السلام عليكم ورحمة الله وبركاته
يمكن من زود الالم اللي احسه فكرت افضفض لاحد قبل يصير فيني شي واموت من القهرر
واقصد بالقهرر اللي يلازمني من صغري !!
من طفولتي وانا متعلقه بابوي ولاني كنت طفله كثير لما كانو يخيروني بين حب امي وابوي كنت اقول بالمجالس اني احب ابوي اكثر لاني كنت دلوعه ابوي حييل وكل شي اطلبه مجاااب عندي
ولكن من دخلت المدرسه وانا الاحظ ان امي تضربني وماكانت تضربني بيدها كان اي شي جنبها تضربني فيه لما يخرج ابوي للعمل لاني كنت ارفض اروح المدرسه وكنت لحظتها محتاجه لحنانها ولصدرها تهديني .. طبيعي اي طفل يرفض المدرسه ببدايته واكيد راح يكون فيه مليون طريقه علشان نحبب طفل بالمدرسه غير الضرب !!
والمصيبه لما كنت بالابتدائي مره نسيت كتاب وكان بنفس اليوم ضربتني امي الصباح ولما كلمتها المدرسه قدام البنات كانت تبي تفتح مريولي علشان تفرج المدرسه على ظهري وكيف ضربتني !!
ماكانت بصفي ابداً ماكانت تحميني !! كنت استغرب تصرفتها مع اني بنت متفوقه الحمد الله
ماعرف كيف اشرح لكم مشكلتي ..
انا بنت محرومه من حنان امهااا محرومه من خوفها علي
اشوف كل البنات اللي كبري لما يصير لبنتهم شي يصيرون كنهم وحوش علشان يحمون بناتهم اما انااا فانا دايم غلطانه دايم ماتتشرف فيني دايم ماتتشرف فيني داايم تقول خليك مثل فلانه وفلانه شوفي كيف يترززون بالمجالس علشان يتزوجون مو انتي مستحيه ومالك حس
عمري اقل من 24 سنه وتعاملني كأني عانس بالبيت .. لما اقولها امي شوفي صرت اطول منك وشوفي جسمي صار حلوو تقولي الحمد الله زواج وتزوجت وعيال وجبت الباقي عليك انتي عمرك بروح وانتي قاعده
اكرههااااااااااااا وبنفس الوقت اخاف ربي فيها .. صرت ارمي كلام عليها ولانها تصرف علي واقولها هذه القطعه تجنن تقولي مو حلوه ولا تناسبك وهي تشتري لنفسها وتقول هذه فلووسي كيفي فيها ،،
صرت من كثر ماشوف منهااااااااا وابي امسك نفسي صرت ابكي لمخدتي بالليل علشان ماحد يسمعني صرت اتمنى الموت علشان ارتاح .. صرت اجرح نفسي علشان احس بالالم وانسى المها اللي سببته بداخلي !!
مايهمني الزواج عمر الزوج ماكان كل شي بالحياه .. بس صرت اتمناه علشان ارتااااااااح من همي معها ابي اسافر بعيد واريحها مني ابي يوم موتي اشوفها قبل اموت واقولها ارتحتي اللحين لما تشوفيني بموووت
عندي امنيه بحياتي ابي اشوف نفسي وانا طفله واضمهاااا على صدري ابي اشوف هالشي لو بلحظه مووووتي ابيها تصيح وتصيح وانااا اللي اضمهااااا وابوسها واهديهااا، ابي اشوف ضحكتها بس
في بناااااااات يتمنون الام معاهم وهم فاقدينهم بحياتهم انا امي عايشه وتقتلني كل يوم واتمنى لها تعيش بس مابي اكون بنتهااااا
اللي اقوله قطره من بحر بس واثقه ان رحمة ربي كبيره وبيرحمني برحمه سبحانه
اااااااااااااااااه ياربي ياحبيبي بس ادعوو لي ربي يفرجها علي ..
والله محتاجه دعواتكم
