بادئ الموضوع تاريخ البدء
  • المشاهدات 905
  • الردود 5

شيكه

New member
إنضم
3 أغسطس 2007
المشاركات
16
مستوى التفاعل
0
النقاط
0
الإقامة
الخليج
اخواتي واخواني عندي مشكله صديقتي ارجوكم عطوني حلول لها ؟

صديقتي جات اليوم دوام تصيح من قلب وبحرقه كسرت خاطري هي لها مشااكل كثيررة مع زوجها من تزوجوا ومافي فايدة لو تحاول تعدل هو عنيد ونحيس وباايع المهم بقولكم كل كلام اللي تقوله
هي متزوجه من 5سنوات وعندها بنوتين الله يحفضهم وساكنين مع اهله زوجها

دايما تشتكي منه وعلى فكرة هو فيه ايجابيات وسلبيات لكن سلبيات اكثر مثلا هي تقول ان الكل يمدحه واايد يخاف على سمعته قدام ربعه واهله وهو جدام ناس حبوب يساعد ودوم يمدحها وجدام اخواته واهله يدلعها وهي تامر وهو يسوي وحتى جدام اهلها يدلعها وكل اهلها يمدحونها انها خذته لكن في غرفه معاها شخص ثاني يصارخ يضرب يسيطر ومايفتكر فيهم مايطلعهم ولايونسهم ولاحتى لاغراضهم شخصيه تقول من تزوجت مايخليني اروح جمعيه او صيدليه او اي مكان بس ثياب للبنات بس يخليها تشتري تقول حتى مكياج يقولي بس كحل وبودرة تقول مرة شريت ب600 من مكياج وسوالي سالفه طوةيله عريضه ليش هالمبلغ على مكياج ةوتقول بمعاشي وتقول اذا قتله بشتري مثلا ثلاجه او تلفزيون لا مومحتاجين تقول من اشتغلت 4سنوات خاطري في لاب توب موراضير اشتري بمعاشي وتقول خلاني اخذ سلفه على ظهري عشان ياخذله سيارة مع انه يقدر ياخذ سلفه وتقول حتى سفر يسفرهم بحسابها ويدفع قليل وطلعه بطلعه روح ينام بفندق من صبح للمغرب ويطلعهم بليل ساعه ويشترون عشا ويرجعون لكن تقول اذا هو بيطلع حق عمره او مع ربعه يستانس لنص الليل وتقول على اقل شي يهاوشها ويصارخ عليها حتى لو هاوشت خدامه على شي يصارخ علي وينتقدني ودوم انا غلطااانه تقول حتى سينما مطاعم يبون يروحون مايوديهم ومايخليها اتتشري اغراض براحتها ومايخليها تروح جمعيه او اي مكان هو يبي عشان ماتشتري شي زيادة والقهر تدفع من معاشها حتى لما تروح سوق تشتري هو يختار واذا مااعجبها يصارخ عليها قدام بياعات ويهواشها ومايخليها تاخذه وتقول قبل لاتشتري اي حاجه حتى لو من منتديات او اي شي لازم تستئذن منه حتى لو من معاشها وتقول انه واايد يحب سيطره ماتروحون وماتشترين والخ وتقول طلعه يطلعهم بالعافيه وبهواش وصراخ طول الاسبوع في بيتهم وبيت اهلها مرة وحده ويطلعهم يمكن في شهر مرة وتقول اذا تبي تروح كوافير او تقص شعر بناتها او تشتري لهم ثياب شهر قدام تحن ويالله يوافق وتقول لو طلعنا نشتري تطلع طلعه بعيوني بسرعه موحلوا انتي ماتعرفين تشترين وتقول حتى لو قلت بشتري بس بدلتين ياويلي اذا شفت شي بالمحل وقلت باخذه عجبني ليش من قبل ماقلتي ويخليها تاخذه عقب مايكسر قلبها وتقول ماتدري شنو يصير فيه لما تروح سوق او مجمع تشتري اغراض للبنات يتم يافف ويتحلطم ويصارخ عليها قدام بياعات وبسرعه خلصي ويقولها انتي تشترين اغراض مالها لزمه وهي اللي تدفع لكن تعالوا اذا هو بيشتري بنطلون حقه يتم بساعات يدور وينقي فيه وتقول انه حارمه نفسها من اشياء واايد بسبب انها اللي تصرف لكنها تقول انه يصرف عليهم ولايبخل معاشه كله على جمعيه وعشا لكن واايد يقعد لهم على حبه وتقول اذا قتله بعطي امي او اخواني مبلغ فلاني يقعد على جبدي لين مااقوله مالك خص واذا بغوا اغراض جمعيه لازم اسبوعين قدام كل يوم بكرة بكره ومافي منه فايدة دوم ينتقدها يهاوشها ويعيب عليها تقول كرهت نفسي معاه مافي شي عاجبه وحتى لما تبي تروح صالون تقص شعرها او تعدل بعمرها لا انتي جذي عاجبتني وتقول كل اهله يتطنزون على لبسها لانه عادي ورخيص لانها مايخليها تشتري غالي واللي على راحتها وسوق يوديها بعد طلعة روح وتقول قدام اهله واخواته يادهينه لاتنكتين اللي تبيه يصير تقول اموت من قهر الكل يمدحه انه انسان مافي منه وهو حياتها معاه جحيم وحتى على بناته يوديهم مستشفي بعد ماتصارخ لكن اذا بنات اخته يررركض وتقول بنات يصيحون متمللين من بيت يبون يطلعون مايطلعنا في الفريج ياخذ فينا لفه ونشتري عشا وكله راسه يعوره مضاايق

المهم هي حاولت بشتي طرق وكلمته وتفاهمت معاه مافي فايدة لو يستعدل يومين وعقب يرجع نفس قبل

قالت خلني اسوق حط دريول لا والف لا لا لا لا لا

وهي واايد مضايقه لانه عندها بنتين وماتبي طلاق لكن دنيا ظاقت فيها وتقول مااقدر اعيش مع انسان حتى مايقولي كلمة احبج ولايدلعني حتى علاقه اللي بينهم بشهر مرة ومايطلعهم ولايفتكر فيهم فقط بنفسه وتقول لو اخته تتصل تبي شي فلاني يررررررررررررركض يبلهم ولو اخواته يسون شي مايعجبه مايقولهعم ولاشي لكن هي صراخ وطق وهواش والخ معاشه على قده وراضيه وهي وافقت عليه وماطلبت مهر واايد وزواج على قد ولاسوت خطوبه ولاهديه ولاحاجه وتشتغل وتصرف على اعيالها ونفسها وللبيت وللخدامه وكلشي وماتعايره ولاتقوله حاجه وتعطي اهلها وامها مبلغ شهريا تقول هو كان يضربها وحتىوهي حامل بعيالها انه يلبي طلبات غير ولايسويلهم تقول معليش هذولا اخواته وابوه والخ وهي على فكرة انسانه جدا طيووبه ماتتصورون طيبتها واايد مخربه عليها في ناس يستفيدون من طيبه قلبها ومتساامحه وحبوبه والخ



وتقول لاعت جبدي من عيشه معاه ماتقدر تعيش بهالاسلوب وتقول صادني اكتئاب وكرهت عمري معاه ومامنه فاايده في تعديل وماتقدر دخل حد من اهلها عشام مايطيح من عيونهم لاجل بناتها واهله ماتقدر ابوه مريض راعي قلب واخواته مايصدقونها يطلعونها كذابه وانه اخوهم مايعيبه شي


وهي تفكر جديا بطلاق وتاخذ بنات وتروح لاهلها

شورايكم

هي تعبت قعدت معاه يقولها انا مافيني شي انتي عنيدة وغلطانه
 

دمعة فرح..~

New member
إنضم
2 يونيو 2008
المشاركات
422
مستوى التفاعل
0
النقاط
0
مرحبااااا اختي 0000
مشكلتج بسيطه وتصير للكل وداخل كل بيت بس كل وحده وذكاءها ومقداااااار تحملها وبعدحبها لزوجهاااا تقدرين تحتوينه لو عطيتي حب واهتمام اكبر بس الصبر بعد محتاجينه بغيت اسالج اختي جربتي تدعين وتطلبين العون من الله سبحان وتقربتي له بصلاة الليل والنوافل والاستغفار والدعاء ان يصبرج ويعطيج الحكمه في كيفية تعاملج معه والله قريب من العبد دام عبده قريب منه مايبخل عليج ابد الالتزام باوامر الله واجتناب النواهي هي اساس السعاده والتوفيق عزيزتي موفجه باذن الله
 
إنضم
12 مايو 2008
المشاركات
1,256
مستوى التفاعل
0
النقاط
0
الإقامة
السعوديه
الموقع الالكتروني
🔗
تاخذ له سلفه على ظهرها وتبي حل ؟؟؟!!!

اسمحي لي صديقتك غبيه جدا وعديمة شخصيه مو ضعيفه

المفروض يادلعها قدام الناس تقول له بالفم المليان قدامهم : وليش هالكلام مايطلع الا قدامهم ؟؟

تقوي عينها بالحق

يبي له مشوار طويل حتى تقوي شخصيته وصعبه اننا بنوجد لها حلول وهي شخصيتها كذا

لازم يكون له لسان حق مايخررررس

وبعدين مو لازم تقول له ابي هالشي .. تشتريه وماعليها منه ..


او انها تعطي امها او خواتها يشتررررررررون لها

اتوقع بطاقتها معاه خخخخخخخخخخخخخخخ هذولا الحريم المغفلات

صدقيني سنه سنتين وبيقطها لاخلص منها ويجيب له وحده شخصيتها قويه

اسأليني فيهم

نسيتوا الاستاذه ناعمه وهي تقول لاجيتي تطلبينه سوي نفسك انك خلاص مقرره مو تترجين



.
.



سامحيني على ردي بس قهرتني شخصيتها وماأتحمل الحرمه اللي كذا

كل شي يصير لها بسبتها مو بسبة رجلها
 

مهجوله

New member
إنضم
2 مايو 2008
المشاركات
298
مستوى التفاعل
0
النقاط
0
الحين هي مو شايفه حالها ولا محترمه نفسها وتبغاه يحترمها

انا استغرب من بعض هاالحاريم مسلمه زوجها كل شي بس اهم شي مايزعل عليها وخير ياطير خليه يزعل
لازم تقوي نفسها وتفرض شخصيتها عشان يحسبلها حساب
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى