون

وبالتوفيق

 

[الزوجه الثانيه]

والله عليكي بالصبر
لانك لو تكلمتي انها مسالة حقوق راح يروح وغصب عنك ومو برضاكي
ولو رضيتي راح يروح لانو بكيفو
ولو حسستيه بعدم رضاكي باسلوب حسن يعني بطريقه تبينى ضعفك راح يروح
القصد من كلامي وعن تجربه
في اي مره تشعرين فيها بالظلم قوليله انا حاسه انك ظلمتني وما ابغاك تظلمني لكن سوي اللي يريحك وربنا مطلع
بس مره وحده ولا تعيدين عليه السالفه ويسوي اللي يبغا
وانتي حره اللي تبغيه سويه
مثل هذي المشكله قوليله
انت سوي اللي يريحك ومالك خص فيني
انا اعرف كيف اقضي وقتي اروح لاهلي والا اقعد في بيتي مالك شغل
ومع السلامه
اهم شي اذا راح لها اعتبريه سافر وكانو مو موجود وهولا يدري عن تصرفاتك وايش قررتي​

 

[تووب سكرت]

***********************

 

[حبيبة قلبة]

الله يهديجن
هية مسكينة تبي النصيحة منجن شو هالتهجم
خلن معجن اسلوب عشان جية أزواجن يتزوجو عليجن

فديتج أخذي زوجج بالسياسة وخلية يروح وبروحة بيشتاج لج وبيرجع لج

وبعد انا بكون زوجة ثانية ادعي لي يا الغلا