صديقتي بتخرب حياااتي

غلاوي زوجها

غلاوي زوجها

New member
إنضم
2010/02/26
المشاركات
107
السلام عليكم ورحمة الله



بنات انا في هم مايعلم فيه الا ربي :8:


البارح جتني صديقتي في البيت وقالت لي كلام يسم البدن .. ووصتني ماحد يعرف ابد

تقووول (( ان زوجي اتصل على اختها وغازلها وقالها كلام حلو .. وقال انا ماحب زوجتي وانا شاك فيها انها تكلم واحد .. وحبي الوحيد وحده في المدينه الفلانيه .. يعني يفضفض لها

والطاامه الكبرى انه قالها هاتي بوسه :8:


وتقول ان اختها هاوشته وسكرت السماعه في وجهه وغيرت رقمها ..


الي استغربه لو انها هاوشته كيييف تكلم معها كل هالكلام :35:


المهم ... والي ماتعرفه صديقتي اني ماخبي عن زوجي شي ابد


بعد ماراحت .. سويت جو بالغرفه رومنس .. شموع وورد وحركات ... :32:

وقلت له الي صار ... وربي يابنات عصصصصصصصصصب حيل .. وقال صديقك ذي بتفرق بيننا ..

جاب لي المصحف وحلف انه ماصار الي قالت عنه البنت ولا عمره فكر يخونني مع احد ..


ودي اطلع كذبت البنت ... واشيلها من حياتي ... مفكره اتصل على اختها واسألها عن الكلام الي قالته ..

لانه اصرة علي ما أحكي لها شي ولا اجيب لها طاري ..


وربي من البارح ماعرفت انام مثل الناس ...


انصحوني وش اسوي :8:


 
زوجك من فين جاب رقم اخت صديقتك
وصديقتك هذه انتي واثقه فيها...وصداقتكم من زمان او قريب
ومدام زوجك حلف ع المصحف خلاص صدقيه..
الله يطمنك ويهدئ بالك
 
حسبي الله على صحبتك ونعم الوكيل الله يديها على قد نيتها

انا ضد اني اعزم صحباتي البيت اول شي ...
وبعدين كيف عرف زوجك رقم اخت صاحبتك ؟؟؟؟؟؟؟
وجت تقلك صاحبتك بنية اش ؟؟؟؟؟؟؟؟؟
نصيحه اقطيعها مايحرق قلبها الا القطيعه اقطعيها تماما ولاتقوليلها اش صار وبالعكس اذا تعرفين انه ممكن توصلها اخبارك خليها تعرف كل شي زين وحلو الله يرد كيدها في نحرها ...



مستحيل صديقه في ذا الزمن نيتها صافيه حسبي الله ونعم الوكيل

طنشي ولايأثر كلامها بعلاقتك بزوجك والا بحياتك نصييييييييييييييييحه نصيييحه .
​
 
زوجك من فين جاب رقم اخت صديقتك
وصديقتك هذه انتي واثقه فيها...وصداقتكم من زمان او قريب
ومدام زوجك حلف ع المصحف خلاص صدقيه..
الله يطمنك ويهدئ بالك
أنقر للتوسيع...



ارقامهم في جوالي

من زمان صادقتي فيها ... وفيه اشياء تقولي عنها احسها تكذب بس انا افوت لان مالي خص

مثل تسب ام زوجها او ابوه


الله يسلمك ويوفقك
 
حسبي الله على صحبتك ونعم الوكيل الله يديها على قد نيتها

انا ضد اني اعزم صحباتي البيت اول شي ...
وبعدين كيف عرف زوجك رقم اخت صاحبتك ؟؟؟؟؟؟؟
وجت تقلك صاحبتك بنية اش ؟؟؟؟؟؟؟؟؟
نصيحه اقطيعها مايحرق قلبها الا القطيعه اقطعيها تماما ولاتقوليلها اش صار وبالعكس اذا تعرفين انه ممكن توصلها اخبارك خليها تعرف كل شي زين وحلو الله يرد كيدها في نحرها ...



مستحيل صديقه في ذا الزمن نيتها صافيه حسبي الله ونعم الوكيل

طنشي ولايأثر كلامها بعلاقتك بزوجك والا بحياتك نصييييييييييييييييحه نصيييحه .
​
أنقر للتوسيع...



انا احب اعزمها في بيتي .. وما اروح لها


وراح اطنش .. وان شاء الله انه ما يأثر فيني كلامها بس قاهرتني ودي اطلع كذبتها
 
مدام كذاااابه قاطعيها افضل
 
حبيبيتي صديقتك هذي عدووووووه واقطعي علاقتي فيهاا وانسي كل الي قالته لك وعيشي حياتك مع زوجك ولا تخلي الشيطان يخرب عليك
ولله يوفقك يبعد عنك كل حاسد وفاسد
 
لاتسمحين لحد انه يتكلم بزوجك حتى لو هي اختك المفرض من وقته كذبتيه وقلتي زوجي وثقتي فيه اكبر منك ومن تربيتك لاتخلين للشيطان مدخل اختي والله يووفقك
 
هذي وحده تبي تزرع الشك بينك وبين زوجك الله يهديها مادام هذي نيتها قاطعيها ولاعاد تجيك او تجينها حتى اختها لاتتصلي وتسالينها لانك كذا بتصدقينها ويمكن متفقه مع اختها على نفس الكلام مابتستفيدين ير انك راح تشكي في زوجك تفرح انه دخلت الشك بقلبك وهذا الي تبيه
سبحانك اللهم وبحمدك استفرك واتوب اليك
 
اول شي يالغلا لا صديقتك ولا زوجك يضرونك ولا ينفعوك الامر بيده الامر بيد الله سبحانه وتعالي مدبر الامور ولا احد يقدر تخرب حياتك دام الله معك وانتي مع الله وتوكلي عليه واحسني الظن به مع فعل الاسباب

ثاني خلاص قولي ان زوجك منع احد يزورك واقطعي علاقتك فيها وخليها رسميه ولا تقولين لها انك سئلتي زوجك


يعني علاقتك رسميه معها واستودعي الله زوجك فالله خير حافظ يوسف عليه السلام استودعه ابوه والله حفظه من كل شر حتى الفحشاء والسوء !!!! فالله هو القادر على كل شي
 
اذا مرررره تبغي تتأكدي قوليلها تعيد الكلام اللي قالها زوجك اذا صار تلخبط فهي كذابه
وبعدين ليه ماتقطعي علاقتك فيها .....وكمان زوجك ماحصل الا اختها ليه مو هي مثلا ؟؟؟او غيرها ...؟
وش عرفه فيها هل انت تتكلمي عنهم قدامه وتوصفينهم ولا ايش ؟؟...وهل برأييك الحب صار سهل كذا حتى لو سمع كم كلمة عنها صار يحبها ويكلمها وتكلمه.وغرام ومش عارفه ايش ...؟؟؟؟
شوفي احس لو كلامها حقيقي اللي قالته لك (مع انه كذب والله اعلم) يعني العلاقة لها فتره طويلة وانت ماتدرين ....
طيب ماادري اذا بتصبري او لا هذي الفترة خلي علاقتك فيها عااااااااادي ولا تبينيلها غضبك او قهرك وشوفي اذا بتفتح الموضوع من نفسها او تلمح اعرفي تبغى تنغص عليكي ....وبعدها اقطعي علاقتك فيها او خففيها بمويه ..ولا تذكري اي حاجه عن حياتك قدام اي احد ......
 
حبيتي هذي مو صديقه هاذي عدوه لك
مادام حلف على المصحف صدقيه مافيه شي اعظم من الحلف كذا
وبعدين صديقتك لاتسكتين لها دقي عليها وخليك قويه واثقه بزوجك
وقولي لها انتي كذااااابه وعلاقتي فيك راح اقطعها من الان
وماعرفك ولا تعرفين
واصلا لاتسمحين لاحد يتكلم بزوجك قدامك ولا تكلمين فيه عند احد
يمكن غيرانه منك او يخططن لبعيد انه تصير مشاكل بينكم ووووو....ويستولن عليه
انا ما اخوفك بس ابغاك تكوني حريصه لان الحريم كيدهن عظيم,,,,
والله يسعدك و يوفقك ويحفظ لك زوجك
وبعدين لازم تثبتين لزوجك ثقتك فيه لانه الحين راح يحس انك مو واثقه فيه
وبالتوفيق
 
سبحان الله ... من أول كلام صاحبتك وأنا استشعر كذبها وآخره أكد لي ذلك ... ​

طيب تعالي نمسكها واحدة واحدة ... ​

1) زوجك اتصل بأخت صديقتك .. ما شي ... لو هو يعني شخص فاسد وأخلاقه زفت راح يعرّفها من هو ويتمادى في الحديث بدون ما يخاف معرفتك ؟؟ وخلاص ضاقت به الدنيا ما لقى غيرها طيب ما هم ماليين الدنيا وبعيد عن معرفتك !!!​

2) زوجك متضايق منك وشاك فيك ... بيروح يخبر صديقتك ولا يتخذ موقف معاك؟!​

3) طيب واحد مهموم ومتضايق من شكه إن زوجته بتخونه ... طيب من فين جاب نفس يطلب بوسة؟! (الله يقرفها) .. ​

4) هاوشته ... وقفلت السماعة .. وغيرت الرقم .... ههههههههههههه (قبل المكالمة اللي فضفض لها فيها ولا بعد البوسة)؟ قمة الغباء طيب يعني اللي عايز يخرب بيت يتقن الكذبة مثل أبليس !!!​

5) أختها ليه ما اتصلت بك وخبرتك مباشرة وقالت لك تتأكدي من موبايل زوجك أو حتى من موبايلها طاتلما اتصل بها يبقى موجود على القائمة ...!!!​

6) هل رقم البنت متغير (وهذا ليس بدليل) أنا مغيرة رقمي مليون مرة !!!​

7) زوجك عرفت هي وأختها إنه شخص فاسد .. وما بيستحي ووصلت به الجرأة إنه يهاتف أختها ... كيف أمنت على نفسها تدخل بيته؟!​

8) أول كلامها حلفتك ما تجيبي سيرة لأحد .... ليه .. وبتخبرك ليه به ؟؟؟ لأن الموضوع كله طبخ منها ... طبخة قذرة فاسدة قصدها تخرب ما بينكما ... ​

9) أنت لو أطولك لأضربك على قدميك بالعصا .. الواحدة بتكون عارفة إن زوجها فيه كل البلاوي ومتأكدة من أنه بيخونها ووقت ما يجيب حد سيرته ما بتخلي له ... وانت ما قدرتي تردي غيبة زوجك وتركتيها تقول كل اللي في نفسها ... ​

10) الله يهديك ... رايحة تخبري زوجك بالموضوع ؟!​

من رأيي لا تقولي لها ولا تعيدي لها ... أنا لو مكانك طبعا بعد ما عديتي فرصة تردي غيبة زوجك ... تحذفي رقمها هي وأختها ... ولو حصل واتصلت لك .. تردي عليها بثقة وحزم "قلت أوفر عليك ,على أختك معاكسات زوجي" ... ​
 
التعديل الأخير:
لو انا منك مافوتها بيتي لو على كص رقبتي هيه هاي تعتبريها صديقه لو عدوة لدودة اقطعي علاقتك فيها يمكن هيه علاقتها مع زوجها شينه وتريد تخرب حياتك
 
ياعمري وياقلبي ويااختي في الله وياعزي عن زوجك
صديقتك هدي تبي تخرب بيتك وزوجك برئ منها ومن اختها هالشئ وااااضح اقطعي علاقتك فيها نهائيا كلميها وقولي لها انك عرفتي الحقيقه وقولي لها انك ماتتشرفي فيها كصديقه
خلي ثقتك بزوجك اكبر من كدا
اقولك على شغله
ثقي تماما انك راح تسمعي كلام كثير من الناس بس مو كله صح اللي مو مبسوط بحياته بيحب يخرب على غيره
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل