صديقتي وزوجها العقيم !!!!

[ابي اسجل وبسس]

صباح/مساء الخير
اخباركم
ان شاء الله بالف خير

انا قريت موضوع المشرفه "دلع قلبه" عن العضويات اللي راح تنقفل ..وما اعرف اذا الموضوع مناسب للطرح هنا او لا ..بس ياليت المشرفات ما يقفلون الموضوع يوم واحد عشان ناخذ النصايح والتجارب ..


انا لي صديقه قريبه إلى قلبي حيل واحنا درسنا المرحله الثانويه سوى في المنطقه الشرقيه ..اهل صديقتي ما يعترفون بالتعليم الجامعي وما خلوها تكمل دراستها بالكليه رغم انها كانت تتمنى تكون معها شهاده جامعيه وانا دخلت الكليه وهي تزوجت بعد الثنوي وراحت عاشت في المنطقه الغربيه...
المهم تزوجت رجال مطلق ومعه طفلين..وبعد زواجها كانت متوقعه انها تحمل في الشهر الثاني او الثالث المهم ماااحملت وكان الرجال يسولف عن الاطفال بشكل طبيعي وكأن ما به شي ...طبعا دخلت الكليه بعد زواجها ودخلت قسم حلو وهي مصره انها تكمل دراستها ماشاء الله ..

وبالصدفه بعد سبع شهور من زواجها اكتشفت ان زوجها كان مريض بالسرطان وسوو له عمليه وانقطعت عنده الخلفه وصار عقيم بعد ما جاب طفلين وما قال لها انه عقيم ولا قال لاهلها لما خطبها ...

بتقولون ليه اهلها ما سألو عنه ؟؟؟

لانه مو من جماعتهم واهلها من النوع اللي مو كثير يهتمون بهالاشياء يعني عندهم البنت تنخطب على طول زواج ماله داعي يسألون كثير..
وانخطبت وملكة وتزوجت في فتره قصييييره جدا

المهم هي تقول انها لما درت انه عقيم سوت مشكله كبيره معه وهددته انها راح تطلب الطلاق وتفضحه لانه ما قال لاهلها لما خطبها ..

والحين صار لها ثلاااااث سنين متزوجه وتقول انه حنون وطيب بس مشكلته في الانجاب

وقبل فتره قالت لي انها تبي تطلق منه بس تنتظر لما تخلص الكليه وتطلب الطلاق وترجع لاهلها ..
وهي تبي تكمل دراستها لانها اذا تطلق قبل التخرج ورجعت لاهلها اهلها مستحيييييل يخولنها تكمل دراستها ..

وانا بصراحه قلت لها لا تطلقين ان شاء الله ربي يشفيه بس هي تقول حالته ميؤس منها ...

وطبعا هو ما يدري انها تنتظر التخرج وبعدها تطلب الطلاق ... يفكرها خلاص راضيه وتبيه حتى من غير اطفال....

هي تقولي مره صارت مشكله بينه وبينها وطلبت الطلاق واخوها كان عندها بالبيت وزوجها طلقها طلقه وحده وجلس يبكي !!!!شين وقوي عين...
بس رجعها وتقول قررت ما عاد اقوله يطلقني إلا لما اضمن الشهاده ....


ودايم تشتكي لي من اخت زوجها انها دايم تسولف عن اطفالها وعن حركاتهم وشقاوتهم وعن المحلات اللي تشتري منها ملابس لاطفالها ...يعني اخت زوجها تبي تقهرها بهالنقطه ...



وانا احيانا ودي اقولها تطلق منه لانه خدعها والشي اللي سواه ما يجوز لانه حرمها من الامومه واحيانا اقول لا تطلق بس تظل معه ويمكن ربي يشفيه ...وهذي برضه مشكلة اهلها المفروض سألو عنه اكثر

احس لو انا ممكن اتركه مباشره حتى من دون ما اكمل الدراسه لانه خدعني ..والدارسه ممكن تتعوض مع زوج ثاني او ممكن اقنع الاهل بالدراسه..بس انا بصراحه احاول اهون عليها..واسولف لها عن اولاد اخواني قد ايش هم مزعجين وهي تحبهم ولما اكلها تقولي ابي اسولف مع واحد منهم :8:

نصايحكم ؟؟؟؟؟؟؟؟؟؟؟

 

[ابي اسجل وبسس]

*...و لما اكلمها عالجوال تقولي ابي اسولف مع واحد من اولاد اخوانك

سوري ع الغلط

 

[omsaraaa.ahmed]

ترضى بما قسمه الله لها يمكن لو اتطلقت وتزوجت بغيره ربنا يجعل اولادها فيهم شئ وتكره انها جابتهم ولا اقولك خليها تصلى صلاه الاستخاره وربنا يكرمها بصراحه احساس صعب اوى

 

[شموع بلقيس]

طيب تجرب اطفال انابيب واذا ما فيه وما تنفع تكمل دراستها يمكن خيره انها خذته عشان تكمل دراستها
واذا هي تحبه بس عشان موضوع العيال ودها تتركه احسن لها تجلس معه السعادع مو في العيال
وذا هي ما حبته تتركه
وقبل كل شي اذا هي تحبه تسوي اطفال انابيب اتوقع تنفع واذا بغت تجرب قبل ما تتركه تجرب عشان ما تتندم بكره تقول ليتني سويت انابيب قبل ما اتركه

 

[الجده الصغيره]

العيال سند الحرمه إذا كبرت..ماشاء الله عليها إنسانه واااقعيه...أحييها على هالتفكير الناضج...هو له ولدين وهي وش لها؟؟

 

[لياان]

بصراحه يعتبر قانونا خدعها بشي مهم وهي حرمانها من الامومه واناني لانه عنده عيال لو صار العكس ماصبر عليها


تحاول معه وتشوف اذا فيه امكانيه للاطفال انابيب ممكن تستمر


وتستخير وتطلب مشورة استشاري بالامور الاسريه اضمن لها