صديقتي تستنجد بكم :(

[جنون بيبي]

هذا كلام صديقتي ارسلته لي عشان احطه لكم وتساعونها ..



بسم الله الرحمن الرحيم

الى حكيمات مملكة بلقيس
زوجي يمد يده علي وقدام عيالي وش الحل ؟؟؟
جربت قلت لابوي رحت لاهلي وزعلت منه مانفع وامس خلاص ما اني قادرة اتحمل ضربني كف ع وجهي
لليوم الثاني يعورني وجهي هو طيب بس لاعصب ما ادري كيف يصير مزاجة حتى مع ولده يضرب ضرب مبرح ؟؟؟ ساعدوني تكفون ؟؟؟




انتظر منك ردود

 

[ام صبا الاموره]

اهم مافي الحياة الزوجيه الاحترام
وخاصه اذا كان بوجود الاولاد
اذا شافته عصب تبعد او تبعد الاولاد >>>تتشاغل
الله يسخر لها زوجها ويجعل بينهم الاحترام

 

[الساعه الرمليه]

بصراحه ماني عارفه ايش اقول لك بس أحس أن الحياه الزوجيه اللي المفروض تكون موده ورحمه لما توصل لمرحلة الضرب وعدم الأحترام يبغى لها حل جذري وتفكير عميق ..
خليها تستغل وقت يكون راااايق فيه وتجلس معاه وتتكلم معاه حول هذه النقطه اللي هي الضرب وأنه اذا ماهو قادر يسيطر على نفسه اذا كان معصب انه يخرج من البيت أو تحاول تمتص غضبه مثل ما قالت الحبيبه اللي فوق وتبعد عنه هي والأطفال ....
اذا ما نفع هذا كله تستشير أنسان عاقل وفاهم يعلمك كيف تتعاملين معاه واذا قريتي عن الأنماط تعرفي على نمط زوجك علشان تعرفين كيف تتعاملين معاه ...الله يهديه

 

[دلوعةزوجي]

نصيحتي لقريبتك اول شي تبدى تغير من نفسها فرب العباد ما يغير من قوم حتى يغيروا ما بأنفسهم
مثلاً وقت العصبيه تتجنب اي نقاش معاه حتى لو حاول يستفزها تحاول تستغفر وتقول هالدعاء اللهم اني استعنت عليه بلا اله الا الله والجمته بلا اله الا الله واخذت حقي منه بلا اله الا الله
تحاول تبتعد عن اي شي يثير عصبيته وغضبه مثلاً زوجها يكره الصوت العالي تبعد عن الصوت العالي صوتها يكره النقاش تبعد عن النقاش
انتي تقولين زوجها طيب وحنون بس اذا عصب يمد يده من الاساس ليش تخليه يعصب
حبيبتي حاولي تفهمينها ان الرجل ما يمد يده على المرأة الا اذا هي استفزته واخرجته من صمته وهدوئه وانا مو ابرر لزوجه او اقول الضرب عادي لاكن تتجنب عصبيته
دمتي بود

 

[أنوثة و دلع]

عزيزتي أولا كان يجب أن تكتبي العنوان صديقتي تستنجد بالله ثم بكم فما نحن إلا بشر نخطأ ونصيب والصواب والحل بيد الله وحده لاشريك له




وبالنسبة لصديقتك أسأل الله أن يفرج همها وكربها كل شيء إلا الضرب لو تبين احتجاجها وغضبها بـــ هجره بالكلام وإظهار الحزن على وجهها ثم عندما يهدأ تكلمه بكل هدوء وتظهر حزنها وأن الحياة الزوجية مودة ورحمة وأنها تخاف أصبحت تخاف على نفسها وابنها منه وعند غضبه عليها أن تتجنب الاقتراب منه أو مناقشته والله المستعان أسأل الله أن يرزقها الصبر والثبات ويهدي زوجها ويصلح حاله

 

[احساس صعب]

الله يكون في عونها من رأيي إذا عصب تفرك تحط رجلها يعني تهرب من المواجهة وإذا هدأ ترجع له ولا تحاول تحتد معه في النقاش وتعلي صوتها عليه تخليها مسالمة ولا تناقشه في أمور زي كذا أمام الأولاد

 

[شموخي عز ذاتي]

مساكين هذولا الطفال هم الي تعذبو صعبه يشوف الطفل امه تنظرب قدامه واكيد متعبه هاذا الشي نفسيته لازم قدر الامكان اذا صار مشكله تلزم الصمت سواء امام الاطفال اولوحدها حتى لو ايشششششش بعدين لما يهدا تكلمه بهدوى بس اهم شي تختار الوقت المناسب

 

[فرزانة]

ربى يهدى النفوس

 

[تشكرات]

والله يا أختي الحبيبه مادام زوجها حنون وطيّب ففيه الخير باذن الله ....المشكله لو كان شرس

الأخلاق والضمير .....

لكن زوجها حنون وابن حلال ....ولذلك لازم تحاول تتجنّبه وقت عصبيّته .....وتكون ذكيّه معه

في التعامل ......لا للنقاشات الحاده ....ولا للمفاهمات أمام الأولاد ....ولا لطلبه أي شئ وقت

تشنجه .....ولا لطلبه شيئآ وقت راحته سواء منك أو من الاولاد ...لكل وقت وله حديث ولكل

مقام مقال ......

بما أن زوجها يملك صفة الحنان ( فلازم تستعطف حنانه ...وتحرّك عطفه عليها ....هذه خطه من

الخطط .....كمان لو زاد الحال عن وضعه الطبيعي ( لازم تكون صارمه معه ....ولا تتكلم معه ولا

تعطيه أدنى أهميه .....تربّيه في بيتها وبين جدرانها الأربع ولا من شاف ولا من درى ....فلو اخبرت

أحدآ لربما يحقد زوجها عليها للأبد ...ولذلك لازم تكون قويّه وشجاعه وتعالج مشكلتها بنفسها ....

تستمر بمقاطعة زوجها ( حتى يشعر بفداحة فعله .....) .....ويبدأ يراجع نفسه ويحاسبها ....

ولو أعتذر ( تستغل اعتذاره لصالحها وتنهال عليه بالمحاضرات اللي تهز بدنه ...بالكلام القويّ المعبّر

حتى لــو تختلق فيلم هندي وتصوغه لصالحها كأن تقول له :::وبصوت حنون وخافت ....ترى الدنيا سلف

ودين ....وكما تضربني كل شوي على أتفه الأسباب >>> سوف يرسل الله لك زوجآ لأبنتك ويضربها على

أتفه الأسباب ( كيف سيكون شعورك عندها .....وأبنتك تضرب وتهان .....وأعلم أن لــي أبّـــآ حنونآ لا يرضى عليّ

بالذّل والمهانه ....أنا لم أخبره ( حفاظآ على رباطنا المقدس بيني وبينك ) .....ولكنك مع الأسف ( تجبرني على

فضحك عند أهلي .......وبعدها أخرجي من المكان وأبكي ....ودعيه يراك وانت تبكي ......

ولو أبدى أسفه الشديد وتحركت شجونه ( أقبلي أعتذاره بثقل .....وأستمري على الحزن والوجه الصامت

فتره ( حتى يحاسب نفسه أكثر وأكثر ......ويفكر ميّة مرّه قبل يمد يده عليك .....

ربي يهديه ويسخره لك يارب...

 

[جنون بيبي]

اميييييين الله يهدي سرهم ويصلح امرهم ياااارب