صديق زوجي ساكن معنا؟؟؟ كيف اتصرف؟؟؟

فوشي ووردي واصف

فوشي ووردي واصف

New member
إنضم
2010/01/30
المشاركات
210
السلام عليكم ورحمة الله وبركاته​


بصرراحه مالي احد اقوله الي بخاطري الا انتم:30:​


صديق زوجي ساكن عندنا بالشقه​

والحين له اسبووعين جالس عندنا وانا مااااليت​

هو توه متوظف وراح يجلس عندنا لين يلقى له شقه؟؟؟ولا دري متى يلقى شهر شهرين اسبووعين:dunno:​

بس انا ماليت زوجي ياكل معه ويطلع معه ويجلس معه طوول الوقت
قسم بالله مايجلس معنا بس جالسه لحالي لا روحات ولاجيات ولاحتى اشوفه الا بليل لاجاء ينام يصير دااايخ يطيح وينام ويقوم ويروح لدوام وبس ماشووفه الا يجي ياخذ غداه هو وصديقه يروح عنده بالمجلس ومعطي صديقه مفتاح البيت ذاك اليوم جاي صديق زوجي من الدوام وجالس بالمجلس وانا على اعصابي خايفه صحيح انه صديق زوجي بس الشيطان شااطر
اااااه بس والله اني مقهووره ​

وقبل يومين جااااااااسه اصيح دخل زوجي علي كان بيطلع هو وصديقه وشافني اصيح قال وش فيك قلت متضيقه قال وش الي مضيقك ؟؟؟قالت انت مو لمي بس جالس مع صديقك قال خلااااص اسكتي وتعوذي من الشيطان وطلع وخلاني
حتى فيه اشيا كثيرره بخااطري ماقلته له بس ماجازله كلامي وسكتني​

والله اني مقهوووووره بعيده عن اهلي ولا فيه حنيس ولا ونيس زوجي بس مقابل صديقه ويدخن هو وياه لو بس تشموون ريحة البيت من الدخان كنا في واحد وصرنا في اثنين وكل واحد فيهم ماسك الابتوب والا البلاك بيري ومباريات وانابس انظف واطبخ صايره زي الخدمه
غذاا وعشا ماليت لو انا وزووجي كان اي شي يكفينا والغداا مو كل يوم اطبخ بس من جاء صديقه وانا لازززم كل يوم اطبخ غدااا وعشاء ​


مع العـــلم يابنات زوووجي هوو الي ملزم على صديقه مايستجر ويجلس عندنا
وزوجي كررريم مع اصدقاه مررررره ويطق صدره داايم لهم على حساابه
لو اسافر لاهلي يجيب اصدقاه للبيتي ويجلسوون عنده​

زووجي من النووع الي مايرحم ولا يقدررر ولايعووض
مايقول زوجتي يمكن تعبتها يمكن تتضيق ولا يتكلم ولايسولف بس طاير بصديقه والله لو اني لقيه الكلمه الطيبه منه والتقدير كان على العين والراس بس والله ماشفت القدر ماشفت الا المهاانه للاسف ولوو جلس معي قبل لاينام يمسك البلاك بيري وينغز فيه لين ينام ​


انتم لو مكاني وش بتسووون؟؟؟؟
عااااادي تصبروون وتسكتوون مثلي والا كيف تتصرفون حطووااا انفسكم مكاااني؟؟؟​
 
والله لطين عيشته صدق مايستحي على وجهه وماعنده رجوله ولا شهامه ........على أي أساس مسكنه عنده وعاطيه مفتاح للبيت .........وينك ؟
وين أهلك عنك؟
 
لا حولا ولا قوة الا بالله

ماادري شلون يفكرون بعض الرجال اجل جاايب صديقته بيته ومعطيه مفتااح بعد

حبيبتي الله يعينك وديري بالك من نفسك

وكلمي زوجك ع انفرااد وحااولي تفهمينه بهودوء بان هالشي ماايصير رجل غريب بالبيت

والله مستغربة من تصرف زوجك
 
الله يعينك ..

قولي له يوديك عند اهلك فتره الين يلاقي صاحبوو شقه ...

تسذا اهو راح يدور له حل
 

ليه تسكتي وتبكي اول شي وقفي تقديم الوجبات وقولي الدخان الي كاني داخله شقه عزابيه شوف لك فيه حل

وبعدين اذا صاحبك فاضي فانت وراك بيت وزوجه مو خدامه لك ولاصحابك والله اذا شايفك ساكته وراضيه تتوقعي يزعل ويحن عليك
لا ياقلبي عزي نفسك عشان غيرك يعزك
الله يعينك لو انا بتوطى في بطنه رجال اخر زمن
​
 



ههههههههههههههه بنات وش فيكم هدووها مو تكبرون السسالفه


حبيبتي هذا زوجك تفااهمي معه


مشكلته طيوووب مررره حاولي فيه بأسلوبك علششان يرجع لك


مبين من طيبته وشهامته أنه شماالي والشمالي مايحب الزوجه اللي تسساومه


يعني بالكلمه الطيبه والصبر الله ينولك اللي بالك ويريحك ​
 
مسخره لي ساااااااااااااكته خدامه لك انت فهمنااااااااااااا اما مخلي بيتي فندق حتى الخدامه ينقاااااااالها مشكووووووووووره روحي لاهل او لاتطبخين وادا سالك قوليه مالي خلق وادا تكلم سيبيه وامشي نكدي عليه بس بدووووووووووق الين مايحس لاصاحبه ويدلف
 
ااااااااااه بس واالله مسكتني ولو احكي كلمه طير عيونه علي وسككتني وهوو شخصيته قويه مره ولاقدر عليه ولو بزعل والا بقول شي كلمته لي دايم صكي براسك الجدار ويهننني اهاانه يززعل ويحرمني كل شي المصروف والطلعه حتى اهلي يحرمني منهم واذاا طنشته طنننشني ماعرف كيف اتصرف ولاهميته اصلاااا
والله حالي مايسر​
 
اختي لا تسكتي تفاهمي معاه مانفع كلمي اهله مانفع كلمي اهلك نوعية زوجك ما ينفع معاه غير كذا شكله صغير في السن
لانه مافي رجال يسوي اللي يسويه يجيب رجال غريب ويخليه يسكن في بيته هو مو عايش في الدنيا ويسمع بلا ويها
 
لو انا ما اجلس له في البيت
بقوله كرمك عليهم برا \ اعزمهم في كوفي في مطعم
ولا ابشر جيبهم مره في الشهرين ...

اما على راسي دايم ؟؟!! لييييييييييييييييه ؟؟؟

بأطلبه مره مرتين باللين والتفاهم
ما نفع بوريه وجه ثاني ..
حشى ما صرت زوجه انا ؟!! صرت طباخه وخدامه سوا !!!!!!
​
 


الله يعينك عليهـ والله يسسر أمورك ياقلبي من جد قاهرني زوجكـ بس ماودي تتنكد حياتك ​
 
حبيبتي لاتطبخين ولاشي ريحي دماغ خويه هذا مو مكفله فيه انتي يروح يستاجر له ياقلبي انتي الله يعينك كيذا الرجال مايحسون بالتعب
 
كيف تجلسين في الشقه وصاحب زوجك موجود حبيبتي وضعك ماينسكت عنه دخان ووجبات فوضى هي فوضى ولا ع باله جالس بفندق 10 نجوم وبلاش والكرف عليك انتي
كلمي اهلك عن وضعك واتوقع ماراح يرضون
وانتبهي على نفسك حبيبتي من صاحب زوجك ايه الشيطان ما مات
والله يكون بعونك يا قلبي
 
هلا اختتتي
احنا ربوناا اهلنا وكبروناا وعيشوناا احسن عيشه ومب عشان الرجال يخذونه ويلعبون فينى زي مااهم يبون يابنت الناس حافظي على نفسج قبل لايطيييح الفاس في الراس والشيطاان موجوده وين الكرامه والشرف والغيره اللي عند زوجك عليييج وصاحبه غيرخير ياطير عيب عليه اللي يسويه وحرااام في نفس الوقت اهلج عطوه اغلى مايملكون ويجي اهو بيفرط فيييج لا يااختي لاتسكتين عن الموضوع وبعد يبي يجيب لج مرض مب كافيه انه اهو يدخن وبعد صاحبه صج نااس هالايااام غريبه ربي لك الحمدوالشكر الوحده تطلق هالاياام من رجالهم عشان الدخان وهو دخان وصديقه كملت
 
اهله يدرررون ان صديقه عندنا
كلمت ام زوجي قبل يومين قالت الرجال للحين عندكم قلت ايه ياخاله لسه عندنا وقلت والله اني ماله ماشووف زوجي ابدااا قالت خالتي والله مايستحي لا ولدي ولاصديقه بس الشكووى لله
ااه يابنات وربي فيه نار شاابه بصدري انالو اني شاايفه قدري عند زوجي كان قلت اتحمل بس والله كل يوم مهوشني والا زقارني على اشيا تااافه وداايم يحسسني اني انا غلط واني ماافهم والله مكد حسيت بالحب معه بس صوش مصبرني غير ولدي الله يخليه لي​
 
اسمعي حبيبتي حاولين قد ماتقدرين تدلعين زوجك وتغرينه ونسيه خويه وكل مايدخل عندك بوسيه وجننيه وقولي اشتقت لك ومن هالكلام
 
انتي كيف ساكته يعطي صديقه مفتاح البيت باي حق ليش مايخاف عليكي حبيتي هاذي ما يبيلها تسكتين خير ان شاء الله لكل بيت حرمه وهو عادي يدخل صديقه البيت في اي وقت وان جاء صديقه فجاء وانتي تنضفين المجلس وش بيكون موقفه لالالالالالالالالالالالالالالا تسكتين ولاتخافين منه قوي نفسك يحترمك ويقدرك ويحسب لكي حساب انتي تقدرين تتخذين موقف بس الخوف مصيطر عليكي
 
حبيبتي
بقول لك نصيحة مجرب
اكرمي زوجك واصحابه
راح يكرمك لا تطيني عيشتك وانتي عارفه انو ما راح يتغير شي

فخليك هاديه ومصير صاحبه بيروح اليوم بكره بيروح
واذا على المفتاح اللي معه
قفلي الباب اللي بينكم
ولا تنقي على راس زوجك
وانتي ادرى الناس بطبعه
والله يهديه لك ترى اهم شي عند الرجل كرامته
فلا تطلعينه صغير عند صديقه
وهو ما راح يقبل هالشي
وراح يذكر جميلك حتى لو بينه وبين نفسه
تقبلي ردي بصدر رحب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل